41
• I mərhələ •
Azərbaycan Xalq Cümhuriyyətinin
yaranmasından əsrin ortalarına qədər
•
1
İnsanlığa, bəşəriyyətə fəlakət gətirən alman faşizminə
qarşı mübarizəyə SSRİ adlanan quruluşa, zorla da olsa,
daxil edilən Azərbaycan da qoşuldu. Bu, labüd idi. Faşist
Almaniyasına və onun müttəfiqlərinə qarşı vuruşmaq haq-
qı, ədaləti, başlıcası isə azadlığı, müstəqilliyi uca tutan hər
bir xalq üçün mənəvi borc idi. Xalqımız həm ön cəbhədə,
həm də arxada qələbə üçün əlindən gələni əsirgəməmişdir.
Onlarla həmvətənimiz cəbhədə igidliyinə görə ən yüksək
ada layiq görüldüyü kimi, minlərlə insanlarımız da arxada
gecə-gündüz çalışmaqla fədakarlıq göstərmiş, qələbənin əldə olunmasına misilsiz töhfələr
vermişdir. SSRİ-nin nə ovaxtkı, nə də sonrakı rəhbərliyi tərəfindən qiymətləndirilməsə də, Bakı
nefti düşmən üzərində qələbədə əvəzsiz rol oynadı. Azərbaycan müharibə illərində yüz milyon
tona yaxın neft vermiş, cəbhəni döyüş sursatı, ən yüksək keyfiyyətli yanacaq, ərzaqla təmin
edərək, xalqımız tərəfindən unudulmayacaq tarixi xidmət göstərmişdir.
Əldə silah düşmənə qarşı vuruşan yazıçı və incəsənət xadimlərimiz də az olmamışdır.
İsmayıl Şıxlı, Əbülhəsən Ələkbərzadə,
Ənvər Əlibəyli, Böyükağa Qasımzadə, İslam Səfərli,
Zeynal Cabbarzadə, Hüseyn Abbaszadə və başqa yazıçı və şairlərimiz döyüş cəbhələrində
vuruşmuş, onlardan sağ qalanlar iştirakçısı olduqları dəhşətli müharibə səhnələrini əks
etdirən təsirli əsərlər yaratmışlar.
Müharibə dövründə hər üç ədəbi növdə maraqlı bədii nümunələrin yaradılması diqqəti
çəkir. İlk çağlarda daha çox
lirik şeirlərin yazılmasına isə təbii baxmaq lazımdır. Nəsr və
dramaturgiya nümunələri bir müddət sonra yaradılmağa başlandı.
Müharibənin birinci aylarında yazılan lirik şeirlərdə səfərbərliyə, düşmənə qarşı mübarizəyə
çağırış ruhu ifadə edilirdi. S.Vurğun, S.Rüstəm, R.Rza, M.Rahim, O.Sarıvəlli və başqa şairlərin ilk
əsərlərində bu çağırış daha güclü olub, düşmənə nifrət hissi aşılayırdı. Zaman irəlilədikcə lirik
şeirlərin ideya-məzmununda dəyişiklik müşahidə olunurdu. İstər arxa, istərsə də ön cəbhədə fəda-
karlıq göstərən insanın mənəvi aləminin açılmasına, hiss və duyğularının ifadəsinə diqqət yetirilirdi.
Böyük məhrumiyyətlərlə qarşılaşan, ciddi əzab-əziyyətlərə dözməli olan həmvətənlərimizin öz
insani hislərini, nəcib duyğularını qoruyub saxlamaları, sabaha ümidlə baxmaları, qələbəyə inamı
itirməmələri poeziyada ön plana çəkildi. S.Vurğunun “Ananın öyüdü”, S.Rüstəmin “Ana və
poçtalyon”, “Gün o gün olsun ki”, R.Rzanın “İntiqam” kimi şeirləri dillər əzbəri oldu.
Yaranmaqda olan
nəsr əsərlərinin başlıca mövzusu həm ön, həm də arxa cəbhə idi. Lakin
bu əsərlərdə daha çox arxada çalışan insanların həyatı, əməyi, həyəcanları əks etdirilirdi.
Ə.Əbülhəsənin “Yaralı”, “Oğullar və atalar”, S.Rəhimovun “Medalyon”, M.Hüseynin
“Fəryad”, Ə.Məmmədxanlının “Ulduz” əsərlərində döyüşçülərin, Mir Cəlalın “Anaların üs-
yanı”, Ə.Vəliyevin “Qərənfilin sovqatı” və s. əsərlərdə isə
arxada çalışanların obrazlarının
yaradılmasına diqqət yetirilmişdir.
Bu illərdə yazılmış bir sıra nəsr əsərləri (S.Rəhimovun “Aynalı”, Mir Cəlalın “Açıq kitab” və s.)
müharibə mövzusunda olmasa da, həmin dövrdə insanları düşündürən problemlərlə səsləşirdi. Bu,
dramaturgiyada da müşahidə olunurdu. Başqa sözlə, müharibə illərində ərsəyə gələn dram əsər-
lərinin çoxu tarixi mövzulara həsr edilsə də, yazıldıqları dövrün ab-havasını əks etdirirdi. A.Şaiqin
“Nüşabə”, M.Hüseynin “Cavanşir”, Z.Xəlilin “Qatır Məmməd” və s. pyeslər bu qəbildəndir.
S.Vurğunun “İnsan”, R.Rzanın “Vəfa” və s. dram əsərləri isə müharibə mövzusunda ya-
zılmışdır. S.Vurğun “İnsan” əsərində müharibəni xeyirlə şər arasında gedən mübarizə kimi
mənalandırır və insanlığın bu amansız bəladan uzaqlaşmasını arzulayırdı. R.Rza “Vəfa” pye-
sində Bahadır və Vəfa obrazlarının timsalında ön və arxa cəbhədə insanların qarşılaşdıqları
çətinliklərə, ağır sınaqlardan üzüağ çıxmalarına diqqəti çəkmişdir.
Müharibə mövzusuna sonrakı dövrlərdə də müraciət olunmuş, yüksək bədii dəyərli əsər-
lər yaradılmışdır.
İkinci Dünya
müharibəsi
dövründə ədəbiyyat
(1941 – 1945)
•••
3
•••
42
ANANIN ÖYÜDÜ
(ixtisarla)
Geyib əsgər paltarını, silahlandı qəhrəman,
Onun polad sinəsinə sığışmadı ürəyi.
– Dayan! – deyib yaxın gəldi, öpdü onun alnından
Yay gününün xoş səhəri, bir da dağlar küləyi.
– Ana! Getdim, salamat qal! – deyib öpdü qarını.
Ana igid balasına açdı öz qollarını,
Üz-gözündən öpə-öpə bağrına basdı onu,
Ana
yurdun bu qəhrəman, bu namuslu oğlunu.
Dedi: “Oğlum, göz bəbəyim, sən ey ömür çiçəyim!
Tarixlərin şahididir mənim bu ağ birçəyim.
Görürəm ki, qəhrəmansan, sənə halaldır südüm.
Qulağında yaxşı qalsın mənim sənə öyüdüm:
Biz sənsiz də dolanarıq,
uğur olsun yoluna,
Qılıncını çalan zaman qüvvət gəlsin qoluna!
Sən düşmənin qabağında igid tərpən vüqarla,
Tüfəngini
təmiz saxla, atını da tumarla!
Öz yerində olsun gərək igidin yar-yarağı,
Hər gün yeni bir zəfərlə gəlsin onun sorağı.
İgid balam! Hərçənd ki öz ananam mən sənin,
Çörəyilə böyümüsən bizim ana Vətənin.
...Payız vaxtı bağçamızın heyvaları dəyəndə,
• O, vətənin və poeziyanın yaddaşında
təkrarsız poetik şəxsiyyət, milli və bey-
nəlmiləl ictimai xadim, elm və sənət təş-
kilatçısı, qeyri-adi şair, dramaturq, mü-
tərcim və mütəfəkkir kimi yaşayır.
Yaşar Qarayev
SƏMƏD VURĞUN
(1906–1956)
Yada salın
– İkinci Dünya müharibəsinə həsr olunmuş hansı sənət əsərləri ilə
tanışsınız?
– Bu mövzuda olan sənət nümunələrində
diqqətinizi daha çox çəkən
nə olub?
Düşünün
– Sənət adamlarının müharibə mövzusuna dönə-dönə müraciət etmə-
lərinə səbəb, sizcə, nədir?
Oxuda aydınlaşdırın
– Əsərdə tanış olmayan sözlərin mənasını lüğətlərin, sorğu kitabları-
nın köməyi ilə aydınlaşdırın.
– Əsərdəki bədii təsvir və ifadə vasitələrini müəyyənləşdirin.