məqsəd və vəzifələri indiki əlaqələrin inkişafını və perspektivlərini
şərtləndirir. Azərbaycanın yerləşdiyi coğrafi-siyasi mövqe müxtəlif
dövlətlərin maraqlarını tarixən olduğu kimi indi də ölkəmizdə
toqquşdurur, yeni bazarlar əldə etmək uğrunda mübarizəni
kəskinləşdirir. Müstəqillik qazanıldıqdan sonra Azərbaycanda qeyri-
sabitliyin mövcud olmasının səbəblərindən biri də bununla bağlıdır.
Avropa ilə Asiya arasında körpü rolunu oynayan və “ipək
yolu”nun üstündə yerləşən Azərbaycan özünün siyasi-iqtisadi və
strateji əhəmiyyətinə görə Avropa dövlətlərinin marağına səbəb
olmuşdur. Qədim, orta əsrlər, yeni və ən yeni dövrlərdə bu maraq
həmişə üstünlük təşkil etmişdir. Orta əsr Avropa səyyahlarının
məlum olan qiymətli əsərləri bu barədə çox şey deyir.
XIX əsrin sonu - XX əsrin əvvəllərində İngiltərə, Almaniya,
İsveç və başqa Avropa dövlətlərinin şirkətləri Azərbaycanda
iqtisadiyyatın müxtəlif sahələrinə oturdular və onu inkişaf etdirdilər.
Burada həmin dövlətlərin iqtisadi, siyasi və strateji mənafeləri
çulğalaşırdı. Eyni zamanda Azərbaycanda Avropa dövlətlərinin
mövqeləri toqquşurdu, gizli, bəzən də açıq ziddiyyətə çevrilirdi.
Bu istiqamətin həyata keçirilməsində məqsəd Azərbaycanın
dövlət müstəqilliyini, suverenliyini möhkəmləndirmək, müstəqil
dövlət quruculuğu üçün əlverişli beynəlxalq şərait yaratmaq, sabitlik
əldə etmək, ölkənin azad bazar iqtisadiyyatı və demokratiya yolu ilə
inkişafına kömək etmək və onu sivil dövlətlər cərgəsinə
çıxarmaqdır.
Həmin məqsədləri həyata keçirməkdən ötrü Azərbaycan
dövləti müxtəlif formalardan - ikitərəfli (yazışmalar, qarşılıqlı
səfərlər, görüşlər, müzakirələr, protokol, saziş, müqavilə və başqa
sənədlərin imzalanması və s.); çoxtərəfli (beynəlxalq və məhəlli
təşkilatlarda birgə çalışmaqdan, sənədlərə edilən əlavə, düzəliş və
dəyişikliklərdən, mövqeləri uzlaşdırmaqdan, əlaqələrdən, xalq
diplomatiyasından) beynəlxalq əlaqələrdə iştirak edən müxtəlif
yönümlü təşkilatların səylərindən və s. istifadə etmişdir.
Azərbaycanın xarici siyasətində Qərbi Avropa ölkələrinin
tutduğu yer bir sıra amillərlə səciyyələnir:
Əvvəla, Avropa dövlətlərinin əksəriyyəti dünyanın iqtisadi
cəhətdən inkişaf etmiş ölkələri sırasına daxildirlər. İkinci dünya
müharibəsindən sonra, 50-ci illərdə meydana gələn ikinci iqtisadi
güc mərkəzi kimi Qərbi Avropa sürətlə inkişaf edir, dünya bazarında
60
başqa güc mərkəzləri ilə kəskin rəqabət aparır, qabaqcıl
texnologiyasını və mallarını başqa ölkələrdə yerləşdirə bilir və
iqtisadi cəhətdən nümunə rolunu oynayan qitədir. Azad bazar
iqtisadiyyatı ilə irəliləyən Qərbi Avropa ölkələrinin təcrübəsi,
texnologiyası Azərbaycana gərəklidir. Azərbaycan Avropaya üçüncü
ölkə vasitəsilə deyil, özü birbaşa çıxmalı, möhkəmlənməli və tərəqqi
etməlidir.
İkincisi, dünyanın siyasi və hərbi cəhətdən qüdrətli dövlətləri
kimi Avropa ölkələri planetdəki ab-havaya, dövlətlərarası ikitərəfli
və çoxtərəfli əlaqələrə, dünya siyasətinə təsir göstərirlər. Dünyanın
bu və ya başqa regionunda baş verən hadisələrdə, münaqişələrin
həllində Avropa dövlətlərinin sözü həlledici və ya təsirli olur.
Avropa dövlətləri ilə yaxınlaşmaq və əməkdaşlıq, onların
mənfəətlərinin ödənilməsi ölkəmiz üçün təhlükəli olan Rusiya və
İran tufanının qarşısını alır. Azərbaycanın dövlət müstəqilliyinin və
suverenliyinin möhkəmləndirilməsinə, ölkəmizə qarşı xarici hərbi
təcavüzün qarşısının alınmasına kömək edir. Deməli, belə
əməkdaşlıq tərəflərə qarşılıqlı mənfəət verir.
Üçüncüsü, bir çox beynəlxalq təşkilatlar Avropada yerləşirlər.
Qitə dövlətlərinin bir qismi onların yaradıcıları kimi böyük nüfuza
malikdirlər. Həmin təşkilatlarda qəbul edilən qərarlar daha çox bu
dövlətlərin mövqelərindən asılı olur. Deməli, onlarla əməkdaşlığın
bu baxımdan da böyük əhəmiyyəti vardır.
Dördüncüsü, Avropa dövlətlərində qurulan və daim
təkmilləşən demokratik cəmiyyət, qəbul edilən qanunlar başqa
dövlətlər, o cümlədən Azərbaycan üçün örnək ola bilər. Ölkəmizin
Avropa ölkələri ilə əməkdaşlığı demokratik cəmiyyət quruculuğuna,
çoxpartiyalı sistemin möhkəmləndirilməsinə, dinc müxalifətin
inkişafına, Azərbaycan cəmiyyətinin azad, açıq olmasına, kütləvi
mədəniyyətin yayılmasına, mədəni sərvətlərin sərbəst mübadiləsinə
kömək edərdi.
Beşincisi, Avropa dövlətlərinin paytaxtlarında səslənən bu və
ya digər fikir dünya ictimai rəinə müvafiq təsir göstərir. Bu ölkələrlə
əlaqələr Azərbaycan xalqı və dövlətinin müsbət imicinin
formalaşmasına, dünyada qəbul olunmasına, ölkəmizin
problemlərinin həllinə, başqa dövlətlərin iqtisadi, siyasi, mədəni,
humanitar və mənəvi yardım göstərməsinə yardım edir.
61
Təkcə Avropa bizə lazım deyildir. Eyni zamanda biz
Avropaya lazımıq. Azərbaycanın Avropa üçün əhəmiyyəti bir neçə
amillərlə şərtlənmişdir. Həmin amillər aşağıdakılardır:
Əvvəla, Azərbaycan əlverişli coğrafi-siyasi və strateji
mövqedə yerləşmişdir. Şərqə çıxmaqda, Asiyaya və Hind okeanına
sahib olmaqda tarixən olduğu kimi, indi də Azərbaycan əlverişli
tranzit rolunu oynayır. Avropa və Asiyanın qovuşacağında
yerləşməsi, hər iki qitənin qabaqcıl dövlətləri ilə geniş əlaqələr
qurmaq istəyi, tutduğu mövqe Azərbaycanı Avropa siyasəti üçün
önəmli yerə çıxarır. Azərbaycanda möhkəmlənən hər hansı ölkənin
regionda siyasi və strateji üstünlük qazanacağı şəksizdir. Buna görə
də Avropanın böyük dövlətləri - Böyük Britaniya, Almaniya, Fransa
və başqaları ölkəmizə xüsusi diqqət yetirirlər.
Burada Avropa dövlətlərinin siyasi və iqtisadi maraqları
çuğlaşır.
İkincisi, ölkəmizin zəngin təbii sərvətləri onu Avropa üçün
önəmli edir. Dünyada mövcud olan 11 iqlim növündən 9-nun
Azərbaycanda olması, zəngin təbii sərvətləri və onlara bu və ya
başqa yollarla sahib olmaq istəyi, ölkəmizin iqtisadiyyatının azad
bazar iqtisadiyyatına uyğun qurulması üçün addımların atılması
Azərbaycanı Avropa üçün gərəkli edir. Azərbaycanın Avropa
dövlətləri üçün gərəkli olduğunu və onların maraqlarını nəzərə
alaraq təbii sərvətlərimizdən istifadəni siyasi, ümummilli və dövlət
mənafelərimiz üçün strateji addımlara çevirmək üçün səylər göstərir.
Üçüncüsü, Azərbaycan xalqının sülhsevər təbiəti və dövlətinin
sülhsevər xarici siyasəti, beynəlxalq normalara ciddi surətdə əməl
etməsi və regionda sabitlik amili olması onu Avropa ölkələri üçün
gərəkli edir.
Dördüncüsü, ölkəmizin demokratiya və azad bazar
iqtisadiyyatı yolunu tutması, bu sahədə çoxlu qanunların qəbul
edilməsi, bir sıra beynəlxalq və məhəlli təşkilatlara üzv olması
Avropa ölkələri üçün Azərbaycanın əhəmiyyətini artırır.
Beşincisi, xalqımızın intellektual səviyyəsi, dövlətçilik
ənənələri, müstəqillik istəkləri Avropanın marağını artırır.
Bu amillər Azərbaycanın Avropa üçün əhəmiyyətini artırır.
Ondan ümumi, qarşılıqlı faydada və dövlət mənafelərinin
qorunmasında istifadə etmək lazımdır. Bununla belə, Qərbi Avropa
problemlərsiz də deyildir. İşsizlik kəskin problemdir. Bir sıra
62
Dostları ilə paylaş: |