____________________________________________
58
Birincidən sonra doqquzunu da imzalamışıq. Burada 12 ölkədən
20 şirkət işləyir. Bunlar hamısı burada yerləşiblər, işləyirlər.
Bütün bu müqavilələr Azərbaycanın gələcəyi üçün-dür.
Bunlann nəticəsini bizdən çox, gələcək nəsillər görəcəklər.
Yəni demək istəyirəm ki, baxın, bu kiçik zamanda nə qədər
işlər görülüb və görülür. Bunlar da hamısı müstəqilliyin
bəhrəsidir. Bizim xalqımız üçün müstəqillik o qədər
qiymətlidir ki, bütün çətinliklərə dözməliyik, bütün
məhrumiyyətlərə dözməliyik. Amma eyni zamanda biz bu qısa
müddətdə müstəqilliyin Azərbaycan xalqını nə qədər
qaldırmasının da şahidiyik, bunu da görürük.
Ona görə də bu altı il həm Azərbaycan xalqının həyatında bu
müstəqilliyi əldə edəndən indiyə qədər gedən proseslər, başqa
çətinliklər dövrüdür, eyni zamanda Yazıçılar Birliyinin
həyatında, hesab edirəm, çox mürəkkəb bir dövrdür. Siz bu
mürəkkəb dövrü yaşamısınız, Birliyi yaşatmısınız və hesab
edirəm ki, bundan sonra da yaşatmalıyıq.
Dövlət qayğısı məsələsi. Bilirsiniz ki, bizim imkanlarımız
əvvəlkinə nisbətən çox məhduddur. Amma buna baxmayaraq,
jurnal, qəzet məsələsini biz həll etmişik. Mən dünən də, bu gün
də bu qurultay yaxınlaşarkən düşünürəm - əlavə nə etmək olar?
Sabah mən imkanlarımıza bir daha baxacağam, - nə etmək olar
ki, dövlət qayğısını artıraq.
Doğrudur, indi sərbəst ölkələrdə, o cümlədən bizim dost
Türkiyədə yazıçılara, ədəbiyyata, mənə elə gəlir ki, heç bir
dövlət qayğısı yoxdur. Heç birisi yoxdur. Amma baxmayaraq ki,
onların dövlətlərinin imkanları çox böyükdür. İş burasındadır ki,
bizim adamlar başqa cür öyrəniblər. İndi baxın, biz o sovet
quruluşunu bir tərəfdən söyürük, tənqid edirik, ikinci tərəfdən
sovet quruluşunda əldə etdiyimiz o xasiyyətlərdən əl çəkə
bilmirik. Bu da təbiidir. Mən hec kəsi qınamıram.
Hamı, o cümlədən siz də bilməlisiniz, millətimiz də
bilməlidir ki, bu keçid dövrünün bir çox şeyləri təbiidir.
____________________________________________
59
Onlardan qaçmaq mümkün deyil, bunları sadəcə olaraq
vaşamaq, bunlara dözmək və bunların öhdəsindən gəlmək
lazımdır. Ona görə də mən sabah düşünəcəyəm ki, görüm əlavə
nə etmək olar.
Bir neçə ildir çox adamlar tərəfindən belə bir fikir irəli
sürülür, mənim də beynimdə fırlanır ki, mənim adımla bağlı bir
fond yaradaq. Bu, bir çox ölkələrdə var. Ümumiyyətlə, belə bir
fond yaratmaq və bu fondun vasitəsilə mədəniyyətə, ədəbiyyata,
bəzi başqa sahələrə kömək, himayə etmək fikrini, xatirimdədir,
İtaliyadan geri dönərkən təyyarədə biz Anarla danışırdıq. Mən
ona dedim, mənim çox şeylərə vaxtım çatır, amma bəzi şeylər
var ki, o mənim şəxsi işlərimlə əlaqədardır, ona vaxtım çatmır.
A n a r: Mən Sizə dedim ki, bu Sizə yox, bizə lazımdır.
Heydər Əliyev: Yox, ola bilər, bu mənim adım olacaqdır,
amma gərək bu fond tutarlı bir fond olsun ki, kömək edə bilsin, -
bu sizə lazımdır. Yenə də deyirəm ki, belə bir təklif üç-dörd ildir
meydana gəlibdir. Bu mənim də beynimdə fırlanır. Dünən, bu
gün ədəbiyyat haqqında düşündükcə mən bir daha bu fıkrə
gəlirəm ki, yəqin belə bir fond yaratmaq lazımdır. Mən yəqin ki,
yaxın vaxtlarda bu barədə bir qərar qəbul edəcəyəm. Ola bilər
onun vasitəsilə də ədəbiyyatımıza, mədəniyyətimizə gələcəkdə
təsirli yardım etmək olar. Ancaq hələ mən bu gün
fıkirləşəcəyəm ki, dövlətin imkanları ilə nə etmək olar.
Siz bilirsiniz ki, bu mənzil məsələsi belədir, - indi biz ev
tikmirik. Bilmirəm ki, indi mən bunu nə cür edim, nə təhər
edim. Mən fikirləşim, bəlkə bir göstəriş verim fikirləşsinlər ki,
ourada nə etmək olar.
A n a r: Hörmətli prezident, bunun üçün şəraitli bir sahə
ayrılsa, bəlkə orada bir şey tikmək olar?
Heydər Əliyev: Axı kim tiksin? Əlbəttə, pul olsa, tikmək
olar. O qədər tikinti təşkilatları var ki. Amma iş
____________________________________________
60
burasındadır ki, pul yoxdur. Hər halda mən bu barədə də
fikirləşərəm ki, görək nə etmək olar.
Əgər etiraz etməsəniz, sabah gənc yazıçılarla görüşərəm.
Ancaq mənzil barəsində istəyirəm bu gün elan edim ki, bizim iki
xalq şairinə - Bəxtiyar Vahabzadəyə və Məmməd Araza kömək
etmək qərarına gəlmişəm. Bir balaca imkanım var, istəyirəm
onu da bunlar üçün istifadə edəm.
Vaxtilə, 1970-ci illərdə mən burada rəhbər işçilər üçün ev
tikmişdim. Özüm də orada yaşayıram. Sonra oradan Moskvaya
getdim, qayıdanda orada mənə ev vermədilər. O evləri gəlib
tutdular. Biz indi orada iki mənzil boşaltmışıq. Ev yaxşı evdir,
dördotaqlı mənzillərdir, yaxşı təmir olunub, lifti də var. Mən
onların birini Bəxtiyar Vahabzadəyə, birini də Məmməd Araza
verirəm. Çünki Bəxtiyar da, Məmməd Araz da hamımız üçün
çox hörmətli adamlardır, böyük xidmət etmiş adamlardır.
Bəxtiyar müəllim mənə danışır ki, beşinci mərtəbəyə qalxınca
üç yerdə tənəffüs edir. Bu mənim bugünkü görüşə hədiyyəmdir.
Qalan məsələlərə baxarıq.
Mən bu söhbətimizin sonunda ümidvar olduğumu bildirmək
istəyirəm ki, bizim yazıçılarımız öz vətəndaşlıq borcunu daim
layiqli yerinə yetirəcəklər, xalqla birlikdə olacaqlar, millətin
qayğıları ilə yaşayacaqlar. Yazıçılar Birliyi də yaşayacaq,
yazıçıları öz ətrafında daim sıx toplayacaqdır.
Siz özünüz bilərsiniz, qurultayı necə keçirəcəksiniz,
rəhbərliyə kimi seçəcəksiniz. Amma hesab edirəm ki, bu altı il
müddətində Yazıçılar Birliyini saxlayan və onu yaşadan
rəhbərlər bu gün təşəkkürə layiqdirlər.
* * *
A n a r (görüşün axırında ): Hörmətli Prezident, mən Sizə öz
adımdan və hamımızın - buraya toplaşan ağsaqqalların,
cavanların, bütün yazıçılarımızın adından dərin minnətdar-
Dostları ilə paylaş: |