43
• I mərhələ •
Azərbaycan Xalq Cümhuriyyətinin
yaranmasından əsrin ortalarına qədər
•
1
Şaftalılar şirələnib budağını əyəndə.
Göndərərəm sovqatını – sənin də öz payını,
Sən də artır öz əlinlə zəfərlərin sayını.
Get, düşmənin qabağında igid tərpən vüqarla,
Tüfəngini
təmiz saxla, atını da tumarla”.
Əsgər artıq yola düşdü, dağ tərpəndi yerindən;
Günəş yaydı şöləsini vətənin göylərindən.
Ana baxdı
öz oğluna, su da səpdi dalınca...
Şair qəlbi bu səhnədən ilhamını alınca,
– Yaşa, – dedi, – ey qəhrəman! Yaşa, – dedi, – ey Vətən!
Sonra şair dodaqları öpdü ana əlindən.
1.
Əsərin oxusundan (bunu fərdi səssiz oxu, səsli oxunun dinlənilməsi və s. şəkildə yerinə yetirə bilər-
siniz) sonra aşağıdakı suallara parta yoldaşınızla cavab hazırlayın:
– Gənc oğlan hara hazırlaşır?
– Ana oğluna nə nəsihət edir?
– Ananın fikrincə, döyüşçudə hansı keyfiyyətlər olmalıdır?
– Şairin anaya ehtiramı hansı misralarda daha qabarıq ifadə edilmişdir?
2. Bu suallar üzrə müsahibədə fəal iştirak edin.
3. Aşağıdakı tapşırıqları fərdi olaraq yerinə yetirin.
a) Əsər barədə fikirlərinizi ikihissəli gündəlikdə yazın:
s.s.
Əsərdə diqqətimi
daha çox cəlb edənlər
Bunun səbəbi
b) Bədii təsvir və ifadə vasitələrinin işləndiyi misraları cədvəldə qeyd edin:
Bədii təsvir və ifadə
vasitələri
Onların işləndiyi misralar
Epitet
Metafor
Təkrir
Mübaliğə
4. Kiçik qruplarda birləşib hər iki tapşırığa hazırladığınız cavabları dəqiqləşdirin. Çıxardığınız nəticə-
ləri təqdimatlar əsasında müzakirə edin.
5. Mövzulardan birini seçib şifahi təqdimat hazırlayın.
a) Ananın oğluna nəsihəti məndə hansı hiss və düşüncələr yaratdı.
b) Şeiri nəsrə çevirib məzmununu yığcam danışın. Öyrəndiyiniz yeni sözlərdən istifadə edin.
• Mövzulardan birini seçib təqdimata hazırlaşın.
1. Əsgər anaları hansı hislərlə yaşayır?
2. S.Vurğunun müharibəyə həsr etdiyi lirik şeirlər.
I d ə r s
M ə z m u n ü z r ə i ş
E v d ə i ş
44
• Əsərin təhlilinə hazırlaşın.
1.
Mətni oxuyun. Tapşırıqları yerinə yetirərkən ordakı fikirlərdən faydalanın.
İkinci Dünya müharibəsi illərində faşizmə qarşı mübarizə Azərbaycan poeziyasının əsas mövzusu
idi. Səməd Vurğunun müharibənin başlandığı gün yazdığı:
...Bilsin ana torpaq, eşitsin Vətən,
Müsəlləh əsgərəm mən də bu gündən...
– misraları həmin dövrdə yaranan poeziyanın devizinə çevrilmişdi. Cəbhədə – döyüşçülərin qarşısında
qələbəyə çağırış ruhlu şeirləri ilə çıxış edən Səməd Vurğunun “Ananın öyüdü” əsəri az bir vaxtda geniş
yayılmış, həm əsgərlərin, həm də arxa cəbhədə qələbə arzusu ilə yaşayan insanların dilindən düş-
məmişdir. Bu şeir müharibə əleyhinə yazılmış əsərlərin 1943-cü ildə ABŞ-da keçirilən müsabiqəsində
yüksək dəyərləndirilmiş, dünya ədəbiyyatında bu mövzuya həsr edilən ən qiymətli əsərlərdən biri kimi
Nyu-Yorkda çap edilərək hərbçilər arasında yayılmışdır.
Vətənə sədaqət, qəhrəmanlıq, fədakarlıq hislərinin səmimi ifadəsi şeirin sevilməsinin mühüm
səbəblərindəndir.
Əsərin üzərində işlədikcə təsvir və ifadə vasitələrinin orijinallığı, zənginliyi diqqətinizi cəlb edə-
cəkdir.
Onlardan biri də inversiyadır. “İnversiya” latın sözüdür, mənası “yerdəyişmə” deməkdir. Əsə-
rin (nitqin) bədii təsir gücünü artırmaq üçün cümlədə (misrada) sözlərin qrammatik ardıcıllığının
pozulmasına inversiya deyilir. İnversiya bədii ifadə vasitəsi kimi nitqin emosionallığını, estetik təsir
gücünü artırır.
Geyib əsgər paltarını, silahlandı qəhrəman,
Onun polad sinəsinə sığışmadı ürəyi...
...Öz yerində olsun gərək igidin yar-yarağı,
Hər gün yeni bir zəfərlə gəlsin onun sorağı...
Azərbaycan dilinin sintaktik qaydalarına görə, xəbər cümlənin sonunda gəlməlidir. Yuxarıdakı
nümunənin birinci, üçüncü misralarında xəbər misranın əvvəlində, ikinci, dördüncü misralarda isə
ortada işlənmişdir. Şair qrammatik sıralanmanı qəsdən pozmaqla şeirin emosionallığını, fikrin təsir
gücünü artırmışdır.
2. Əsərdə diqqəti cəlb edən başlıca problem nədir? Müəllif həmin problemin həllində nəyə üstünlük
verir? Cədvəldən istifadə edin.
s.s.
Şair diqqəti hansı mühüm problemə cəlb edir?
Siz bu problem barədə nə düşünürsünüz?
3. Şeirdən nümunələr gətirməklə ana obrazını səciyyələndirin. Cədvəldən istifadə edin:
Anaya
xas olan
cəhətlər
Oğluna
münasibəti
Vətənə
münasibəti
Şairin anaya
münasibəti
Anaya sizin
münasibətiniz
4. Əsgər oğul obrazı üçün səciyyəvi olan cəhətləri göstərin. Cədvəldən istifadə edin.
Obraz: Əsgər oğul
Xarakterindəki əsas
cəhətlər
Ananın ona
münasibəti
Şairin ona
münasibəti
Sizin ona
münasibətiniz
I I d ə r s
T ə h l i l ü z r ə i ş
A r a ş d ır ı n • F i k i r l ə ş i n • C a va b v er i n