Mərkəzi Asiya dövlətlərininAzərbaycanın xarici siyasətində
tutduqları mühüm strateji yerə baxmayaraq, onlarla münasibətlərdə
bir sıra qüsurlara yol verilmişdir.
Əvvəla, bəzi rəhbərlər Mərkəzi Asiya dövlətlərinin daxili
işlərinə qarışaraq onlarda hələ də mövcud olan kommunist rejimləri
ilə əməkdaşlığın qeyri-mümkünlüyünü bildirdilər. Nəticədə
münasibətlər soyuqlaşdı, hətta Özbəkistan Daşkənd - Bakı hava
xəttini bağladı. Hər hansı dövlətdə hər hansı rejimin mövcud olması
həmin xalqın daxili işidir, suveren hüququdur, partiya, sinfi
mənafeləri əsas götürərək, başqa dövlətlərin daxili işlərinə qarışmaq
yolverilməzdir. Dövlətlərin münasibətləri mənafelərin tarazlığı
üzərində qurulur.
İkincisi, Mərkəzi Asiya dövlətlərinin daxili işlərinə
qarışmağın nəticəsində yaranmış soyuqluqdan istifadə edən
Ermənistan bu regionla sürətlə yaxınlaşdı və öz səfirliyini açdı. Belə
vəziyyət isə bizim dövlət və milli mənafelərimizə qarşı
yönəldilmişdi. “Diplomatiya özünə düşmən yox, dost
qazandırmalıdır” müddəasını əsas götürsək, Mərkəzi Asiya
dövlətləri ilə belə münasibətlərin bizim üçün nə qədər ziyanlı olduğu
aydın görünür.
Üçüncüsü, bu dövlətlərlə münasibətdə Azərbaycanın
məqsədləri dəqiq müəyyənləşdirilməmişdi. Şəxsi ambisiyalar və
emosional çağırışlar dövlətin strateji və iqtisadi mənafelərini
üstələyirdi. Müxtəlif dövlətlərin xarici siyasət xətti araında oxşarlıq
və ya paralellik onların birinin digərinin yedəyində getməsi demək
deyildir.
Dördüncüsü, bu dövlətlərdə səfirlik, konsulluq və ya
səlahiyyətli nümayəndəliklərin açılmaması da buraxılan qüsurlardan
idi. Dövlətimizin siyasi, iqtisadi, elmi-texniki, mədəni və nəhayət,
strateji mənafeləri həmin ölkələrdə, heç olmasa, bu regionun bir
ölkəsində səfirliyimizin açılmasını zəruri edirdi.
Qarşılıqlı münasibətlərdə buraxılmış bu nöqsanların
nəticəsində ölkə daxilindəki bir sıra məsələlərin həllində çətinlik
yaranırdı. Mərkəzi Asiya dövlətlərinin bəzisi türk dövlətləri
arasındakı münasibətlərin inkişafındakı ümumi siyasi məsələlərin
müzakirəsindən yan qaçırdı, hətta Ermənistanın Azərbaycana qarşı
təcavüzkarlığına qiymət vermək istəmirdi.
57
Lakin dövlətlərarası münasibətlərdə buraxılmış bir sıra
qüsurlardan imtina edilməsi nəticəsində istiləşmə baş verdi.
Qarşılıqlı münasibətlər üçün perspektivlər açıldı. Mərkəzi Asiya
dövlətlərinə və Azərbaycana qarşılıqlı səfərlər, imzalanan sənədlər
münasibətlərdəki soyuqluğu aradan qaldırdı, iqtisadi-siyasi, elmi-
texniki və mədəni sahələrdə əməkdaşlığa yeni hüquqi-siyasi əsas
verdi.
1993-cü il avqustun 16-da Azərbaycanın müxtəlif
nazirliklərinin və baş idarələrinin nümayəndələrindən ibarət heyət
Daşkənddə Özbəkistanla-Azərbaycan arasında ticarət-iqtisadi
əməkdaşlıq barədə müqavilə imzaladı.
Mərkəzi Asiya dövlətlərinin bir sıra ixrac məhsulları
Azərbaycandan keçərək Qara dəniz limanları vasitəsilə Avropaya
aparılır. Bu vəziyyət Mərkəzi Asiya dövlətləri üçün tranzit yolu kimi
Azərbaycanın əhəmiyyətini daha da artırır. Azərbaycanın tarixi rolu
yenidən bərpa olunur.
Münasibətlərin rəvan inkişafı tərəflər üçün mühüm əhəmiyyət
kəsb edir. Normal münasibətlər ölkələrimizi siyasi baxımdan
müttəfiqlik səviyyəsinə qaldırır və dünya bazarında özünə yer tapa
bilməyən və rəqabətə tab gətirməyən bu ölkələrin məhsullarının
satılması üçün əlverişli şərait yaradır.
UKRAYNA RESPUBLİKASI 1992-ci il yanvarın 24-də
Azərbaycana nota göndərdi, Azərbaycan Respublikası isə 1992-ci ilin
fevralın 6-da cavab notası verdi.
1995-ci ildə UKRAYNA prezidenti L.Kuçma Azərbaycana
rəsmi səfərə gəldi. Səfərin nəticəsində birgə rəsmi məlumat,
Azərbaycanın Kiyevdə, Ukraynanın Bakıda səfirliklərinin açılması
haqqında protokol imzalandı. Cəmi 11 sənəd-ticarət-iqtisadi
əməkdaşlıq haqqında, azad ticarət haqqında, hava yolları haqqında,
istehsal kooperasiyası haqqında, pensiya təminatı haqqında sazişlər, o
cümlədən iki ölkənin nümayəndə heyətləri arasında danışıqların
protokolu, neft-qazçıxarma sahəsində əməkdaşlıq haqqında saziş,
siyasi məsləhətləşmələr haqqında protokol və s. imzalandı.
Bu sənədlər iki ölkə arasında siasi, ticarət-iqtisadi. Elmi-
texniki və başqa sahələrdə əməkdaşlığın təməlini qoydu. Avropanın
ərazi və əhalicə ən böyük ölkələrindən biri olan Ukrayna ilə
əməkdaşlıq Azərbaycan üçün əhəmiyyətlidir. Eyni zamanda zəngin
təbii sərfətləri olan, əlverişli coğrafi-siyasi mövqedə yerləşmiş
58
Azərbaycanla
əlaqələr Ukrayna üçün müstəsna dərəcədə
əhəmiyyətlidir. Azərbaycan bir tərəfdən əlverişli ticarət-iqtisadi
körpüdürsə, digər tərəfdən isə Ukrayna ilə Şərq ölkələri arasında
etibarlı siyasi körpüdür.
MOLDOVA RESPUBLİKASINA 1992-ci il aprelin 28-də
Azərbaycan Respublikası nota göndərdi, Moldova tərəfi isə 1992-ci il
mayın 18-də cavab notası verdi; 1995-ci ildə MOLDOVANIN Baş
naziri Andrey Sangelinin rəhbərliyi ilə hökumət nümayəndə heyətinin
ölkəmizə qısamüddətli səfəri zamanı iki sənəd-niyyət protokolu və
ölkələrimiz arasında yaxın beş il üçün ticarət-iqtisadi əməkdaşlığın
prinsipləri barədə sazişlər imzalandı. Sənədlər iki ölkə arasında
əməkdaşlığı daha da genişləndirməyi nəzərdə tuturdu.
Keçmiş sovet respublikaları ilə münasibətdə xarici
siyasətimizdiki diqqətsizliklərdən biri də həmin ölkələrdə səfirlik,
konsulluq və ya səlahiyyətli nümayəndəliklərin açılmasının
yubadılması idi. Dövlətimizin siyasi, iqtisadi, elmi-texniki, mədəni
və nəhayət, strateji mənafelərinin həmin ölkələrdə səfirliklərin
açılması işinin sürətləndirilməsini zəruri etməsinə baxmayaraq bu işə
laqeyd münasibət bəslənirdi.
Avropa ölkələri ilə münasibətlər
Azərbaycan dövlətinin beynəlxalq fəaliyyətində Avropa
ölkələri ilə münasibətlərin qurulması və inkişaf etdirilməsi başlıca
yerlərdən birini tutur.
Müstəqillik elan edildikdən sonra 1993-cü ilin avqust
ayınadək Avropanın 18 ölkəsi Azərbaycan Respublikasının dövlət
müstəqilliyini tanıdı və bəziləri onunla diplomatik münasibətlər qurdu.
Həmin ölkələr aşağıdakılar idi: İsveçrə, Finlandiya, Belçika, AFR,
Niderland, Danimarka, Böyük Britaniya, Yunanıstan, İtaliya, Norveç,
Fransa, Portuqaliya, Avstriya, İsveç, İslandiya, Kipr, İspaniya.
Lüksemburq.
Azərbaycanla Avropa dövlətləri arasında əlaqələrin zəngin
tarixi keçmişi vardır. Tarixi ənənələr, münasibətlərdə toplanmış
müvafiq təcrübə və mövcud tarixi şərait, dövlətlərin regionumuzda
59
Dostları ilə paylaş: |