hesabsız qoşunumu azuqə ilə təmin etdim, bundan başqa həmin qalanın ətrafında
olan 30 kəndi də yandırdım və bu kəndlərin tüstüsü göylərə qalxdı
160
. İ. M.
Dyakonov qуyd edir ki, II Sarqon Tarui və yaxud Tarmakis (Təbriz) qalasını da
işğal etmişdir. Bu qala Russanın arpa anbarları yaxınlığında bina edilmişdi.
Göründüyü kimi bu qala dövlətin (Urartu dövlətinin) azuqə anbarlarının müdafiəsi
üçün təşkil edilmişdir.
Bundan başqa burada ordunun at ehtiyatı bazası da mövcud olmuşdur.
Təbriz şəhərinin qədim tarixinin öyrənilməsində II Sarqonun kitabəsi
yeganə və ilk mənbədir.
Bu mənbədə göstərilən ―Tarui‖ və yaxud ―Tarmakis‖ müasir Təbriz
şəhərinin keçmiş adıdır
161
. Uşkayaya gəldikdə bu qala müasir Təbrizin
yaxınlığında olan Üsküyədir. (Üskü)
162
. Üçüncü qala - Aniaştaniya isə hələlik
müəyyənləşdirilməmişdir.
Beləliklə, məlum olur ki, Təbriz şəhəri Atropatena ərazisinin ən qədim
şəhərlərindən biridir. Atropatena ərazisində olan qədim şəhərlərdən, Assuri
mənbələrində gələcək Mannanın paytaxtı İzirtu ilə birlikdə Zibiya və Urmu
(Urmayit) şəhərində adı çəkilir
163
. Bu şəhərin də adı ilk dəfə II Sarqon tərəfindən
çəkilmişdir.
Demək olar ki, Təbriz Atropaten ərazisində yaranmış ilkin şəhərlərdən
biridir. Bir sıra orta əsr müəllifləri, o cümlədən Həmdullah Qəzvini və başqaları
Təbriz şəhərinin bina edilmə tarixini Xəlifə Harun-ər-Rəşidin (IX əsr) arvadı
Zübeydə xatunla əlaqələndirirlər. Doğrudur, Abbasilərin Hakimiyyəti dövründə
Arazkənarı rayonlar Zübeydə xatuna iqta kimi çatmışdı. Onun bu şəhərdə apardığı
tikinti-abadlıq işlərini tarixçilər ―şəhərin salınması‖ kimi qələmə almışlar
164
. İran
tarixçilərindən Məhəmmədhəsən xan, Səid Nəfisi, Cavad Məşkur və başqaları bir
sıra erməni mənbələrinə arxalanaraq Təbriz şəhərinin bina edilməsi tarixini
Sasanilərlə əlaqələndirirlər; lakin onların Təbriz şəhərinin bina edilmə tarixi
haqqında olan müddəaları yanlışdır.
V. F. Minorskiyə görə də Təbriz haqqında ən qədim məlumat Assur çarı II
Sarqonun kitabəsidir
165
.
Bu kitabəyə görə e. ə. 714-cü ildə II Sarqonun işğal etdiyi qalalar
içərisində Tarui və Tarmakisin də (Tarvakis) adı çəkilir. V. F. Minorskiyə görə
Uşkaya müasir Uskuyə, Tarmakis isə müasir Təbrizdir
166
.
160
И. М. Дьяконов. Ассиро-Вавилонские источники по истории Урарту, ВДИ. № 2, 1951, ы. 96 –
97.
161
Е. А. Грантовский. Ранная история Иранских племен передней Азии. М., 1970, с. 96 – 97.
162
V. F. Minorski. Tarix-e Təbriz (tərcümə Ə.Karəng). Təbriz, 1937.
163
İ. M. Dyakonov. Göstərilən əsəri, s. 207: С. М. Кашкай. Из истории Маннейского царства. Баку,
1977, с. 51.
164
Həmdullah Qəzvini, C. Məşkur, C. Fəqih və başqaları.
165
V. F. Minorski. Göstərilən əsəri, s. 16.
166
Yenə orada, s. 20.
İ. M. Dyakonov da bu fikri təsdiq edir. O yazır: ―Sarqon çevik yürüşlə
Urmiyanın şərq sahili boyunca şimala irəlilədi. Onlar tərəfindən... həmçinin ikiqat
qala Tarui-Tarmakis (müasir Təbriz) dağıdıldı‖
167
. Sarqon Durşarrukin sarayı
salonlarından birində yazdırdığı kitabədə deyir: ―Bit Sanqbitu vilayəti sərhəddində
Aniaştaniya şəhərini, dalilər ölkəsində Tarui və Tarmakis şəhərini mən fəth etdim
və odda yandırdım‖. Bizə gəlib çatmış bu məlumat bir daha sübut edir ki, Təbriz
Şərqin qədim şəhərlərindən biridir.
Eramızın V əsrində yaşamış erməni tarixçisi Favstos Buzand Təbrizdən
yazmış, onun deyilişini Tavrez, Tavreş kimi vermişdir. Bu müəllif II Şahpurla
(309—379) erməni sərkərdəsi Vasaq arasında Tavrejdə gedən vuruşmanı təsvir
etmişdir. Demək, IV əsrdə də keçmişdə olduğu kimi, Təbrizin strateji
mövqeyindən istifada edirdilər. İndiyə qədər Təbriz şəhərinin tarixini dərindən
tədqiq etmək məqsədilə burada arxeoloji qazıntılar aparılmamışdır. Lakin təsadüfi
hallarda şəhərin qədim tarixə malik olduğunu təsdiq edən bir sıra əşyalar, o
cümlədən möhürlər və sikkələr əldə edilmişdir. Görünür, IV əsrdən sonra Təbriz
şəhəri tənəzzülə uğramışdır. Ona görə ki, ərəb işğallarına qədər olan dövrdə biz
mənbələrdə Təbriz sözünə təsadüf etmirik. Sonralar, tədricən Abbasilər, Səlcuqlar,
Azərbaycan, Atabəylər çağlarında əhəmiyyəti getdikcə artan və Elxanilər dövründə
böyük bir ulusun (dördüncü ulusun) paytaxtına çevrilən Təbriz şəhəri haqqında
yazılı məlumatlar getdikcə çoxalmışdır.
Tarixi mənbələrdə Tavri, Tarui, Tarmakis, Tavrez kimi təkamül yolu
keçən qədim Atropatena şəhərlərindən birinin adı belə dəyişmə prosesindən sonra
―Təbriz‖ formasına düşmüşdür.
Şəhərin adının müxtəlif şəkillərə düşməsi qaynaqların yazıldığı dillər
tərəfindən təhrifin nəticəsidir. Ümumiyyətlə, toponimlər çox vaxt mənbənin
yazıldığı dilin tələffüzünə uyğunlaşdırılır. Bunun üçün məşhur səyyah Marko
Polonun ―Səyahətnamə‖sində Şərq şəhər adlarının avropalı müəllif tərəfindən necə
dəyişildiyinə baxmaq kifayətdir: ―Bağdad—Borak, Kirman—Kreman, Təbriz—
Toris və sair. Cəmi bir neçə yüz il bundan əvvəl yazılmış həmin əsərdə bəzi yer
adları elə şəklə düşmüşdür ki, tədqiqatçılar indi də onların hansı şəhərlər
olduqlarını aydınlaşdıra bilmirlər. Təbriz toponiminin Asur, Bizans, erməni, İran,
ərəb və başqa mənbələrdəki biçimləri də sözsüz ki, bu sayaq ―uyğunlaşmaya‖
uğramışdır. Lakin Tarui, Tarmakis, Tavriş, Tavriz, nəhayət, Təbriz adının keçid
variantlarının hamısı bir kökdəndir. Bizanslı Favstın məlumatına əsaslanan
―İranabad‖ jurnalı yazır: ―...dördüncü əsrdə adına Tavreş deyilən şəhər get-gedə
farscaya dəyişilərək, Təbriz halına düşmüşdür‖
168
.
S. Onullahi Ceksona istinad edərək yazır ki, Təbrizin salınma tarixi
məlum deyildir. O, Zübeydə xatun tərəfindən tikilməmişdir... bu bir həqiqətdir ki,
şəhər Sasani dövründə mövcud olmuşdur... Parfiya və Sasani dövrünə aid olan
167
İ. M. Dyakonov. Göstərilən əsəri, s. 216.
168
Фавстос Бузанд. История Армении, пер. М. Георгян. Ереван, 1953, с. 474.
Dostları ilə paylaş: |