Onları tarixən birləşdirən coğrafi-siyasi, elmi-texniki, mədəni,
şumanitar əlaqələr indi müstəqil dövlətlər kimi həm ikitərəfli, həm
də çoxtərəfli münasibətlərinə təsir edir. Müstəqil dövlətlərin öz
aralarında ikitərəfli əməkdaşlığa dair çoxlu sənədlər imzalamaları
əməkdaşlığa və inteqrasiya proseslərinə şərait yaradır.
İkincisi, eyni təsərrüfat sistemində mövcud olmuş, iqtisadi
inkişaf səviyyələri təxminən eyni olan bu ölkələrdə müstəqillik əldə
etdikdən sonrə qırılan təsərrüfat əlaqələri həyatın bütün sahələrində
durğunluq yaratmışdır. Bazarlara çıxmaq qabiliyyətinin olmaması və
istehsal sahələrinin dayanması bu dövlətlərin demək olar ki, hamısını
eyni vəziyyətə salmışdır. Təsərrüfat əlaqələrini bərpa etmək və
müəyyən irəliləyişə nail olmaq istəyi dövlətlərarası münasibətlərə
myvafiq təsir göstərir.
Üçüncüsü, müstəqil dövlətlərin siyasi, iqtisadi sistemlərində
və idarəçiliklərindəki oxşarlıq, aralarında viza rejiminin olmaması
qarşılıqlı münasibətlərə müsbət təsir göstərir.
Dördüncüsü, əvvəllər bir ölkədə yaşamış, indi isə ayrı-ayrı
dövlətlərin vətəndaşları olan müxtəlif millətlərin nümayəndələri əz
qala MDB-nin üzvü olan bütün ölkələrə səpələnmişlər. Misal üçün,
MDB iştirakçısı olan dövlətlərdə təxminən 2 milyon azərbaycanlı
yaşayır. Bu amil dövlətlərarası münasibətlərdə öz müvafiq izini
qoyur.
Bu amillər Azərbaycanın MDB iştirakçısı olan dövlətlərlə
ikitərəfli əlaqələrinə və inteqrasiya proseslərinə müsbət təsir göstərir.
Lakin elə amillər vardır ki, onlar ön plana milli dövlətçilik
məsələlərini çıxarır. Həmin amillər aşağıdakılardan ibarətdir:
Əvvəla, böhranlı, problemli və çətin inteqrasiya kimi MDB-yə
birmənalı münasibət mövcud deyildir. Onun həm tərəfdarları, həm
əleyhdarları, həm də ondan istifadə edib öz istəklərinə çatmaq
istəyən qruplar vardır. Bir qrup belə hesab edir ki, MDB-dən istifadə
edərək inteqrasiya prosesləri adı altında milli dövlətlərin fövqündə
duran qurumlar yaratmaq və müəyyən formalarla keçmişə qayıtmaq
lazımdır. Onlar bildirirlər ki, keçmiş sovet respublikaları müstəqil
yaşaya bilməzlər, onlara "ağa" lazımdır. İkinci qrupa görə, MDB
iştirakçısı olan dövlətləri imkan daxilində federativ əsasdan qurmağa
çalışmaq, separatçı qüvvələrə yardım etmək lazımdır ki, gələcəkdə
onların köməyi ilə nəinki SSRİ-ni, hətta Rusiya imperiyasını bərpa
etmək mümkün olsun. Onlar hesab edirlər ki, MDB guya regional,
33
ya da beynəlxalq təşkilatdır Məhz bu statusa can atmaqla onlar əski
sovet məkanında maraqlarını qorumağa çalışırlar. Lakin beynəlxalq
və regional təşkilatların hüquqi statusunun öyrənilməsi göstərir ki,
MDB regional və ya beynəlxalq təşkilat deyildir, iştirakçı dövlətlərin
əməkdaşlıq formasıdır. Onu hər hansı siyasi, iqtisadi, hərbi və b.
quruma çevirmək mövcud şəraitdə uğursuzluğa məhkumdur.
Üçüncü qrup isə, müasir dünyada gedən milli dövlətçilik və
inteqrasiya proseslərini obyektiv dərk edərək MDB-yə müvafiq
ölkələrin inteqrasiyası kimi baxırlar. Belə təzadlı mövqe həmçinin
ölkəmizin də MDB iştirakçısı olan dövlətlərlə münasibətlərinə təsir
göstərir.
İkincisi, azadlığa çıxmış xalqların, o cümlədən Azərbaycan
xalqının müstəqil dövlət qurmaq üçün ciddi istəyi vardır. Onlar milli
dövlətlərin fövqündə duran qurumların yaradılmasına, yenidən
kiminsə hakimiyyəti altına düşmələrinə, sərvətlərini başqaları ilə
bölüşdürmələrinə və ya pay vermələrinə razı deyildirlər.
Üçüncüsü, Azərbaycan xalqının zəngin dövlətçilik ənənələri,
böyük intellektual səviyyəsi xarici dövlətlərlə birbaşa
bərabərhüquqlu əlaqələri qurmağı və inkişaf etdirməyi şərtləndirir.
Dördüncüsü, ölkəmizin gələcəyi olan gənc nəsildə müstəqillik
ideallarının güclü olması və xalqımızın mentaliteti yalnız
bərabərhüquqlu əməkdaşlığı irəli sürür.
Beşincisi, əvvəllər bir dövlətin tərkibində olmuş Ermənistanın
Azərbaycana qarşı təcavüzkarlığı və ona Rusiyanın açıq-aşkar
hərbi-siyasi-iqtisadi və mənəvi yardımı çoxlu suallar doğurur.
Keçmiş sovet məkanında törədilmiş müxtəlif xarakterli münaqişələr
əməkdaşlığa mənfi təsir göstərir.
Altıncısı, mövcud beynəlxalq şərait həm birinci, həm də ikinci
dünya müharibəsindən sonrakı vəziyyətdən kəskin şəkildə fərqlənir.
Artıq dünyanın qabaqcıl ölkələri gənc müstəqil dövlətləri tanımışlar,
onlara hərtərəfli əməkdaşlıq edirlər.yenidən Rusiyanın təsiri altına
düşmələrinə razı deyildirlər.
MDB-nin gələcəyi onda iştirak edən dövlətlərin beynəlxaq
normalara uyğun bərabərhüquqlu əməkdaşlığından asılıdır. Əks
təqdirdə MDB dağılacaq və müstəqil dövlətlərin süverenliklərinin
daha da möhkəmləndirilməsinə bir keçid olacaqdır.
Azərbaycan dövlətinin xarici siyasətində MLB iştirakçısı olan
ölkələrlə münasibətlərinin məqsədi-dövlət müstəqilliyimizi
34
möhkəmləndirmək, təhlükəsizlmyimiz üçün ən ucuz başa gələn
vasitə kimi mehriban qonşular zolağı yaratmaq, dövlət quruculuğu
və islahatların açılması üçün əlverişli beynəlxalq şəraiti təmin etmək,
bərabərhüquqlu, qarşılıqlı faydalı iqtisadi, siyasi, elmi-texniki və
mədəni əlaqələr qurmaqdır.
Dövlətimizin MDB iştirakçısı olan ölkələrlə münasibətlərinin
əsasını dünya birliyi tərəfindən qəbul edilmiş beynəlxalq
normalardan doğan prinsiplər təşkil edir. Azərbaycan məhz bu
prinsiplərlə həmin ölkələrlə münasibətlərini tənzimləməyə çalışır.
Azərbaycan dövləti MDB iştirakçısı olan ölkələrlə
münasibətlərini diplomatik fəaliyyətin müxtəlif formaları ilə -
yazışmalar, qarşılıqlı səfərlər, siyasi, iqtisadi, elmi-texniki, mədəni,
humanitar və b. sahələrə aid sənədlərin imzalanması, müzakirələr,
konfranslar, məsləhətləşmələr və s. saxlayır.
MDB iştirakçısı olan ölkələrlə Azərbaycanın münasibətlərinin
böyük əhəmiyyəti vardır. Bərabərhüquqlu münasibətlər qarşılıqlı
fayda verərdi, MDB-ni bir əməkdaşlıq forması kimi
möhkəmləndirərdi, qırılmış çoxsahəli əlaqələr qaydaya düşərdi,
xalqlar arasında mehriban münasibətlər bərpa olunardı.
MDB iştirakçısı olan dövlətlərlə normal münasibətlərin
qurulmasında Azərbaycan tərəfdən heç bir əngəl yoxdur.
Əlbəttə, MDB sadəcə əməkdaşlıq forması deyildir. Onda
müxtəlif dövlətlər əməkdaşlıq edirlər.Dövlətlər arasındakı ikitərəfli
əlaqələr bütövlükdə çoxtərəfli əlaqələrə təsir edir. Bu baxımdan
dövlətimizin xarici siyasətində Rusiya ilə münasibətlər ciddi təhlil
tələb edir. Rusiya 1992-ci il aprelin 4-də Azərbaycanda diplomatik
münasibətlərin qurulması barədə protokol imzaladı.Böyük nüvə
dövləti və şimal qonşumuz kimi Rusiya ilə münasibətlər bir sıra
amillərlə şərtlənmiş və özünəməxsusluqlar yaratmışdır. Həmin
özünəməxsusluqlar aşağıdakılardan ibarətdir :
Əvvəla, bu və ya digər formada Rusiyada baş verən proseslər
keçmiş sovet məkanında təsirsiz qalmır. Ölkələrimizin münasibətləri
təzadlı, mürəkkəb və ziddiyyətli tarixi inkişaf yolu keçmişdir.
Rusiya-İran münasibətləri nəticəsində zorla bölüşdürülərək Şimali
Azərbaycanın çarizmin müstəmləkə zülmü altına düşməsi, onun
Qafqaz xalqları arasında nifaq salaraq bu regionda möhkəmlənməsi,
Azərbaycan xalqına inanmaması, 1918-1920-ci illərdə Azərbaycanın
müstəqilliyini qəbul etməməsi və istiqlalımıza son qoyması,
35
Dostları ilə paylaş: |