MüSTƏQİLLİYİMİZ
Yüklə 3,04 Mb. Pdf görüntüsü
|
____________________________________________ 52
Mən, necə deyərlər, yeni Amerika kəşf etmirəm, ürəyimin içində olan sözləri deyirəm. Siz bunları məndən də yaxşı bilirsiniz. Amma bu məsələdə hər birimiz fərdi surətdə daha artıq dərəcədə fəallıq göstərməliyik. Düzdür, mən başa düşürəm ki, bu gün belə imkanlar azdır. Nə üçün? Ona görə azdır ki, dünən "Azərbaycan" jurnalının 76 min tirajı var idi, bu gün onun min nüsxə tirajı var. "Ədəbiyyat" qəzetinin dünən 56 min tirajı var idi, bu gün min nüsxə tirajı var. Deyək ki, mən - Elçin ədəbi proses barədə bir məqalə yazmışam, hansısa bir əsərə qiymət vermişəm, ya tənqid, ya da tərif vermişəm. Bir var bu, 76 min tirajlıq jurnalda çap olunsun, bir də var min nüsxə tirajı olan jurnalda. Qeyd etmək lazımdır ki, o da az əhəmiyyətli deyil ki, mənim bu məqaləm 76 min nüsxə tirajlıq jurnalda çap olunmuşdursa, onda mən qonorar alıram və növbəti məqaləmədək uşaqlarımı dolandırıram, daha sonra yeni bir məqalə yazıram. Amma bu, min nüsxə tirajlıq jurnalda çap edilirsə, əlbəttə, müəyyən məhdu-diyyətlər ortaya çıxır. Bütün bunlara baxmayaraq, burada oturanlardan hər birimiz - möhtərəm Prezident dedi ki, buradakılar bizim hörmətli qələm sahiblərimizdir - gərək bu altı ildə ədəbiyyatın təəssübünü çəkmək nöqteyi-nəzərindən edə bildiklərimizi etmişikmi? Heç bir şey etməmişik. Mən bunu birinci özümə deyirəm, - heç bir şey eləməmişik. Ona görə də o cür qrafoman ədəbiyyatı baş alıb gedir. Mən Sizi inandırıram, bu qrafoman ədəbiyyatının qarşısı alınmasa, bu deqradasiya bizi ən geridə qalmış ölkələrin səviy- yəsinə aparıb çıxaracaq.
Mən çox arzu edirəm ki, bizim Yazıçılar Birliyinin qurultayında bu ətrafda söhbət getsin. Şübhəsiz ki, belə də söhbət gedəcəkdir. Mən çox arzu edirəm ki, Yazıçılar Birliyi də, Nizami adına Ədəbiyyat İnstitutu da, qəzet redaksiyaları da ilk növbədə "Ədəbiyyat" qəzeti, "Azərbaycan", "Ulduz" jurnalları bütün bö-yük çətinliklərə baxmayaraq, bu
____________________________________________ 53
qurultaydan sonrakı dövrdə daha artıq dərəcədə ədəbiyyatın təəssübünü çəkməyə diqqət yetirsinlər. Yenə də deyirəm, mən çox gozəl başa düşürəm ki, iclasda ədəbiyyat yaranmır, "yaxşı əsər yaz" deməklə heç kim gedib oturub yaxşı əsər yazmayacaq. Əgər yazıçının qabında bir şey varsa, ona heç nə demədən gedib yazacaq və gətirib verəcək. Amma bütün bunlarla bərabər, mən çox arzu edirəm ki, gələcəkdə daha artıq dərəcədə ədəbi disputlar keçirilsin, ədəbiyyat söhbəti getsin, ədəbiyyat müzakirəsi olsun, hətta mən bu sözü deməkdən çəkinmirəm ki, ədəbiyyat davası olsun, amma sağlam dava olsun. Çox sağ olun, təşəkkürümü bildirirəm.
Mən görüşümüzün əvvəlində dedim, - söhbətimiz elə olsun ki, qurultayda da deməyə söz qalsın. Yoxsa bunların hamısını burada desək, qurultaya gələcəyik, deyəcəklər ki, hər şeyi demişik. Ola bilər hələ kimsə məni günahlandırsın ki, Heydər Əliyev bizi ora yığdı, sözlərimizi dedik, qurultaya qalmadı. Buna görə də gəlin sözlərimizi qurultaya da saxlayaq, əsas söhbəti qurultaya saxlayaq ki, o, həqiqətən mənalı, məzmunlu keçsin, dərin fikirlərlə dolu olsun. Amma bugünkü görüşümüzün əsas məqsədi ondan ibarətdir ki, ümumi bir fikrimizi cəmləyək. Mən belə başa düşdüm ki, bu altı il müddətində bizim Yazıçılar Birliyi bütün bu çətin dövrü yaşayıb, bütün bu çətinliklərə baxmayaraq mövcuddur və bundan sonra da Azərbaycan yazıçılarını öz ətrafına toplayıb yeni-yeni əsərlər yazmağa şərait yaradacaqdır və kömək edəcəkdir. Mən belə düşünürəm. Ona görə də hesab edirəm ki, Yazıçılar Birliyi nə qədər nöqsanlar olmuş olsa da, bu müddətdə öz üzərinə düşən vəzifəni imkan dairəsində yerinə yetiribdir.
____________________________________________ 54
Bir daha qeyd edirəm, Yazıçılar Birliyi dağılmayıbdır. Bizim yazıçılarımız bir-birindən nə qədər narazı olsalar da, parça- lanmayıblar, qruplara, ayrı-ayrı dəstələrə bölünməyiblər. Hamısı bir yerdədir, birlik var. Bu, özü böyük bir hadisədir. İndi bizdə quruluş dəyişibdir. Dövlət quruluşu, ictimai-siyasi quruluş dəyişibdir. Biz müstəqil dövlətik. Ancaq keçmişdən bizə bu gün və gələcək üçün yararlı olan vasitələri, qurumları yaşatmalı, istifadə etməliyik. Azərbaycanda Yazıçılar İttifaqı 1934-cü ildə yaranıbdır. İndi 1997-ci ildir, əsr sona çatır. Yazıçılar İttifaqının yaşamasında bir neçə nəsil öz xidmətlərini göstəribdir. Yazıçılar İttifaqı yazıçıların yaşaması, inkişaf etməsi, yaradıcılıqla məşğul olması üçün çox işlər görübdür. Burada məlumat verildi ki, gənclərdən 100 nəfər Yazıçılar Birliyinə üzv olmaq istəyir. Bu, çox sevindirici haldır. Demək, bu Birliyə inam, etibar var və insanlar bu Birlikdə olmaq istəyirlər. Mən güman edirəm ki, bu qurultay açıq-aydın, aşkar, sərbəst şəraitdə keçməlidir. Mənim fikrim belədir. Hərə öz sözünü deməlidir, öz fikrini bildirməlidir. Fikir sərbəstliyi, azaldığı təmin olunmalıdır. Güman edirəm ki, qurultay bizim yazıçılarımızın, tək yazıçılarımızın yox, yazıçıların ətrafına toplaşan yaradıcı qüvvələrin bundan sonra daha da sıx olması və daha yaxşı fəaliyyət göstərməsi üçün imkan yaradacaqdır. Altı il elə bir dövrdür ki, bu altı il Azərbaycanın dövlət müstəqilliyinin yaşıdır. Şübhəsiz ki, çətinliklər var, bunları demək lazımdır və bunları aradan götürmək lazımdır. Ancaq heç kəs güman etməsin ki, birincisi, bunlar asandır və ikincisi, bunları tezliklə aradan götürmək olar. Yox. Bilirsiniz, müstəqil dövlət qurmaq bir bina tikmək deyil. Böyük bir binanı da tikəndə buna üç-dörd il vaxt lazım olur. Xatirimdədir, mən bu binanı tikməyə başladım, onu qurtaranadək beş il vaxt keçdi. Amma
Yüklə 3,04 Mb. Dostları ilə paylaş:
|