vasitə kimi baxır; hər vəchlə ikili vətəndaşlığın tətbiqinə çalışır;
müstəqil dövlətləri siyasi cəhətdən birləşdirmək məqsədilə Qərb
ölkələrinin deyil, Moskvanın onlar üçün yeganə müttəfiq olduğunu
təbliğ edir; MDB iştirakçısı olan dövlətlərə bərabər münasibət
göstərmir (Azərbaycana qarşı təcavüzkarlığında Ermənistana açıq-
aşkar çoxtərəfli yardım göstərir); ölkəmizə qarşı psixoloji-təbliğat
vasitələri, o cümlədən, guya Çeçenistana yardım edilməsi və s. işə
salınır; Hətta Rusiya imperiyasını bərpa etmək barədə avantürist
çağırışlar eşidilir. İki qitədə yerləşən Rusiya transregional dövlət
olmaq istəyir. Keçmiş siyasətin forması dəyişsə də, mahiyyəti qalır.
Rusiya keçmiş sovet respublikalarını "öz yağları ilə qovurmaq, öz
odunları ilə ocağındakı qazanında qaynatmaq" fikrindən əl
çəkməmişdir. ABŞ-ın keçmiş dövlət katibi Henri Kissincerin
fikrincə, "Rusiya elə bir ölkədir ki, müstəmləkəçilik onun tarixi üçün
həmişə nəqarət olmuşdur".
Hərbi cəhətdən törədilən çətinliklər: Rusiya keçmiş SSRİ-nin
hərbi-siyasi infrastrukturunu qoruyub saxlamaq, strateji qüvvələri
mühafizə etmək istəyir; müstəqil dövlətlərdə ordu quruculuğunun
həyata keçirilməsini qısqanır, ona mane olur, ya da həmin prosesin
özü tərəfindən aparılmasına çalışır; onları MDB iştirakçısı olan
ölkələr çərçivəsində yığmağa sə"ylər edir və bundan ötrü müxtəlif
təzyiq vasitələrini işə salır (hərbi-sənaye kompleksinin inkişafına
mane olmaq, ordularda birgə hərbi xidmət keçməsi, hərbi
məktəblərin fəaliyyətinin əlaqələndirilməsi və planlaşdırılması, hərbi
texnika ilə təmin etmək, silah satışı və s.); münaqişə zonalarında
MDB bayrağı altında kollektiv qüvvələrin yerləşdirilməsi üçün BMT
və ATƏT-in mandatını almaq, bununla da MDB-də Rusiyanın hakim
rolunu təsdiq etmək və ya mövcud münaqişələrin doldurulması
cəhdləri (mə"lumdur ki, kollektiv qüvvələr simvolikdir, onda əsas
yeri Rusiyanın tutmaq istəyi həksizdir) edir; sülhməramlı proseslərdə
inhisarçı olmaqdan ötrü Rusiya MDB-yə BMT çərçivəsində regional
saziş və ya təşkilat statusu almağa çalışır; öz strateji məqsədləri
naminə MDB iştirakçısı olan dövlətlərdə hərbi bazalarını
yerləşdirməyə, sərhədləri birgə qorumağa təkid edir (Azərbaycan
ərazilərinin xeyli hissəsinin, o cümlədən İranla sərhədlərinin bir
hissəsinin işğal altında olmasına və ona nəzarət etməməsinə
baxmayaraq, onu birgə qorumaq barədə təzyiqlər edir); müstəqil
dövlətlərin başqa blok və hərbi ittifaqlarda iştirakını qısqanır
45
(onların "Sülh naminə tərəfdaşlıq" proqramında iştirakını yaralı
nöqtə kimi qəbul edir); müstəqil dövlətləri yenidən vahid hərbi
sistemdə toplamaq istəyir.
Rusiya qoşunlarını MDB bayrağı altında Ermənistan-
Azərbaycan münaqişəsi zonasında yerləşdirməyə çalışır. O, bildirir
ki, BMT-nin maliyyə imkanları məhdud olduğundan bu işi özü görə
bilər. Lakin MDB-nin belə bir əməliyyatı həyata keçirmək hüququ
yoxdur. Belə hüquq yalnız BMT və ATƏT-də vardır. BMT
nizamnaməsinin 52-ci maddəsində deyilir ki, regional təşkilatlar və
sazişlər sülhməramlı əməliyyatlar apara bilərlər. Lakin bir şərtlə ki,
onların məqsədləri və fəaliyyəti BMT-yə uyğun gəlsin. Belə
uyğunluğu təşkilatların özləri deyil, BMT müəyyənləşdirməlidir.
BMT isə belə mandatı MDB-yə vermişdir. BMT nizamnaməsinə
görə, belə əməliyyatlara razılıq verilirsə, qarşıya qoyulmuş belə
vəzifələri yerinə yetirməkdən ötrü dəqiq mandat və konkret vaxt
çərçivəsi qoyulmalıdır; əməliyyat və onun funksiyası BMT naminə
fəaliyyət göstərməlidir; əməliyyat Baş katibin rəhbərliyi ilə
aparılmalıdır; Baş katib isə onun bütün cəhətləri üçün təhlükəsizlik
Şurası qarşısında məsuliyyət daşıyır; əməliyyat iştirakçısı olan
dövlətlərin hərbi qüvvələri öz milli komandanlarına deyil, BMT-nin
təyin etdiyi komandana tabedirlər, münaqişə edən tərəflərə
münasibətdə qərəzsiz və tam olmalıdırlar; daxili işlərə
qarışmamalıdırlar; sülhməramlı qüvvələr danışıqlar aparılmasını
əvəz edə bilməz suverenlik, ərazi bütövlüyü və sərhədlərin
toxunulmazlığı prinsiplərinə əməl edilməlidir; hər bir ölkənin
qüvvələri bu əməliyyatın tərkibində ümumi heyətin 30%-dən çoxunu
təşkil edə bilməz, tərkibində ən çox heyəti olan ölkə əməliyyatda
komandanlıq edə bilməz; regionda birbaşa marağı olan dövlət
komandanlıq etməməlidir.
Bu normalar Rusiyanın istəyi ilə ziddiyyət təşkil etdiyindən
BMT belə əməliyyatlar üçün ona icazə vermədi.
Bununla belə, münaqişə zonasına hər hansı bayraq altında
(istər BMT, istər ATƏT, istərsə də MDB) qoşun yeridilməsinin bir
sıra nəticələri ola bilər; problemin həlli dondurular; "DQR" subyektə
çevrilər; tanına bilər; atəş xətti sərhəd xəttinə çevrilə bilər; gələcəkdə
torpaqların azad edilməsi mümkünsüz olar; Ermənistan silahlı
qüvvələri Azərbaycandan çıxmaz, torpaqlar azad edilməz və s.
46
Çünki işğalçı fasilə qazanır, quruculuq işləri aparır, erməni xalqının
mənəvi-psixoloji ruhunu yüksəlir.
Yuxarıda göstərilən iqtisadi, siyasi və hərbi çətinlikləri
yaratmaqla öz istəklərinə çatmaq üçün Rusiyanın imkanı yoxdur.
Əvvəla, Rusiyanın daxili-siyasi, iqtisadi, hərbi, mənəvi-
psixoloji böhranlı vəziyyəti-Çeçenistanda aparılan uğursuz
müharibə; mərkəzdən qaçma meylləri; regionlara nəzarətin
zəifləməsi; mərkəzi hakimiyyətlə federasiyanın subyektləri arasında
ixtilaflar; dağıdılmış iqtisadiyyat, iqtisadiyyata oturmuş xarici
kapitalın və yeni yaranmış sahibkarlar təbəqəsinin təsiri: ordunun
simasızlaşması; mənəvi-psixoloji düşkünlük bu istəklərin
reallaşmasını qeyri-mümkün edir. Rusiyadakı demoqrafik proses,
çinlilərin axını, ölkənin quruluşunun daha çox milli-ərazi təməlinə
əsaslanması gələcəkdə dövlətin bütövlüyünü sual altına qoyur və
ümidsizliyi artırır. Ölkə əhalisinin 148 milyon nəfərindən, təxminən
30 milyon nəfəri, başqa sözlə, hər beş vətəndaşından bir nəfəri türk,
müsəlmandır. Rusiya həm də türk ölkəsi, rus dövlətidir.
Qərbi Avropadan fərqli olaraq Rusiyadakı türk, müsəlman
xalqları mühacir deyil, köklü, yerli xalqlardır. Beləliklə, türk, islam
amili Rusiya üçün vacib daxili siyasi şərtdir, milli təhlükəsizliyi
üçün əhəmiyyətli faktdır. Bu amil ən azı dörd cəhətlə şərtlənmişdir.
Əvvəla, Rusiya Federasiyasında müxtəlif hesablamalara görə, 30
milyon nəfər türk, müsəlman yaşayır. Şimali Qafqaz, Volqaboyu,
Ural, Qərbi Sibir müsəlmanların yığcam yaşadıqları regionlardır.
Müsəlmanlar faktiki olaraq Rusiya Federasiyasının bütün
subyektlərində yaşayırlar və müəyyən təsirə malikdirlər. İkincisi,
Rusiyanın yaxın xaricindəki müsəlman dövlətləri İslam Konfransı
Təşkilatının üzvləridir. Üçüncüsü, Rusiyanın uzaq xarici də - İran,
Türkiyə, Pakistan, Suriya və İraqın əhalisi, Çin və Hindistanın
əhalisinin bir hissəsi müsəlmanlardır. Dördüncüsü, Rusiyanın yaxın
xristian qonşuları olan Ukrayna, Rumıniya, Bolqarıstanda və b. xeyli
müsalmanlar yaşayır.Bütün bu geosiyasi şərait daxili və xarici
siyasət məsələlərini həll edərkən Rusiyanın İslam amili xüsüsi diqqət
yetirməsini zəruri edir. Deməli, Rusiya müsəlman ölkəsi, pravoslav
dövlətidir. Pravoslav dininin süni surətdə şişirdilməsi müsəlmanları
mənəvi cəhətdən yadlaşdırır, onların Rusiya dövlətinə olan
münasibətini azaldır, Rusiyanı zəiflədir, onun əhatəsində qaldığı
müsəlman dövlətləri ilə əlaqələrinə mənfi təsir göstərir. Bunun
47
Dostları ilə paylaş: |