45
• I mərhələ •
Azərbaycan Xalq Cümhuriyyətinin
yaranmasından əsrin ortalarına qədər
•
1
5. Şeirin bədii təsir gücünün artmasına şair necə nail olmuşdur? Fikrinizi əsaslandırın. Cədvəldən
istifadə edin.
Bədii təsvir və ifadə vasitələrinin
işləndiyi
misralar
Növü
Əsərin bədii təsir gücünün artmasında rolu
6. Əsərdəki başlıca fikir – ideya, sizcə, nədir? Fikrinizi əsərdən gətirdiyiniz nümunələrlə əsaslandırın.
Cədvəldən istifadə edin.
s.s.
Əsərin ideyası
Nə üçün belə düşünürsünüz?
• “Ananın öyüdü” şeirinin müasir oxucu üçün əhəmiyyəti nədir?” mövzusunda təqdimat hazırlayın.
1. Şeirdən cədvəldəki atalar sözlərinə uyğun nümunələr seçin, fikrinizi əsaslandırın.
Atalar sözləri
Əsərdən seçilmiş uyğun nümunələr
Nə üçün belə düşünürsünüz?
İgid oğul düşmənə əyilməz
Alnım açıq,
üzüm ağ
İgidlik döyüşdə məlum olar
Yaxşı at igidin arxasıdır
2. Ana obrazının canlandırıldığı Qarabağ savaşına həsr olunmuş bir əsər seçin və diqqətlə oxuyun.
“Ananın öyüdü” əsəri ilə müqayisə edin. Çıxardığınız nəticəni müqayisə cədvəlində, yaxud Venn
diaqramında qeyd edin.
3. “Ananın öyüdü” şeirindən bir parçanın ifadəli oxusuna hazırlaşın.
– Əvvəlcə ifaçılıq vəzifəsini – dinləyicilərə nə çatdıracağınızı aydınlaşdırıb dəftərinizdə (şeirin
mətninin kənarında) yazın.
– Sonra parçanın oxusunda səsinizin aldığı çalarları qeyd edin. Unutmayın ki, misraların hər birinin
oxusunda məzmundan asılı olaraq, fərqli səs çalarları yarana bilər.
– Fasilələrin yerini, məntiqi vurğulu sözləri, səsin sürətini, ucalığını və s. müəyyənləşdirib şərti
işarələrlə göstərin.
4. İfaları dinləyib münasibət bildirin.
• Digər fənlərdən və mənbələrdən öyrəndiyiniz məlumat əsasında “Faşizm üzərində qələbədə
Azərbaycanın rolu” mövzusunda şifahi təqdimat hazırlayın.
E v d ə i ş
I I I d ə r s
T ə t b i q • M üz a k i r ə • Y a r a d ı c ı i ş
E v d ə i ş
46
TƏBRİZİM
(ixtisarla)
Baxdıqca hüsnünə doymayır gözüm,
Təbrizim, Təbrizim, gözəl Təbrizim!
Qoymaram yadları girsin qoynuna,
İzin ver qolumu salım boynuna!
Sənin bayramına, sənin toyuna
Dili bir, qanı bir qardaşın gəlib,
Dərdinə aşina sirdaşın gəlib.
Sən çıxdın qarşıma duzla, çörəklə,
Bağından
dərdiyin güllə, çiçəklə,
İkiyə bölünməz
saf bir ürəklə,
Təbrizim, Təbrizim, aman Təbrizim,
Yox olsun başından duman, Təbrizim!
Qədrini ayrılıq çəkənlər bilər,
Hicrində göz yaşı
tökənlər bilər,
Ömrünə qaranlıq çökənlər bilər,
Bağından gül-çiçək dərdim, Təbrizim,
Yenə təzələndi dərdim, Təbrizim!
Nə
qəşəngdir yol boyunca söyüdlər,
Söyüdlərin kölgəsində igidlər
Babalardan dinləyirlər öyüdlər,
Coşur damarlarda qanı, Təbrizim,
Yoxdur bu mərdlərin sanı, Təbrizim!
Ağlasan, ağlaram, gülsən, gülərəm,
Yaşasan, yaşaram, ölsən, ölərəm,
Varımı səninlə yarı bölərəm,
Gəl bir də üzündən öpüm, Təbrizim!
Başına
gül-çiçək səpim, Təbrizim!
Nədir o mənalı, dərin baxışlar?
Nədir gözlərindən yağan yağışlar?
Nədir qəlbindəki payızlar, qışlar?
Yetimtək boynunu burma, Təbrizim!
Məlul-məlul baxıb durma, Təbrizim!
Sənin çiçəyinə, gülünə qurban!
Mənə qardaş deyən dilinə qurban!
Vətəninə qurban, elinə qurban!
Baxdıqca hüsnünə doymayır gözüm,
Təbrizim, Təbrizim, gözəl Təbrizim!
• Cənub mövzusu Süleyman Rüstəm ya-
radıcılığında geniş yer tutur. Onun adı
Arazın o tayında dillərdən düşmür, şeir-
ləri əldən-ələ, dildən-dilə gəzir. Şair Cə-
nubda xalqın ən çox sevdiyi və arxalan-
dığı söz ustalarındandır.
Hüseyn Abbaszadə
SÜLEYMAN RÜSTƏM
(1906 – 1989)
Yada salın
– Cənubi Azərbaycana həsr olunmuş hansı əsərlərlə tanışsınız?
– Bu əsərlərdə diqqətinizi daha çox çəkən nə olub?
Düşünün
– Cənub mövzusunda yazılmış əsərlərdə, sizcə, hansı məsələlərə da-
ha çox diqqət yetirilir?
Oxuda aydınlaşdırın
– Əsərdə tanış olmayan sözlərin mənasını lüğətlərin, sorğu kitabla-
rının köməyi ilə aydınlaşdırın.
– Əsərdəki bədii təsvir və ifadə vasitələrini müəyyənləşdirin.
47
• I mərhələ •
Azərbaycan Xalq Cümhuriyyətinin
yaranmasından əsrin ortalarına qədər
•
1
1. Əsərin oxusundan (bunu fərqli formalarda yerinə yetirə bilərsiniz) sonra parta yoldaşınızla birlikdə
aşağıdakı suallara cavab hazırlayın:
– Əsərdə ayrılıq barədə nə deyilir?
– Şair Təbrizin gözəlliyi haqqında hansı fikirləri söyləyir?
– Şairin Təbrizə məhəbbəti hansı misralarda daha qabarıq ifadə olunub?
– Şeiri oxuyarkən Azərbaycanın ikiyə bölünməsi ilə bağlı hansı tarixi hadisələri xatırladınız?
2. Kiçik qruplarda birləşin. Hər qrup iki, yaxud bir bənd üzərində işləməklə məzmuna aid suallar və
onlara cavab hazırlayın.
3. Şeirdəki bədii təsvir və ifadə vasitələrinin növünü göstərin. Cədvəldən istifadə edin:
Bədii təsvir və ifadə vasitələrinin işləndiyi misralar
Bədii təsvir və ifadə vasitələrinin növü
4. Üzərində işlədiyiniz bəndlərlə bağlı fikirlərinizi ikihissəli gündəlikdə yazın.
Əsərdə diqqətimizi daha çox cəlb edənlər
Bunun səbəbi
5. Yerinə yetirdiyiniz tapşırıqlarla bağlı təqdimat əsasında fikir mübadiləsi və müzakirə aparın.
• Digər fənlərdən, müxtəlif mənbələrdən topladığınlz məlumat əsasında “Təbriz şəhəri haqqında nə
bilirəm?” mövzusunda təqdimata hazırlaşın.
• Əsərin təhlilinə hazırlaşın.
1. Mətni oxuyun. Tapşırıqları yerinə yetirərkən ordakı fikirlərdən faydalanın.
Şair İkinci Dünya müharibəsi illərində sovet ordusu sıralarında Cənubi Azərbaycana getmiş, soy-
daşlarımızın həyatı, milli azadlıq uğrunda apardıqları mübarizə ilə yaxından tanış olmuşdur. Həmin
səfər şairin yaradıcılığında mühüm yer tutan Cənub lirikasının yaranmasına səbəb oldu. Bu silsiləyə
daxil olan əsərlər Azərbaycan dərdlərinin tərcümanına çevrilmiş, birliyimizə qənim kəsilənlərə sərt
cavab kimi dəyərləndirilmişdir.
“Təbrizim” ideya-məzmunu, bədii gözəlliyi ilə oxucuların diqqətini dərhal cəlb etmiş, otaylı-
butaylı soydaşlarımızın böyük rəğbətini qazanmışdır. Lirik qəhrəmanın səmimiliyi, yüksək emo-
sionallığı oxucunu düşünməyə, əsərdə qaldırılan problemlərin mahiyyətini dərk etməyə sövq edir.
Əsərdə əksini tapmış mühüm siyasi mətləbləri, bədii gözəlliyi təmin edən vasitələri aşkara çıxarmağa
çalışın. Bədii təsvir və ifadə vasitələrindən
necə istifadə olunduğuna xüsusi diqqət yetirin.
Əsərdə sizin üçün yeni olan bədii təsvir vasitəsi – metonimiya işlənmişdir. Metonimiya yunan sözü
olub addəyişmə deməkdir. Bədii əsərdə bir əşya, hadisə, anlayışın əvəzinə onunla bağlı olan başqa
bir ad işlənir. Məsələn, Bakının dərdi var, Bakı xəstədir misrasında şair “Bakı əhalisi” əvəzinə, “Bakı”
sözünü işlətməklə metonimiya yaratmışdır. “Təbrizim” şeirində çox vaxt Təbriz sözü həmin şəhərdə
yaşayan insanlar anlamında işlənmişdir:
Sən çıxdın qarşıma duzla, çörəklə,
Bağından dərdiyin güllə, çiçəklə,
İkiyə bölünməz saf bir ürəklə,
Təbrizim, Təbrizim, aman Təbtizim,
Yox olsun başından duman, Təbrizim.
Şair metonimiyadan istifadə etməklə fikrin təsir gücünün artmasına, Vətənimizin birliyi ilə bağlı
düşüncələrinin daha təsirli ifadəsinə nail olmuşdur.
I d ə r s
M ə z m u n ü z r ə i ş
E v d ə i ş
I I d ə r s
T ə h l i l ü z r ə i ş