Müəllim məsələsi yalnız bizim deyil, hər bir millətin ölüm-dirim məsələsidir

Perspektiv (illik) planlaşdırma aşağıdakı nümunəvi sxem üzrə aparılır.

Standartlar	Məşğələ	Mövzular	İnteqrasiya	Resurslar	Tarix

Aşağıda ikinci inkişaf sahəsi olan idrakın inkişafı üzrə 3-4 yaş qrupunda (orta qrup) təxmini perspektiv planlaşdırma nümunəsinə nəzər salaq.
Cədvələ nəzər salarkən görürük ki, yuxarıda sadalananlar bu cədvəldə nəzərə alınmışdır.

Standart	Məşğələ	Mövzu	İnteqrasiya	Resurslar	Tarix
2.2.1. 2.2.4.	Bədii təfəkkürün inkişafı	“Ana dilim” (Şahin Xəlilov)	Es.3.1.8,3.1.9 S.e.4.1.2.,4.2.2. D İd. 2.1.1.	Müntəxəbat, şəkil, VD, “Bakı” albomu	Sentyabr III əftə
2.2.1. 2.2.4. 2.2.7		“Sınmış fincan” (K.D.Uşinski)	Es.3.1.8,3.1.9 S.e.4.1.2.,4.2.2.	Müntəxəbat, şəkil	Sentyabr IV əftə
2.2.1. 2.2.2.		“Pələng və Tülkü” (Tacik xalq nağılı)	Es.3.1.8,3.1.9 S.e.4.1.2.,4.2.2.	Müntəxəbat, şəkil ə maskalar	Oktyabr I əftə
2.2.4. 2.2.7.		“Payızda” (Nəriman Hüseyn)	Es.3.1.8,3.1.9 S.e.4.1.2.,4.2.2.	Müntəxəbat, şəkil, DVD	Oktyabr II əftə
2.2.1. 2.2.2. 2.2.5.		Külək və günəş. (Rus xalq nağılı)	Es.3.1.8,3.1.9 S.e.4.1.2.,4.2.2.	Müntəxəbat, şəkil	Oktyabr III əftə
2.2.2. 2.2.5.		Kirpi və alma (Az. xalq nağılı)	Es.3.1.8,3.1.9 S.e.4.1.2.,4.2.2.	Müntəxəbat, şəkil	Oktyabr IV əftə
2.2.4. 2.2.7.		“Ana vətən” (Nəriman Hüseyn)	Es.3.1.8,3.1.9 S.e.4.1.2.,4.2.2. İd. 2.1.1.	Müntəxəbat, şəkil	Noyabr I həftə
2.2.4. 2.2.7.		Alma ağacı (L.N. Tolstoy)	Es.3.1.8,3.1.9 S.e.4.1.2.,4.2.2.	Müntəxəbat, şəkil	Noyabr II ə

Cari (həftəlik) planlaşdırma alt-standartların həyata keçirilməsi məqsədilə ayrı-ayrı məşğələlər və məşğələdənkənar fəaliyyət sahələri (oyun, gəzinti, əyləncə, sağlamlaşdırıcı tədbirlər və s.) üzrə aparılır.
Cari planlaşdırma aparılarkən məşğələnin mərhələlərinə diqqət yetirilməlidir. Məşğələ aşağıda göstərilən istiqamətlər üzrə planlaşdırılmalıdır:

• 
  Standart
  
• 
  Mövzu
  
• 
  Məqsəd
  
• 
  İnteqrasiya
  
• 
  İş forması
  
• 
  İş üsulu
  
• 
  Resurslar
  

Qeyd: Plan dəftərində planlaşdırma bu hissəyə qədər yazılır.

Məşğələnin mərhələləri:
Məktəbəqədər təhsil müəssisələrində fəal təlim metodlarları ilə aparılan məşğələlərin əsasən üç mərhələli strukturla həyata keçirilməsi məqsədəuyğun hesab edilir:

1. 
   Aktuallaşdırma və ya motivasiya (mövcud biliklərin səsləndirilməsi və marağın yaradılması);
   
2. 
   Dərketmə (yeni bilik və bacarıqların tədqiq edilərək fəal şəkildə öyrənilməsi);
   
3. 
   Tətbiqetmə (qazanılmış bilik və bacarıqların yaradıcı tətbiqedilməsi).
   

Aktuallaşdırma və ya motivasiya. Məşğələ aktuallaşdırma, yəni mövcud biliklərin aşkara çıxarılıb səsləndirilməsi ilə başlayır. Əgər motivasiya yaratmaq çətin və ya mümkün deyilsə, o zaman aktuallaşdırma ən yaxşı çıxış yoludur. Əlbəttə motivasiya ilə başlanan məşğələ daha cəlbedici olur, lakin hər mövzu üçün maraqlı və cəlbedici motivasiya qurmaq mümkün olmayanda, aktuallaşdırmadan istifadə edilir. Motivasiya “motiv” sözündən götürülmüşdür. Latın dilində tərcüməsi “hərəkətə gətirmək”, “daxili ehtiyac yaratmaq” deməkdir. Məşğələ motivasiya ilə başlanır. (Yəni tərbiyəçi-müəllim tərəfindən problemin qoyulması, uşaq tərəfindən fərziyyələrin irəli sürülməsi). Deməli, tərbiyəçi-müəllim motivasiya yaradarkən uşaqlarda fikir söyləməyə daxili ehtiyac yaradır, düşünməyə “vadar edir”. Düzgün qoyulmuş motivasiya uşaqda fəallıq yaradan səbəbdir.
Motivasiyanı necə qurmaq lazımdır?

• 
  Diqqəti cəlb etmək və uşağı maraqlandırmaq.
  
• 
  Müxtəlif fərziyyələrə səbəb olan vəziyyət yaratmaq.
  
• 
  Müstəqil tədqiqata həvəsləndirmək.
  
• 
  Məktəbəqədər yaşlı uşağın imkanlarına müvafiqliyi nəzərə almaq.
  
• 
  Uşağı öz bacarığını həyata keçirməyə sövq etmək.