sikkələri və bir möhürü Cekson görüb, onu Əhəməni dövrünə aid olduğunu
söyləyir
169
.
V. F. Minorskinin yazdığına görə zəlzələnin çoxluğu Təbrizin
xüsusiyyətlərindən biridir. Təbrizdə yüngül titrəyişlər və hərəkətlər demək olar ki,
hər gün baş verir. Təbrizdə baş vermiş güclü zəlzələlərdən bir çoxunun tarixi
məlumdur. Şəhərdə 858, 1042, 1641, 1728, 1780, 1854, 1956-cı illərdə zəlzələ baş
vermişdir. Hər zəlzələdən, hər dağıntıdan sonra Təbriz yenidən abadlaşdırılmışdır.
Ərazinin əlverişli təbii-coğrafi üstünlükləri insanları bu titrəyən, tərpəşən
torpaqdan uzaqlaşmağa qoymamışdır. Əksinə, əcdadlarımız bu hərəkətli torpaqa
daha ürəkdən bağlanmış, karvan ticarət yolları üçün əvəzsiz qovşaq olan bu yerdə
Şərqin ən gözəl və məşhur şəhərlərindən birini salmışlar. Təbrizdə yer titrəyişlərini
çoxları Səhənd dağının vulkanik fəaliyyəti ilə bağlayırlar. N. V. Xakıkov isə
hərəkətin səbəbini təbəqələrin öz-özünə müxtəlif yer dəyişmələrində görür.
Görkəmli gürcü tarixçisi Q. A. Melikeşviliyə görə, Tauri-Tarmakis
möhkəmləndirilmiş (qala divarları və xəndəklərlə əhatə edilmiş) şəhər olmuşdur
170
.
Beləliklə, e. ə. VIII əsrdə Təbriz abad bir şəhər olmuş, II Sarqonun oraya
hücumu nəticəsində tamamilə dağılmış, sonralar yenidən bərpa olunaraq eramızın
II—IV əsrlərində böyuk şəhərə çevrilmişdir. Maraqlıdır ki, həmin tarixdən etibarən
III—IV əsrlərə, sonra isə VII əsrin əvvəllərinə qədər Təbriz adına məxəzlərdə
təsadüf edilmir
171
.
Təbriz adının Səhənd dağının vulkanik püskürməsi ilə bağlı olduğu
ehtimalını ilk dəfə Övliya Çələbi irəli sürmüş, ancaq onu vulkanın istilik tökmək
xüsusiyyəti ilə əlaqələndirmişdir. Rus alimi İ. N. Berezin mənanın düzgün açılışına
daha yaxın olmuşdur. İ. N. Berezin göstərmişdir ki, farslara görə ―qızdırma tökən‖
mənasını verən Təbriz sözünün yozumu səhvdir, bu izahların heç birinin filoloji
əsası yoxdur. Alimin fikrinə görə, əgər hər bir şəhərin adını aydınlaşdırmaq
gərəkdirsə, onda Təbriz fars sözləri olan ―təb‖—―riz‖ (qızdırma tökən) deməkdir.
Əlbəttə, belə nəticələr orta əsr müəlliflərinin əsərlərində olduqca çoxdur. Hər halda
hələlik toponimin etimoloji izahı haqqında son söz deyilməmişdir.
Atropatenin qədim şəhərlərindən biri də Marağadır. Bu şəhər gözəl iqlimi
və əlverişli təbii-coğrafi şəraiti ilə məşhurdur. Şəhərin şimalında, dəniz
səviyyəsindən 3547 metr hundürlüyə malik olan əzəmətli Səhənd dağı ucalır. Bu
dağ Marağanı Təbrizdən ayırır. Dəniz səviyyəsindən 1400 metr yükssəkdə yerləşən
Marağa şəhəri Təbrizdən müstəqil dağ yolu ilə 76 km, şosse yolu vasitəsilə 130 km
məsafəyə malikdir
172
. Səhənd dağından mənbə alan bir sıra dağ çayları Marağa və
onun ətrafını su ehtiyatı ilə təmin etdikdən sonra onun 29 kilometrliyindəki Urmu
169
S. Onullahi. Göstərilən əsəri, s. 33 – 34.
170
Г. А. Меликишвили. Некоторые вопросы…, с. 23.
171
S. Onullahi. Göstərilən əsəri, s. 37 – 38.
172
V. F. Minorski. Şəhr-e Mərağe, tərcümə Ə. Karəngindir. Məcəlle yəğma sale XVIII, № 3, Tehran,
1965, s. 151.
gölünə tökülür. Marağa şəhəri Şərqin başqa şəhərləri kimi çay sahilində, Sofi
çayının sol sahilində salınmışdır. Sofi çayı Marağa şəhərinə gözəl bir mənzərə
verməklə bərabər, həm də onun ətrafında olan meyvə bağlarını və əkin sahələrini
suvarır. Mordi çayı isə Sofi çayına paralel axaraq ―Bayandur‖ məntəqəsini su
ehtiyatı ilə təmin edir. Marağa şəhərinin belə gözəl təbii şəraitə malik olması,
habelə bir sıra ticarət yollarının vaxtilə həmin şəhərdən keçməsi, onun qədim
dövrlərdən etibarən Şərqdə şöhrətlənməsinə, bilavasitə şərait yaratmışdır.
1852-ci ildə məşhur rus alimi N. V. Xanıkov Mordi çayı dərəsindən hal-
hazırda nəsli kəsilmiş hipparion və gərgədan sümükləri tapmışdır
173
. Bundan sonra
Kebel, Strauss, Dodler, Morqan və başqaları həmin tədqiqatı davam etdirərək belə
bir nəticəyə gəlmişdilər ki, sümükləri bu ərazidən tapılmış heyvanlar Səhənd
dağının od püskürməsindən əvvəl burada yaşamışlar
174
. Marağa şəhərində indiyə
qədər arxeoloji qazıntı işlərinin aparılmamasına baxmayaraq bir sıra qədim
mənbələrdə onun adına təsadüf edilir. Strabonun yazdığına görə Atropatena
şahlarının Qazaka (yay iqamətgahı) və Vera (qış iqamətgahı) adlı iki paytaxt şəhəri
olmuşdur
175
. Strabona görə Araz çayından bu şəhərə qədər olan məsafə 2400 stadi
olmuşdur. Hər stadi 184, 72 metrə bərabərdir. Plutarxa görə Fraata Dion Kassidə
Praspa və yaxud Fraaspa, Ptolemeydə isə Fraspa formasında verilir
176
.
Toponimik baxımdan Fraaspa, Praaspa eyni mənşəli adlardır. Veraya
gəldikdə o, yerləşdiyi ərazi nöqteyi-nəzərdən Fraata, yaxud Fraaspa ilə eyni sahədə
yerləşirdi. Lakin formal olsa da yuxarıdakı şəhər adları ilə eyni deyildir.
Marağanın qədim adını öz əsərində saxlayan Bəlazuri ona Əfrah Rud, İbn
Fəqih və Yaqut Həməviyə görə də bu şəhər Əfrahrud kimi qeyd edilmişdir. Yaqut
Həməvi qətiyyətlə Əfrah Rudı Marağadan axan Sofi çayı ilə eyniləşdirir. Məşhur
şərqşünas Minorski Plutarxın Fraatasını ərəb müəlliflərinin qeyd etmiş olduqları
Əfrahrudun müasir Marağa ilə bir olduğunu iddia edir. O öz fikrini sübut etmək
üçün Marağanın şimaldan müdafiə olunmasına şərait yaradan Səhənd dağının
strateji əhəmiyyətini, Sofi çayının hal-hazırda da bu şəhərdən axmasını və habelə
VII—XIII əsrlərdə ərəb, habelə monqolların dövründə də Marağanın paytaxt şəhər
olması faktını misal çəkir
177
. Digər tərəfdən müasir Marağanın keçmişdə
Atropatena şahları tərəfindən paytaxt seçilməsi təsadüfi hal olmayıb, bəlkə həmin
şəhərin iqtisadi, strateji, təbii-coğrafi şəraiti ilə bilavasitə əlaqədar olmuşdur. Eyni
zamanda Marağa şəhərinin şimalında, təqribən 16 km aralıda yerləşən möhkəm
Ruindej qalasının mövcudluğu bu şəhərin qədim tarixə malik olmasını bir daha
sübut edir. Eramızdan əvvəl 36-cı ildə Roma sərkərdəsi Antoni 100 min nəfərlik
ordu ilə Atropatenaya hücum edən zaman bu şəhəri mühasirə edib, təslim etsə də
173
V. F. Minorski. Göstərilən əsəri, s. 151.
174
Yenə orada.
175
Strabon. Göstərilən əsəri, XI – 13.
176
Plutarx, Antoni, Dion Kassi ( 49 – 25)
177
V. F. Minorski. Göstərilən əsəri, s. 152.
Dostları ilə paylaş: |