86
Lakin tezliklə bu xəyalından əl çəkməli oldu. Tehrana köçən köhnə tacir Azər-
şəhrdəki malikanəsini satdı. Yeni ərbab çox qəribə xasiyyətə malik idi. Onun hərəkət
və danışıqlarında, insanlara münasibətində möhkəm və sabit heç bir şey yox idi. O
gah qarşısına çıxan hər şeyi vurub dağıdacaq bir dəli, gah da hər şeyə laqeyd mü-
nasibət bəsləyən sadəlövh bir sarsaq kimi hərəkət edirdi. On iki yaşlı oğlu isə atasının
əksinə olaraq, çox aydın xasiyyətə malik idi; bu, dalaşan, vurub sındıran, hay basıb
ağlayan, qəhqəhə çəkib gülən zırrama bir dəli idi. Ərköyünlük və kütlüyün bir nü-
munəsi olan bu uşaqda ağıl və düşüncənin əlaməti belə yox idi. Dörd il məktəbə
getdiyinə baxmayaraq, o, hələ də əlifbanı öyrənə bilməmişdi. Əlinə gələn şeyi vurub
sındırar, istədiyi adamın başına çırpar, üzünə tüpürərdi. Heç kəs ona bir söz deyə
bilməzdi. Bağa köçdüklərinin üçüncü günü o, Firidunu gizlənpaç oynamağa ça-
ğırmışdı. Beşcə dəqiqə keçməmiş dəcəlliyə başlayıb bir kötüyü Firidunun başına en-
dirmək istəmişdi. Firidun kötüyü onun əlindən almış və qarnına bir təpik vurub yerə
sərmişdi. O, motal kimi yıxıldığı yerdə düşüb qalmışdı. Nəriltisinə həyətə qaçışan
adamların içində ərbab da vardı. Ərbab gözü qızmış dəvə kimi özünü Firidunun
üstünə atmışdı. Lakin Firidun cəld arxın o tayına atıldıqda ərbab da üzü üstə yerə
dəymişdi.
– Ay uşaq, tutun bu vələdüznanı!
Nökərlər Firidunun dalınca tökülüşmüşdülər. Firidun ağacdan-ağaca yel kimi
uçaraq hasarı o taya aşmışdı. Bu zaman yerindən durub ətəyini çırpan ərbab Firidu-
nun atasını yanına çağırmışdı.
– A kişi, sənin gözündən xəyanət tökülür!
Firidunun atası pambıq kimi ağarmışdı.
– Ağa, yüz ildir, bu torpaqda qulluq edirik, on
sənin kimi ərbab yola salmışıq, heç biri də bizdən
xəyanət görməyib!
– Yox, sən xain adamsan, şələ-şüləni yığışdır,
buralarda izini-tozunu görməyim.
Firidunun atası başqa bir yerdə işləmək istəmişdi.
Lakin, əvvəla, bir ərbabın qovduğu adama başqa ər-
bablar iş vermək istəməmişdilər. İkinci də, həmin ər-
bab Azərşəhrdən çıxmasa, işin uzun sürəcəyini kişinin
qulağına çatdırmışdı. Elə o günücə Firidungil doğma
torpağı tərk etmişdilər.
Azərşəhrdən ayrıldıqları gündən Firidun ata və
anasının üzündə dərin bir kədər görürdü. Onlar çox
fikirli idilər. Zahirən təmkinli və mülayim olmağa ça-
lışsalar da, gizlin iztirab və əndişələrini gizlədə bil-
mirdilər. Firidun xüsusən anasının çox sıxıldığını hiss edirdi: arvad torpaqdan
qoparılmış bənövşə kimi hər an, hər dəqiqə şikayət etmədən sakitcə saralıb-solurdu.
Bir gecə uzun yoldan sonra hansı bir karvansaradasa şirin yatdıqları zaman laylaya
oxşar bir ağlama səsinə Firidun yuxudan ayılmışdı: anası onun başını dizi üstə alaraq
oturmuşdu. Firidun dərhal anasının boynuna sarılaraq bərk yatmış atasını
oyatmamaq üçün yavaşcadan:
– Ana can, ağlama!
Sən allah, ağlama! – demişdi.
Tehranda yaşadığı illər
Firidunun xatirəsində
necə qalmışdı?
Doğma yurdunu, Azər-
baycan kəndlərini xatır-
layan Firidun hansı his-
lər keçirir?
Firidunun uşaqlıq illəri
Azərşəhrdə necə keç-
mişdi?
Ailənin Azərşəhrdən di-
dərgin düşməsinə səbəb
nə oldu?
87
• II mərhələ •
XX əsrin ortalarından günümüzə qədərki ədəbiyyat
•
2
O gündən anası bir daha ağlamamışdı. Lakin hər
gün
bir az da çox
solmağa-saralmağa başlamışdı: qüs-
sə onun içini yeyirdi. Tehrana atıldıqlarının üçüncü ayı
elə beləcə sakit bir şam kimi arvad sönüb getdi. Bu,
Firidunun həyatında ən ağır xatirələrdən biri idi.
Tehranda onlar çox çətinlik çəkdilər. Bir neçə gün
bazar ayağında qaldılar, sonra kiçik bir otaq kirayə
etdilər. Atası iş tapa bilmədiyi üçün getdikcə əndişələri artırdı. Lakin xoşbəxtlikdən,
o, xudmani bir bağı və həyəti olan yaxşı br adama rast gəldi; bu, ata-baba tehranlı
olan, təqribən altmış beş-yetmiş yaşlı qoca bir müəllim idi. Firidunun atası bir ilin
ərzində bağın səliqəsini dəyişdi. Yeni ağaclar saldı, yaxşı güllüklər düzəltdi,
cürbəcür peyvənd etdi. Müəllim ondan çox razı qaldı. Birinci aylar Firidun atasına
kömək edərdi.
Lakin bu səadət uzun sürmədi. Tehrana gəldiklərinin üçüncü yayında atası qarın
yatalağı ilə naxoşladı və naxoşluğun yeddinci günü xəstəxanada vəfat etdi. Firidun
tək qaldı. Təbiətən və tərbiyəsinə görə insanpərvər olan qoca müəllim onu küçələrə
atmadı, oxutdu. Şəhərdə minlərlə yetim və başsız uşaqları görən Firidunun qəlbi bu
müəllimə ömrü boyu unutmayacağı bir minnətdarlıqla dolu idi.
Ögey qardaşı uşaqlarından başqa, heç kəsi olmayan bu müəllim xəyalpərvər bir
adam idi. O, dünyadakı bütün fəlakətlərin səbəbini cəhalətdə görürdü.
Firidun bir il Təbrizdə işlədi. İkinci ili bu qərara gəldi ki, başqalarının gözünü
açmaq üçün hələ daha artıq biliyə möhtacdır. Buna görə də darülfünuna daxil olmaq
fikri ilə Tehrana qayıtdı. İlk əvvəl ona atalıq etmiş qocanın yanına getməyi özünə
borc bildi. Böyük həyətin taxta qapısındakı dəmiri döydü. Tezliklə qapı açıldı və
qabağına tanımadığı bir adam çıxdı. Üst-başından nökərə oxşayan bu adam Firi-
dunun həyəcanlı suallarına qarşı laqeyd və adi bir səslə müəllimin altı ay qabaq
öldüyünü və mülkünə qardaşı uşaqlarının sahib olduğunu bildirdi. Bir anda sanki
böyük bir şəhər Firiduna tamamən yabançı və düşmən göründü. Qoca müəllimin, ata
və anasının qəbrini ziyarət etdikdən sonra Təbrizə qayıtmaq istədi,
lakin tezliklə bu
fikirdən əl çəkdi. Yayda Təbrizdə nə edə bilərdi? Kəndə, dayısı Musa kişinin yanına
getməyi qərara aldı. Yayı orada işlər və payız üçün bir şey düzəldib Tehrana qayı-
dardı...
Gecə öz pərdəsini yığıb gedir, dan yeri sökülürdü. Firidun Musa dayının “Allahu-
əkbər” səsinə yuxudan ayıldı. Hava sakit idi. Axşamdan əsən meh gecə yarısı
kəsilmişdi. Buna baxmayaraq, çöllərdən, təpələrdən, hələ biçilib qurtarmamış və
başını aşağı dikmiş zəmilərdən yüngül və sərin bir hava otların iyini, sünbüllərin
qoxusunu xırmana gətirirdi.
Nə üfüqlərdə, nə də göy üzündə bir tikə bulud yox idi. Mavi boşluqlar göz iş-
lədikcə uzanıb gedirdi. Gündüz çox isti olacaqdı.
Firidun qalxıb üst-başını təmizlədi, gecənin ayazında buz kimi olmuş kuzənin
suyu ilə əl-üzünü yudu. Sanki ona yeni bir həyat gəldi. Balaca ot tayasının yanında
•••
II
•••
Ananın ölümünə səbəb,
sizcə, nə idi?
Müəllimin evində iş ta-
pılması bu kiçik
ailənin
həyatında hansı
dəyişik-
liyə səbəb oldu?