sənayesi məhsulları, ərzaq malları alırdı. Niderlanda isə yüngül sənaye
məhsulları, ərzaq malları və xalq istehlakı şeyləri göndərilirdi.
BELÇİKA dünya səyasətinin mərkəzlərindən biridir.
Belçikada NATO, AİB və s. təşkilatların iqamətgahları yerləşir.
Belçika 1991-ci il 31 dekabrda Azərbaycanın dövlət müstəqilliyini
tanıdı, 1992-ci il 20 fevralda isə diplomatik münasibətlər qurdu.
1992-ci ildə Azərbaycanın Belçika ilə ticarət-iqtisadi
əlaqələrində idxalı 5756,5 dollar, ixracı 3715,5 dollar təşkil edirdi.
Azərbaycan Belçikadan ərzaq malları, xalq istehlakı malları, əlvan
metallar alırdı. Öz növbəsində Belçikaya əlvan metallar və xalq
istehlakı şeyləri göndərirdi.
LÜKSEMBURQ 1992-ci il 1 iyunda Azərbaycanın dövlət
müstəqilliyini tanıdı. Buna baxmayaraq iki ölkə arasında əlaqələr zəif
idi. İki ölkə arasında ticarət-iqtiadi əlaqələrdə Azərbaycanın ixrac payı
1992-ci ildə 71,4 min dollar idi. Azərbaycan bu ölkəyə əsasən xalq
istehlakı malları göndərirdi.
İSVEÇRƏ 1991-ci il 23 dekabrda Azərbaycanın dövlət
müstəqilliyini tanıdı və 1992-ci il 21 yanvarda onunla diplomatik
münasibətlər qurdu. 1993-cü ilin aprelində İsveçrəyə respublika baş
nazirinin birinci müavini başda olmaqla hökumət nümayəndə heyəti
səfər etdi. Siyasi əlaqələrin qurulması tədricən ticarət-iqtisadi
münasibətlərə də təsir göstərdi. 1992-ci ildə iki ölkə arasında ticarətdə
Azərbaycanın idxal payı 727,4 min dollar idi. Ölkəmiz İsveçrədən
ərzaq malları, xalq istehlakı şeyləri alırdı. Ona neft emalı sənayesi,
əlvan metal, kimya və neft kimyası sənayesi məhsulları və b.
göndərirdi.
DANİMARKA ilə əlaqələrin qurulması və 1992-ci il aprel
ayının 28-30-da Azərbaycan nümayəndə heyətinin səfəri Avropanın
şimalındakı ölkələrə respublikamızın diqqət verməsinin göstəricisi ola
bilər. Lakin sonralar bu ölkə ilə əlaqələrin inkişafı üçün əsaslı
addımlar atılmadı.
İSVEÇRƏ ilə Azərbaycan arasındakı əlaqələr də diqqəti
cəlb edir. 1992-ci il iyulun 17-də İsveçrənin Azərbaycandakı
fövqəladə və səlahiyyətli səfiri Jan Pyer Ritterin səfəri və Azərbaycan
prezidenti ilə görüşü də ilkin addım idi.
VATİKANLA münasibətlər əhəmiyyətlidir. 1992-ci ilin
aprelin əvvəllərində Françesko Kolasuon başda olmaqla Vatikan
nümayəndə heyəti Azərbaycanda olarkən diplomatik münasibətlər
75
quruldu. Lakin sonralar Roma papası III İohan Pavelin beynəlxalq
hüquq normalarını pozaraq üzdəniraq «DQR» nümayəndələrini qəbul
etməsi Azərbaycan tərəfinin etiraz notası verməsinə səbəb oldu. Bu isə
münasibətlərdə qısa müddət üçün soyuqluq əmələ gətirdi.
Dövlətimizin Avropa ölkələri ilə əməkdaşlığ tərəflərin
imkanlarından aşağıdır. Lakin onun geniş perspektivləri vardır.
Əməkdaşlığı daha da inkişaf etdirməkdən ötrü bir sıra işlərin
görülməsi vacibdir.
İqtisadi əlaqələr sahəsində: Avropa ölkələrinin maliyyə,
iqtisadi və texniki təşkilatları, sərmayələr ölkəmizə daha çox cəlb
edilməli, onların fəaliyyəti və qorunması üçün əlverişli şərait
yaradılmalıdır; ölkəmizə xammal bazası kimi baxılmamalıdır. Qərb
texnologiyası Azərbaycana gətirilməli, müvafiq proqramlar işlənib
hazırlanmalı və həyata keçirilməlidir; müştərək müəssisələrin
yaradılmasına və inteqrasiya proseslərinin genişləndirilməsinə
xüsusi diqqət verilməlidir: neft konsorsiumunda iştirak edən
dövlətlərlə çoxsahəli əlaqələr qurulmalı və onlardan qarşılıqlı siyasi
və iqtisadi mənafelər naminə istifadə edilməlidir, neft sənayesi
bazasında Qərb texnologiyasına söykənən çoxsahəli iqtisadi struktur
yaradılmalıdır.
Siyasi əlaqələr sahəsində: Qərb ölkələri - Azərbaycanda
siyasətlərini birbaşa həyata keçirməlidirlər. Lakin bu, Azərbaycanın
tapdağa çevrilməsi olmamalıdır. Onlar Azərbaycana yeni təfəkkürlə
yaxınlaşmalı, siyasətlərini tam müəyyənləşdirməlidirlər,
mənafelərinə zidd olan Ermənistanın Azərbaycana
təcavüzkarlığından narahat olduğundan onun həllinə çalışmalıdırlar.
Qərb keçmiş SSRİ ərazisində mövcud olan münaqişələrə
münasibətinin aydınlaşdırmalıdır. Bu siyasət ardıcıl olmalıdır. Qərb
hökumətləri özlərinin Avropa təhlükəsizliyi sisteminin tərkib hissəsi
kimi Qafqaza münasibətdə dəqiq regional siyasət işləyib
hazırlamalıdırlar. Onlar münaqişələrin nizama salınmasına sözdə
deyil,işdə tam hazır olmalıdırlar. Qərb dövlətlərinin səylərinin
zəifləməsi, bir qayda olaraq regionda Rusiyanın nüfuzunu
gücləndirir. Rusiyanın nüfuzunun artması isə nəinki Qərbi
çıxışdırmaq, eyni zamanda keçmişə qayıdış niyyətlərini güdür. Qərb
dövlətləri qeyd-şərtsiz əməkdaşlıq etmək tarixən Rusiya xarici
siyasəti üçün səciyyəvi deyildir.
76
Azərbaycan tərəfi - Avropanın hakimiyyət mərkəzlərinə yol
açmalı, böyük kapital və nüfuz sahibi olan şəxsləri ölkəmizə cəlb
etməlidirlər. Dünya və regional problemləri qiymətləndirməkdə,
onların həlli yollarında Avropa ölkələri ilə fikir ümumiliyinə
nailolmaqdan ötrü diplomatik siyasi fəaliyyətin müxtəlif
formalarından səmərəli istifadə edilməli, müvafiq sənədlər
imzalanmalı və həyata keçirilməlidir; qarşılıqlı səfərlər, epizodik hal
daşımamalı, müntəzəm olmalıdır; əlaqələrdə hakimiyyətin bütün
qanadları iştirak etməlidirlər; parlamentlərarası əlaqələrə xüsusi
önəm verilməlidir; diplomatik-siyasi fəaliyyətin səriştəsi
artırılmalıdır; bu ölkələrlə daha da yaxınlaşmaqdan ötəri seçkilərdə
kommunist metodlarından imtina olunmalı, tam demokratik
seçkilərin keçirilməsinə nail olmaq lazımdır. Belə addım
Azərbaycanın Avropada imicinin formalaşmasına, son nəticədə
siyasi, o cümlədən bütün mövqelərimizin möhkəmlənməsinə kömək
edərdi. Azərbaycanın Avropa siyasəti xeyli ehtiyatlı və çevik
olmalıdır. Ən azı ona görə ki, Avropa ölkələri arasında bir sıra gizli
və aşkar ziddiyyətlər vardır.
Avropa dövlətlərinin dostu və ya müttəfiqi olan ölkələrlə
əlaqələri genişləndirmək və onların köməyindən istifadə etmək olar.
Bizə bədxah münasibət bəsləyən dairələr və ölkələr ya bizim
tərəfimizə çəkilməli, ya da heç olmazsa birtərəfləşdirilməlidir.
Avropa ölkələrində yaşayan Azərbaycan diasporundan, türk
xalqlarının köməyindən, lobbiçilik fəaliyyətindən istifadə olunmalı
və bu sahədə sistemli iş aparılmalıdır. İctimaiyyətin əlaqələri
qurulmalı və xalq diplomatayası hərəkətə gətirilməlidir.
Elmi-texniki əlaqələr sahəsində: Avropa ölkələrinin qabaqcıl,
elmi-texniki nailiyyətlərinin ölkəmizdə tətbiqi və inteqrasiyası üçün
addımlar atılmalıdır; Avropa təhsil sisteminin ölkəmizdə tətbiqi,
tələbə, aspirant, müəllim və elmi-texniki informasiya mübadiləsi
üçün iş görülməlidir.
Mədəni əlaqələr sahəsində: ölkəmiz açıq, sərbəst, azad
cəmiyyət olduğunu işdə təsdiq etməlidir; Avropa ölkələri ilə sərbəst
mübadilə, kütləvi mədəniyyət sahəsində geniş əməkdaşlıq
saxlamalıdır; maliyyə çətinliklərinə baxmayaraq yaradıcı və ictimai
təşkilatlar Avropada Azərbaycan mədəniyyətinin təbliği üçün
müxtəlif vasitələrlən istifadə edə bilərlər; idman və turizm
əlaqələrini hərəkətə gətirmək vacibdir. Mədəni əlaqələrin
77
Dostları ilə paylaş: |