MüNDƏRİcat giriş. Birinci bölmə: pedaqoji elmin nəZƏRİ-metodoloji
Yüklə 3,23 Mb. Pdf görüntüsü
|
- Bu səhifədəki naviqasiya:
- 14.6. Məktəbi idarəetmənin planlaşdırılması
- Giriş
-Təlim, tərbiyə, təhsil sahəsindəki yeniliklərin reallaşdırılmasını təmin edir; -Dərsdənkənar və məktəbdənkənar tədbirlərin təşkili və həyata keçirilməsi üçün lazımi şəraitin yaradılmasını təmin edir; -Direktor müavinlərinin vəzifələrini müəyyənləşdirir və bu vəzifələrin yerinə yetirilməsinə nəzarət etməklə yanaşı, onlara metodiki köməklik göstərir; -Sinif rəhbərlərini müəyyənləşdirir, onların hesabatını dinləyir; -Pedaqoji kollektivin gördüyü məqsədyönlü və planlı işləri pedaqoji şurada müzakirə edir; -Pedaqoji kollektivin bütün üzvlərini işə götürür və işdən azad edir. İşdən azad etmə zamanı həmkarlar təşkilatının rəyini nəzərə alır; -Məktəb üçün nəzərdə tutulmuş büdcə xərclərinin istifadə olunmasına nəzarət edir; -Pedaqoji monitorinq keçirir. Bu
zaman diaqnostika, proqnozlaşdırma və korreksiya mərhələlərinin nəticələrinin hər birini ayrı-ayrılıqda müzakirə edir; -Yeni pedaqoji texnologiyaların tətbiqinə qayğı göstərir; -Məktəbdə pedaqoji eksperimentin aparılmasına şərait yaradır; -Kollektivin rəyilə, vahid rəhbərliyin rəyinin əlaqələndirilməsini təmin edir; -Təhsil müəssisəsində təhsilin demokratikləşdirilməsi, humanistləşdirilməsi və təhsil sahəsində dövlət siyasətinin digər prinsiplərinə istinad edilməsini təmin edir. -Təhsil sisteminin idarə olunması işinə rəhbərlik edən dövlət orqanlarının, yuxarı təşkilatların qarşısında məsuliyyət daşıyır. -Müəllimlərin attestasiyasını təşkil edir. -Müəllimlərin təkmilləşməsi, ixtisasının artırılması və özünütəhsil işlərinə rəhbərlik edir və bu işlərin normal səviyyədə həyata keçirilməsinə mütəmadi nəzarət edir.
14.5. Məktəb direktorlarının müavinlərinin vəzifələri və məsuliyyəti Mövcud əsasnamələrə, nizamnamələrə və digər təhsil direktivlərinə görə orta ümumtəhsil məktəbinin direktorunun tədris işləri (təlim-tərbiyə işləri üzrə direktor müavini), tərbiyə işləri (sinifdənxaric və məktəbdənkənar işləri üzrə direktor müavini), təsərrüfat işləri (təsərrüfat işləri üzrə direktor müavini), elmi işlər üzrə (elmi işlər üzrə direktor müavini) müavinləri olur. Bu vəzifə sahiblərinin də hər birinin özünəməxsus vəzifələri və məsuliyyəti vardır. Onları aşağıdakı şəkildə ümumiləşdirə bilərik: -Dövlət standartlarının tələblərinə, tərbiyə işlərilə bağlı proqramlara, elmi-tədqiqat işlərilə bağlı sərəncamlara, təsərrüfat və kommersiya işlərilə bağlı normativlərə əməl olunması; -Tədris işləri üzrə direktor müavini tədris işlərinin planlaşdırılması, ona rəhbərlik etməsi, dərs yüklərinin bölgüsü, dərs cədvəlinin tərtibi, şagirdlərin bilik səviyyəsinin yüksəldilməsilə bağlı metodik işləri, müəllimlərə təhsillə bağlı yeniliklərin çatdırılması, yeni pedaqoji texnologiyaların düzgün tətbiqi, açıq dərslərin təşkili, eksperimental işlərə şəraitin yaradılması və s. vəzifələri həyata keçirir. -Dərsdənkənar və məktəbdənkənar işlərə rəhbərlik edən direktor müavini, məktəb tədbirlərini, şagirdlərin dərsdənkənar tədbirlərə cəlb olunmasını, məktəbdə mənəvi, əxlaqi, ideya- siyasi, fiziki, estetik, ekoloji, hüquqi, iqtisadi və əmək tərbiyəsilə bağlı dərsdənkənar, məktəbdənkənar işləri planlaşdırır, təşkil edir; sinif rəhbərlərinə bu sahədə metodik köməklik göstərir; məktəbin ailə və ictimaiyyətlə əlaqəsini təmin edir; sosial-pedaqoji, profilaktik tədbirlərin həyata keçirilməsində iştirak edir; uşaq təşkilatlarını, orqanlarını, qurumlarını, birliklərini yaradır; tərbiyə işlərinə mütəxəssisləri, görkəmli adamları, örnək şəxsiyyətləri dəvət edir və s. -Məktəbin elmi işlərinə rəhbərlik edən direktor müavini alimləri, ali məktəb müəllimlərini, tədqiqatçıları məktəbə dəvət edir, onlarla görüşlər keçirir; elmi konfranslar təşkil edir, elmi tədqiqat laboratoriyaları, kafedralar yaradır, elmi-tədqiqatların
aparılmasını təşkil edir; məktəbin müəllimlərinin və digər tədqiqatçıların eksperimental iş aparmasına şərait yaradır, bu işdə həm bilvasitə, həm də bilavasitə iştirak edir; elmi işlər üzrə director müavini hənçinin kiçik elmi şura, kiçik akademiyaya və ya bu kimi elmi qurumlar da yarada bilər. -Məktəbin təsərrüfat işlərinə rəhbərlik edən direktor müavini məktəbin əmlakını inventarlaşdırma əməliyyatı ilə qeydiyyata alır; yeni inventarların, texniki vasitələrin alınmasını, təmir-tikinti işlərini təşkil edir və onlara nəzarəti təmin edir. Məktəb direktorunun sahəyə baxan müavini sponsorlar, hami təşkilatları məktəbə cəlb edib büdcədənkənar maliyyə gəlirlərinin əldə olunmasını da təşkil edə bilər.
14.6. Məktəbi idarəetmənin planlaşdırılması Məktəbin normal idarə olunması, onun düzgün planlaşdı- rılmasmdan asılıdır. Məktəbi idarəetmənin planlaşdırılması məktəb haqqında direktiv sənədlərin tələblərindən irəli gəlsə də, məktəbin planlaşdırılması işini məktəb direktoru özü tərtib edir və yuxarı təşkilatlar tərəfindən təsdiq olunur. Məktəbi idarəetmənin planlaşdırılması bir tədris ili üçün nəzərdə tutulur. Bəzən bu plana “illik plan”da deyilir. Bu illik plan bölmələrdən ibarət olur. Hər bölmədə görüləcək işin məzmunu, icra tarixi, icranın nəticələri haqqında qeydlər və əlavə qeydlər üçün qrafalar ayırır. İllik iş planının bölmələrinin adlandırılması adətən aşağıdakı kimi olur:
I
bölmə: Dövlət direktiv sənədlərinin və icra strukturlarının tələb və göstərişlərinə uyğun olaraq müəyyənləşdirilmiş vəzifələrin həllinə yönəldilən işlər; II
bölmə: Didaktik işlərin təşkili, təlimin məzmununun yaxşılaşdırılması ilə bağlı həyata keçiriləcək işlər; 583 Yüklə 3,23 Mb. Dostları ilə paylaş:
|