İkincisi, ikinci dünya müharibəsinin sonuna yaxın Cənubi
Azərbaycanda başlamış xalqımızın milli-azadlıq mübarizəsinin
növbəti mərhələsinə də güclü ABŞ dövləti rəğbət bəsləmişdi. 1946-
cı ilin yanvarında ABŞ konsulu Rossou Təbrizdə Güney Azərbaycan
milli hökumətinin baş naziri S.C.Pişəvəri ilə görüşmüş və
hökumətini ona hər cür yardım göstərəcəyini vəd etmişdi.
Üçüncüsü, SSRİ-nin dağılmasına uzun illər boyu çalışan və
məqsədinə çatdıqdan sonra yeganə fövqəladə kimi qalan ABŞ dövlət
müstəqilliyini yenidən bərpa etmiş Azərbaycan xalqının iradəsinə
hörmət edərək, ölkəmizlə siyasi, iqtisadi, elmi-texniki, mədəni
əlaqələrin qurulması üçün addımlar atdı. Azərbaycanın yerləşdiyi
rolunu oynaması, zəngin təbii sərvətləri, xalqımızın müstəqil dövlət
qurmaq istiyi üçün imkanları, potensialı, azad bazar iqtisadiyyatı və
demokratik inkişaf xəttini götürməsi ABŞ xarici siyasətində
Azərbaycanın rolunu artırırdı. Bununla belə, müstəqillik illərində
ABŞ-ın ölkəmizə münasibəti xeyli dumanlı və təzadlı idi.
Ermənistan Azərbaycana qarşı təcavüzkarlıq müharibəsindən narahat
olan Vaşinqton onun səbəbləri barədə ziddiyyətli və qeyri-obyektiv
məlumatlara malik idi. Təcavüz haqqında həqiqət ya bilinmirdi, ya
bilinmək istənilmirdi,ya da qəsdən susulurdu.
Dördüncüsü, ABŞ-ın planetdə baş verən münaqişələrin
həllində rolunun artması, Azərbaycanda və ABŞ-ın xarici siyasət
məqsədlərində çoxlu oxşar cəhətlər və bəzən də onların üst-üstə
düşməsi dövlətimizin beynəlxalq fəaliyyətində bu ölkənin rolunu
artırırdı. ABŞ dünyanın başqa qabaqcıl dövlətləri ilə birlikdə
Azərbaycanın müstəqilliyinin möhkəmləndirilməsində, və
inkişafında, müəyyən rol oynaya bilərdi.
ABŞ-ın dünya rəhbərliyinə gedən tarixi yolu xeyli mürəkkəb
və ziddiyyətli olmuşdur. İkinci dünya müharibəsindən qalib çıxan,
müharibənin gedişində iqtisadiyyatı nəinki zərər çəkməyən, əksinə
bu ölkəyə xeyir verən, inkişaf edən ABŞ dünyanın ən çox borc verən
ölkəsinə çevrildi. Dünya qızıl ehtiyatının təxminən, 73%-i ABŞ-da
toplandı. “Trumen doktrinası” (1947-ci il 12 mart) və “Marşal planı”
(1947-ci il 5 iyun) ilə ABŞ bir sıra dövlətlərə yardım etməklə onları
özündən asılı vəziyyətə saldı və dünyanın birinci iqtisadi qüvvə
mərkəzinə çevrildi. Onun iqtisadi güc mərkəzinə çevrilməsi dünyaya
siyasi-mənəvi rəhbərlik etməsinə təkan verdi. İkinci dünya
müharibəsindən keçən sonrakı dövrdə ABŞ bütün beynəlxalq və
81
məhəlli təşkilatlarda mühüm rol oynadı və onlara müvafiq təsir
göstərdi. Məlumdur ki, kiçik millətlər böyük hadisələr qarşısında
gücsüzdürlər. Siyasi burulğanlar onları məhv edə bilər. Ona görə də
bu xalqlara böyük müttəfiqlər və dostlar lazımdır. Qarşılıqlı
mənfəətlərin əsasında qurulan müttəfiqlik və dostluq sabitlik yaradır.
Deməli, ABŞ-ın dünyadakı mövqeləri Azərbaycanı müvafiq
addımlar atmağa sövq edirdi.
Beşincisi, ABŞ - Rusiya münasibətlərindəki ziddiyyətlər, ABŞ
- İran münasibətlərindəki düşmənçilik şimaldan Rusiya və cənubdan
İranla qonşu olan və müstəqil inkişaf etmək istəyən Azərbaycan
dövlətinin əhəmiyyətini Vaşinqtonun xarici siyasətində artırırdı.
ABŞ Rusiyada liberal islahat tərəfdarlarının yüksək vəzifələrdən
uzaqlaşdırılmasından, xarici ticarətdə proteksionizm hallarını tətbiq
edən bəzi tədbirlərin həyata keçirilməsindən, keçmiş sovet məkanını
öz nüfuz dairəsi elan etməsindən, buraya başqa dövlətləri buraxmaq
istəməməsindən, keçmişə qayıdış barədə çağırışlardan, Çeçenistanda
müharibənin aparılması metodlarından, dinc və günahsız insanların
qırılmasından narahıt idi. Bununla belə, ABŞ Rusiya ərazi
bütövlüyünü müdafiə edir və terrorizmi pisləyir, onun azad bazar
iqtisadiyyatı və demokratiya yolu ilə inkişafını dəstəkləyirdi. Lakin
nəzəri baxımdan hələ də qalmaqda olan Rusiya təhlükəsini
zəiflətməkdən ötrü buradakı demokratik institutlarla sıx əməkdaşlıq
etməyə, demokratiya yolunda ona kömək göstərməyə, beynəlxalq
maliyyə və texniki təşkilatlarını bu işə cəlb etməyə çalışır.
Öz növbəsində Kreml ABŞ-ın keçmiş sovet məkanında
hərəkətlərindən, NATO-nun Şərqə doğru genişləndirilməsindən
narahatdır.
İranın ABŞ-la mövcud olan açıq-aşkar düşmənçilik
münasibətləri, onu Qafqazdan, xüsusən Azərbaycandan vurub
çıxarmaq istəyi, onun neft planlarının reallaşmasına mane olması
cəhdləri, Azərbaycan - ABŞ münasibətlərinin inkişafına İranın
potensial parçalanması təhlükəsi kimi baxması Azərbaycanda İran -
ABŞ ziddiyyətlərini kəskinləşdirir və ölkəmizin mövqelərini
şərtləndirirdi. İran ABŞ-ın regiondakı hərəkətlərini qlobal
təhlükəsizliyinə zərbə kimi qiymətləndirir və Azərbaycanı öz nüfuz
dairəsinə salmaq istəyir. Lakin ölkəmizin götürdüyü inkişaf xətti ilə
fərqlilik təşkil edərək Bakı ilə Vaşinqtonu yaxınlaşdırır. Azərbaycanı
öz tərəfinə çəkmək və nüfuz dairəsinə salmaq uğrunda bir qrup
82
dövlətin mübarizəsi bir tərəfdən rəsmi Bakı üçün çətinlik törədirsə,
digər tərəfdən öz mənafelərinin hansı nöqtədə yerləşdiyini görməyə
və manevr etməyə imkan verir. Azərbaycan - ABŞ münasibətlərinin
əsasını beynəlxalq normalardan irəli gələn prinsiplər, dövlətlər
arasında imzalanmış sənədlər təşkil edir və münasibətlər mənafelərin
tarazlığı üzərində qurulur.
ABŞ tərəfi Azərbaycanla normal münasibətlərin üç əsas
prinsipdən keçdiyini göstərir: azad bazar iqtisadiyyatı, insan
hüquqlarının qorunması, demokratik inkişaf və çoxpartiyalı sistem.
Bu prinsipləri ABŞ bütün digər ölkələrlə qurarkən də irəli sürür.
Qısa müddətdə ABŞ konqresmenlərindən De Konsini,
Q.Laflin, C.Tanker, K.Ueldon, L.Hemilton, R.Luqar, C.Olver və
başqaları ilə əlaqələr yaradıldı.
Siyasi sahədə ABŞ hökumətinin Azərbaycanın ədalətli
mövqeyini müdafiə etməməsi və ya müdafiə etmək istəməməsinə
baxmayaraq ABŞ tərəfi Azərbaycana humanitar yardım göstərirdi.
1992-ci ilin oktyabrında Amerika Birləşmiş Ştatlarının dövlət
departamentinin təcili humanitar yardım üzrə bürosunun direktoru
Artur Dyuinin başçılığı altında nümayəndə heyəti Azərbaycana səfər
etdi.
1993-cü ilin birinci yarısında senator Qreq Laflin iki dəfə
ölkəmizdə səfərdə oldu. Səfər zamanı o, Azərbaycan prezidenti
Ə.Elçibəylə parlamentin sədri İ.Qəmbərlə, Baş nazir və bir sıra digər
rəsmi şəxslərlə görüşdü, əməkdaşlıq məsələlərini müzakirə etdi.
1993-cü ilin may ayında Azərbaycan Respublikası
parlamentinin sədri İ.Qənbərin ABŞ-a səfəri, keçirilən görüşlər və
müsahibələr Azərbaycan haqqında həqiqətin özünə yol açmasına
kömək etdi. Səfər zamanı ABŞ-da Azərbaycan Respublikası
səfirliyinin açılması iki ölkə arasındakı münasibətlərdə mühüm addım
idi.
1993-cü ilin oktyabrın 11-də ABŞ Dövlət departamentinin
keçmiş SSRİ respublikaları üzrə səlahiyyətli və fövqəladə səfiri Stoulb
Talbotun Azərbaycana səfəri iki ölkə arasında münasibətlərin
inkişafında qarşılıqlı anlaşma yaratmaqda əsaslı rol oynadı.
Görüş vaxtı S.Talbot ABŞ prezidenti B.Klintonun
məktubunu prezident H.Əliyevə təqdim etdi. Məktub ABŞ-ın
Azərbaycanın işlərinə marağının artmasını göstərirdi. Lakin məktubda
Dağlıq Qarabağ münaqişəsinin kökləri barədə düzgün olmayan
83
Dostları ilə paylaş: |