36
Sual:8. Elçin Əfəndiyevin əsərləri hansı dillərə tərcümə olunub?
Cavab: Elçin Əfəndiyevin dünyanın müxtəlif dillərində 100-ə
yaxın kitabı nəşr olunub, əsərləri ingilis, rus, fransız, alman, ispan,
türk, macar, bolqar, ərəb, fars, çin, çex, slovak, polyak, xorvat,
gürcü, litva, moldovan, türkmən, özbək, qazax, tacik, serb və sairə
dillərə tərcümə edilib. Kitablarının ümumi tirajı 5 milyondan
çoxdur;
Sual:9 Elçin Əfəndiyevin hansı kinopovestləri İlyas Əfəndiyevin
“Mahnı dağlarda qaldı” pyesinin, “Hökmdar və qızı” faciəsinin
motivləri əsasında çəkilmişdir?
Cavab: “Aman ovçu, vurma məni” kinopovesti İlyas Əfəndiyevin
“Mahnı dağlarda qaldı” pyesinin motivləri əsasında, “Hökmdarın
taleyi” kinopovesti isə “Hökmdar və qızı” faciəsinin motivləri
əsasında yazılmışdır.
Sual:10. Elçin Əfəndiyevin “Bayraqdar” povestinin əsas
mövzusu nədir?
Cavab: “Bayraqdar” povestində ağlagəlməz hadisələrdən,
ictimai-tarixi dəyişikliklərin qurbanı olan insanlardan, qaçqınlıq
əzabına, mənəvi təhqirinə düçar olmuş cəmiyyətdən söhbət açılır.
Povestdə Ermənistanın Qarabağ iddiası, ölkəmizə təcavüzü,
tökülən qanlar, zəhərlənmiş talelər yazıçı tərəfindən ustalıqla
işıqlandırılır.
Sual:11.Elçin Əfəndiyevin “Dolça” povesti haqqında nə
bilirsiniz?
Cavab: Elçin Əfəndiyevin “Dolça” povesti heç bir əsərinə
oxşamır. Povest boyaların sərtliyi, gülüş və ifşanın aşkarlıq və
dərinliyi ilə fərqlənir. Elçin Əfəndiyev “Dolça”da meşşanlığı,
müasirliyin, yeni əxlaq, davranış və münasibətin antipodlarını ifşa
edir.
37
Kitabxanalarda yuxarı sinif şagirdlərinin iştirakı ilə “Müqəddəs
söz – sənət ocağının nurlu varisi” adlı konfrans da təşkil etmək
mümkündür. Konfransdan öncə onun proqramı tərtib olunmalı,
konfransın keçiriləcəyi dəqiq vaxt müəyyən olunmalıdır.
Proqramda
konfransda
çıxış
edəcək
qonaqların,
ədəbiyyatşünasların və şagirdlərin adları, onların çıxış edəcəkləri
mövzular, tədbirin keçiriləcəyi məkan və zaman qeyd olunur.
Konfrans zamanı Elçin Əfəndiyevin yaradıcılığına yaxından bələd
olan jurnalist, yazıçı və şairlərin çıxışları dinlənilir. Yaxşı olar ki,
Konfransa Elçin Əfəndiyevin özü də, dəvət olunsun. Oxucu
konfransının planını sizə təqdim edirik:
1. Giriş hissə (Elçin Əfəndiyevin həyat və yaradıcılığı haqqında
məruzə)
2. Elçin Əfəndiyevin
yaradıcılığı haqqında kitabxana
rəhbərliyinin, jurnalist, yazıçı və şairlərin çıxışları.
3.Yuxarı sinif şagirdlərindən ibarət olan oxucuların Elçin
Əfəndiyevin müxtəlif əsərləri ətrafında müzakirələri.
4. Yazıçının əsərlərindən bir neçə parçanın səhnələşdirilməsi.
5. Konfransın yekunu.
Elçin Əfəndiyevin irsinin təbliği üçün ədəbi-bədii gecələrin
keçirilməsi zəruridir. Gecəni “Möhtəşəm qələmin möcüzələri”
başlığı ilə adlandırmaq olar. Tədbirin ssenarisini sizə təqdim
edirik:
Tədbirin
əvvəlində
iştirakçılara
Elçin
Əfəndiyevin
yaradıcılığından bəhs edən slayd təqdim olunur. Səhnə yazıçının
portreti, əsərlərindən ibarət sərgi ilə, uşaqlar üçün yazdığı
hekayələri əks etdirən şəkillərlə, haqqında yazılmış sitatlarla
bəzədilir. Gecəyə Elçin Əfəndiyev, onun yaradıcılığına yaxından
bələd olan tanınmış yazıçılar, tənqidçilər, jurnalistlər dəvət
olunur. Aparıcılar səhnəyə çıxıb, tədbiri açıq elan edirlər.
I Aparıcı: Salam əziz və hörmətli tədbir iştirakçıları!
38
Bu günkü tədbirimiz xalq yazıçısı, görkəmli nasir, dramaturq,
tənqidçi, ədəbiyyatşünas, publisist və ictimai xadim Elçin
Əfəndiyevin həyat və sənət yoluna həsr olunmuşdur. Hamımıza
məlumdur ki, Azərbaycan nəsrində müşahidə olunan maraqlı
keyfiyyət dəyişikliyi prosesində özünü təsdiq etmiş yazıçılar
içərisində Elçin Əfəndiyev xüsusi yer tutur. Yazıçının povest və
hekayələri bu cəhətdən səciyyəvi olub, nəsrimizdəki məzmun və
sənətkarlıq axtarışlarının bəzi cəhətləri haqqında aydın təsəvvür
oyatmağa kömək edir.
II Aparıcı: Vətənimizin
dünəni ilə bu günü,
cəmiyyətimizin
bu günü ilə sabahı arasındakı əlaqə və vəhdətin sarsılmazlığı
ideyası Elçin Əfəndiyevin əsərlərində öz təcəssümünü tapmışdır.
İnsan şəxsiyyətinin, xarakterin təşəkkülündən mühüm mərhələ
olan yeniyetməlik cağlarında bu yeniyetmələrin düşdüyü vəziy
yətlər, keçirdiyi həyacanlar, yaşadığı fikir və duyğular vasitəsilə
yazıçı inandıra bilir ki, onlar sabahın ləyaqətli vətəndaşı kimi
yetişəcək. 40-45 il bundan əvvəl Elçin Əfəndiyev dilinin
gözəlliyi, təzəliyi, süjetlərinin orijinallığı, üslubunun əlvanlığı ilə
diqqətimizi çəkirdi. Bu əlamətlər bu qələm sahibinin yazıçı
gələcəyinə inam təlqin edirdi. Bununla da Elçin Əfəndiyev hələ
çox cavan yaşında, ilk yaradıcılıq nümunələrindən istedadını elan
etdi. O, bu gün 70 yaşının tamam olduğu bir dövrdə də
yaradıcılığının monumentallığı ilə bizi heyrətləndirir. Hörmətli
tədbir iştirakçıları! Gəlin oxucumuzun ifasında sevimli şairimiz
Fikrət Qocanın Elçin Əfəndiyevin yubileyi münasibəti ilə qələmə
aldığı “Altmış yaşın mübarək” şeirinə “Yetmiş yaşın mübarək”
deyək və dinləyək:
Oxucu:
Dostumuz, qardaşımız
El yanında üzün ağ!
Dünyanı seldə boğar