Mübariz Yusifov
116
maqla əks mənalı doğru sözünün kökü düzəlir.
Üz kökünə d əlavə etməklə düz(ül), s əlavə etməklə süz(ül),
b əlavə etməklə büz(ül), ay(aq) kökünə d əlavə etməklə day(aq),
uy kökünə d əlavə etməklə duy(uq), duy(ğu), duy(um); öy(un)
mək kökünə s əlavə etməklə söy(mək); an(rı) kökünə y əlavə
etməklə yan (böyür), yan(akı), ad kökünə y əlavə etməklə yad
(özgə), yad(xatırlamaq) yad(ırğa) kimi monosullablar düzəlir.
Azərbaycan dilində fonetik söz yaradıcılığının izlərini sax la-
yan nümunələr çoxdur. Müqayisə yolu ilə belə sözlərin araşdırıl-
ması dillərarası genetik oxşarlıqların müəyyənləş dirilməsi baxı-
mından maraqlıdır.
Kök daxilindəki sait dəyişmələri ilə
yeni sözlərin yaranması
Kökdaxili sait dəyişməsi ilə yeni kök sözlərin yaranması fo-
netik söz yaradıcılığının səciyyəvi əlamətlərindən biridir.
Söz köklərinin daxilində a-ı səslərinin dəyişməsi ilə sarıq
(sarımaq) sözündən sırıq (yorğan və döşəyin içəridən tikilməsi),
yarıq sözündən yırtıq, qay-qıy köklərindən qayçı, qıyıq, qap-qıp
köklərindən qapaq-qınıq, çağ-çığ köklərindən çağır-çığır; a-o
səslərinin dəyişməsi ilə bağ-boğ köklərindən bağlamaq-boğ-
maq, qap-qop köklərindən qapı, qapalı, qopuq, o-ö səslərinin
dəyişməsi ilə boy-böy köklərindən böylu (hündür), böyük, o-u
səslərinin dəyişməsi ilə boy-buy köklərindən boyun-buynuz,
ə-ü səslərinin dəyişməsi ilə kəs-küs köklərindən kəsilmək (ara
vermək, fasilə vermək), küsmək, təp-tüp köklərindən təpə-tüp
(mərkəz), ə-ü səslərinin dəyişməsi ilə dəl-dil köklərindən də-
lik-dilik, dilim, u-ö səslərinin dəyişməsi ilə çux-çök köklərindən
çuxur-çökək, ı-i sələrinin dəyişməsi ilə cız-ciz köklərindən cı-
Linqvistik tipologiya
117
zıq-cizik, e-i saitlərinin dəyişməsi ilə bel-bil köklərindən bel-
ləmək-bilək, e-ü səslərinin dəyişməsi ilə yer-yür köklərindən
yerimək-yüyürmək, i-ü səslərinin keçidi ilə bit-büt köklərindən
bitkin-bütün, bütöv, u-y səslərinin keçidi ilə tut-tüt köklərindən
tutuşmaq (yanmaq)- tütün kimi sözlər yaranmışdır.
Kök sonundakı samit dəyişmələri ilə
yeni sözlərin yaranması
Sözun əvvəlində və ortasında səs dəyişməsi ilə yaranan kök-
lərdə və onların derivatlarında ümumi məna anlayışı saxlandığı
kimi sonuncu səsin dəyişməsi nəticəsində yaranan köklərdə və
onların derivatlarında da məna ümumiliyi müşahidə edilir.
Bu xüsusiyyəti aşağıdakı kimi səs dəyişmələri əsasında ya-
ranan kök morfemlərdə və onların əsasında formalaşan sözlərdə
müşahidə etmək mümkündür:
Kök sonunda x-ğ səslərinin dəyişməsi sıx-sığ, yıx-yığ, box-
boğ kök morfemlərdə müşahidə edilir.
Sıx-sığ köklərində ümumi məna anlayışı sıxılmaq, yığılmaq
kimi məna çalarlıqlarında özünü göstərir. Həmin anlayışlara aid
müvafiq mənaları bu köklərin əsasında yaranan, sıxmaq, sıxıl-
maq, sıxlaşmaq, sıxdırmaq, sığışmaq, sığamaq sığdırmaq, sığal-
lamaq kimi sözlərdə də görmək mümkündür.
Yıx-yığ köklərində isə ümumi mənalılıq yerə yıxmaq və top-
lamaq kimi çalarlıqlardan ibarətdir. Bu cür məna çalarlıqları hə-
min köklərin əsasında yaranmış yıxılmaq, yıxdırmaq, yığışmaq,
yığdırmaq kimi sözlərdə müşahidə edilir.
Box-boğ köklərində isə boğmaq, sıxmaq, sıxıb bağlamaq
kimi məna xüsusiyyətləri ifadə olunur. Box kökü öz məna
müstəqilliyini saxlamasa da, onun əsasında düzələn boxça sözü
Mübariz Yusifov
118
boğ kökü və bu kökə məxsus düzəltmə sözlərlə qarşılaşdırıldıq-
da yaxın məna çalarlıqları müşahidə edilir: boğulmaq, boğdur-
maq, boğaz, boğunuq və s.
Kök sözlərin sonunda x – n səslərinin dəyişməsinə də rast
gəlmək olur. Bu dəyişmədə x samiti, əslində, dilarxası, genetik
kar n, (velyar n) səsinin relikti kimi iştirak edir. Bu səs dəyişməsi
əsasında yan-yax kökləri, onların əsasında isə yandırmaq, yan-
dırıb-yaxmaq kimi məna ümumiliyi bildirən sözlər düzəlmişdir.
Dilortası samitlərdən k samiti kök morfemin sonunda digər
bir samitlə dəyişmir. K samitinin dəyişməsi ikihecalı kök so-
nunda daha çox müşahidə edilir. G samiti kök morfemlərin so-
nunda norma kimi daim y ilə əvəzlənir. Y samitinin özü isə tək-
hecalı kök morfemlərin sonunda, başlıca olaraq, dil-diş samitləri
ilə keçid təşkil edir. Ona görə də dilortası samitlərin funksiyası,
demək olar ki, birhecalı kök morfemlərin sonunda y samitinin
üzərinə düşür. Odur ki, dilortası samitlərin kök sonundakı dəyiş-
məsindən daha çox, dil-diş samitlərinin keçidi ilə söz yaranması
barədə bəhs etmək daha məqsədəuyğundur.
Söz kökü sonunda y-ş, y-z, ş-l, ş-s, ş-s-l, r-l, z-r, p-b, m-b,
p-m səslərinin keçidi ilə aşağıdakı kimi sözlərin formalaşmasına
təsadüf edilir:
Söz kökü sonunda y – ş səs dəyişməsi yay-yaş-yaz köklə-
rində müşahidə edilir. Bu köklərin əsasında düzələn yayın-ya-
şın sözlərində kənarlaşmaq, gözdən aralı olmaq kimi mənalar
bildirilir. Konkret olaraq, yayınmaq sözündə kənar olmaq (göz-
dən yayınmaq), yaşınmaq sözündə isə gizlənmək, özünü göstər-
məmək mənaları ifadə olunur.
Yaş kökü əsasında düzəlmiş yaşmaq sözü də gizlənmək
mənası bildirir. Yaşmaq sözü dilimizdə indi fəal işlənməsə də
mənbələrdə onun «qadınların yad kişilərdən üzünü gizlətməsi»
mənasında işlədildiyi müşahidə olunur. Xatunları qas-qas yaş-
Dostları ilə paylaş: |