33
Kitabxanaçı: Elçin Əfəndiyev ilk hekayələrindən həyata
cəsarətlə müdaxilə edir. İşdə və fəaliyyətdə, düşüncə və
münasibətdə, ailə və məişətdə baş verən nöqsanlarla barışmır.
Humanizm
və
vətənpərvərliyi,
xalq
məhəbbətini
zahiri
əlamətlərdə axtaran, əslində milli hiss və qürurdan, daxili
yetkinliklərdən məhrum olan, Füzuli ilə Vaqifi bir-birindən ayıra
bilməyən “qanlı oğlana” gülür. Elçin Əfəndiyev gənclərin narahat
və yaradıcı axtarışlarından, onların romantik xəyal, arzu və
düşüncələrindən, məişətdən, ailə həyatından yazanda şirin
söyləmə üsulu seçir, mənalı yumor lirizmə qarışır, surətin
mündəricəsini sətiraltı qənaətlər tamamlayır. Əgər belə olmasaydı,
nə “Baladadaşın ilk məhəbbəti”, “Toyuğun diri qalması”,
“Baladadaşın toy hamamı”, nə də “Bir görüşün tarixçəsi”ndə
haqqın, işığın, gözəlliyin mövcudluğu, hətta bir çox hallarda
təntənəsi barədə ürəkdən tikan çıxaran epizodlar və xallar
olmazdı. Belə olmasaydı, Baladadaş, əli pulla, “brilyant
medalyon”la oynayan Murada, on altı - on yeddi yaşlı məsum
Məsməxanım harınlamış “Qızıl Ağadadaş”a, həssas məktəbli
Əbili “çəhrayı qızlara”, “çəhrayı oğlanlara”, sürücü Ağababa
“Gümüş Malik”ə qarşı qoyulmazdı. Elçin Əfəndiyev həyatı, bədii
obrazı dərindən düşünür. İnsanı özünəməxsusluğu, daxili
ziddiyyətləri ilə təsvir edir. Təkcə hekayələrində
yox,
povestlərində də geniş tərcümeyi - hal materialı vermir, portret
yaradanda təfərrüata varmır. Rənglərlə, mükalimələrlə, bədii
mahiyyətdən doğan haşiyələrlə surətin mühiti, ömür yolu
haqqında dolğun təsəvvür oyadır.
Kitabxanada sevilən tədbirlərdən biri də rəsm müsabiqələridir.
Bildiyimiz kimi Elçin Əfəndiyev bir-birindən maraqlı hekayələrin,
povestlərin müəllifidir. Müsabiqə zamanı həmin hekayələrə,
povestlərə uşaqlar tərəfindən illüstrasiyalar çəkilməsi tapşırılır.
34
Şəkilərin hazırlanması üçün uşaqlara iki həftə vaxt verilir. Bu vaxt
ərzində oxucular həm Elçin Əfəndiyevin əsərlərini oxuyur, həm
də oxuduqları və ən çox bəyəndikləri hekayəyə, povestə
illüstrasiyalar çəkirlər. Ən gözəl məna kəsb edən rəsm işləri
mükafatlandırılır.
Həmçinin
rəsm
müsabiqələri
üçün
məktəblərarası yarışmalar da təşkil etmək olar. Rəsm müsabiqələri
ilə yanaşı başqa müsabiqələrin də təşkili mümkündür. Məsələn,
uşaqların ifasında Elçin Əfəndiyevin hekayələri, kinopovestləri
səhnələşdirilərək münsiflərə təqdim olunur
.
Münsiflər heyəti
kitabxana müdirindən, teatrımızın görkəmli nümayəndələrindən
təşkil edilir. Əsəri ən gözəl səhnələşdirən uşaqlardan ibarət
komanda mükafatlandırılır.
Kitabxanada keçiriləcək kütləvi tədbirlərin ən canlı və
maraqlısı sual-cavab gecəsi və viktorinalardır. Sual-cavab
gecələri və viktorinalar canlı söhbət və müsahibə şəklində
keçirilir.
Bu
da
oxucuları
maraqlandıran
sualların
aydınlaşdırılmasına xidmət edir. Tədbir zamanı suallar uşaqlara
paylanır. Ən çox suala cavab verən oxucu kitabxana rəhbərliyi
tərəfindən mükafatlandırılır. Suallardan bir neçəsini sizə təqdim
edirik.
Sual: 1. Elçin Əfəndiyev kimdir?
Cavab: Elçin Əfəndiyev İlyas Əfəndiyevin oğlu, lirik hekayələr
ustası, dramaturq, romançı, mahir komediyalar müəllifidir.
Sual: 2. Elçin Əfəndiyev hansı hekayələrin müəllifidir?
Cavab: “Zireh”, “Mənlə mən arasında”, “Qarabağ şikəstəsi”,
“Dünyanın
bəxtəvəri”,
“Ayaqqabı”,
“Bülbülün
nağılı”,
“Baladadaşın ilk məhəbbəti”, “Baladadaşın toy hamamı”,
“Talvar”, “Sarı gəlin”, “Qızıl diş”, “Araba”, “Qış nağılı”, “Parisdə
avtomobil qəzası”, “Şuşaya duman gəlib”, “Gümüşü, narıncı,
məxməri” və s.
35
Sual:3. Elçin Əfəndiyev hansı uşaq hekayələrinin müəllifidir?
Cavab: “Səlimin hekayələri”,” Mənə niyə gülürlər?”, “Gör necə
top vuraram...”, “Mən Lalə istəyirəm”, “Mən hər şeyi bilirəm”,
“Aysunun,
Humayın,
Günayın,
Yalçının
və
Nigarın
nağılları”,”Balaca qırmızı çiçək”, “Küləyin, çinarın və qaranquşun
balasının hekayəti”,”Humayın yuxusu”,” Gilas qız”,” Kukla,
yoxsa Aysu?”,”Ayıca, Aysu yorulub”,” Axı nə oldu ki, birdən
hamı güldü? “və s.
Sual:4Elçin Əfəndiyevin hansı əsərləri ekranlaşdırılmışdır?
Cavab:
Əllər və rənglər , Ömrün səhifələri , Alıcının sərgüzəşti ,
Arxadan vurulan zərbə , Dantenin yubileyi , Gözlə məni , Şəlalə
,Gümüşü furqon , Bağ mövsümü, Humayın yuxusu , Sahilsiz gecə
, Tikdim ki, izim qala, Bahar oğlu , Milli bomba , Bizim qəribə
taleyimiz, Mətbuat fədaisi , Hökmdarın taleyi ,Silinməyən izlər...
Tofiq Tağızadə , Mahmud və Məryəm və s.
Sual:5. Hal-hazırda Elçin Əfəndiyev hansı vəzifədə çalışır?
Cavab: Hazırda Elçin Əfəndiyev Azərbaycan Respublikası Baş
Nazirinin müavini, eləcə də Xarici Ölkələrlə Mədəni Əlaqələr
Cəmiyyəti - “Vətən” Cəmiyyətinin sədri vəzifələrində çalışır.
Bakı Dövlət Universitetinin professorudur. Bir sıra Dövlət
Komissiyalarının sədri, nüfuzlu Azərbaycan və beynəlxalq ədəbi,
ictimai qurumların üzvüdür. Azərbaycan Respublikasının
Prezidenti yanında Təhsil üzrə Komissiyanın üzvüdür.
Sual:6.”Gümüşü, narıncı, məxməri” hekayəsinin baş qəhrəmanı
kimdir?
Cavab: Bu əsərin baş qəhrəmanı Allahverdidir.
Sual:7. Elçin Əfəndiyevin hansı povestləri, kinopovestləri var?
Cavab: “Bir görüşün tarixçəsi”, “Toyuğun diri qalması”, “Dolça”,
“Bayraqdar”, “Ox kimi bıçaq”, “Aman ovçu, vurma məni”,
“Hökmdarın taleyi” vəs.
Dostları ilə paylaş: |