MüSTƏQİLLİYİMİZ
Yüklə 3,04 Mb. Pdf görüntüsü
|
____________________________________________ 13
Demək də olmur, bilirsiniz ki, yazıçıların Yaradıcılıq evi qaçqınlara verilib. O gün olsun onlar yerlərinə-yurdlarına qayıtsınlar. Yaradıcılıq evindən istifadə edə bilmirik, oranı təmir etmək lazımdır. Bunlar vacib söhbətlərdir. Məclis məni tutub, bilmirəm sözümün dalını necə deyim. Xülaseyi-kəlamla onu demək istəyirəm ki, yazıçılar hər dövrdə bütün nazirlərdən qiymətli olublar. Yazıçılar Birliyinin birinci katibləri, sədrləri hər hansı bir nazirdən hörmətli, qiymətli olublar. Çünki yazıçı xalqın düşünən beyni, ürəyi, danışan dili, mənəvi aləmidir. Rəssamın şəklinə baxırsan - əladır, amma sözü qalır ürəyində, bəstəkar musiqi bəstələyir - əladır, amma danışmağa gələndə... Özümlə əlaqədar bir söz deyim. 71 yaşım var. Üzr istəyirəm, təvazökarlıqdan uzaq olmasın, mənim "Nəsimi" kitabımı dövlət mükafatına təqdim etmiş, gətirib Sizin qarşınıza qoymuşdular. Rusca demişdiniz ki, "bu, bütöv bir kitabxanadır, bunu yazmağın özü böyük şeydir". Mənim kitabımı və "Nəsimi" filmini, - çox gözəl filmdir, - bir yerdə müzakirəyə qoymuşdular. Orada dedilər ki, filmin lentləri pozula, qalmaya, rəngləri dəyişə bilər, amma bu, şair haqqında kitabdır, min il yaşayacaq, vərəqləri cırılsa da qalacaqdır. Ona görə yenə demək istəyirəm ki, yazıçıya qiymət Sizin başınızın ucalığıdır, savab işdir. Yazıçı xalqın danışan dilidir. Biz həmişə Sizə, Sizin fəaliyyətinizə xeyir-duaçıyıq. Hamımız televizora baxırıq. Görürük ki, bir dəqiqə vaxtınız yoxdur - o gedir, bu gəlir, onu qarşıla, bunu yola sal, təyyarədən düş, təyyarəyə min. Siz iki daşın arasında bu gün bizi qəbul etdiniz və açıq söhbətə cəlb edirsiniz. Ona görə də Sizə dərin təşəkkürümü bildirirəm. Sağ olun.
____________________________________________ 14
YAZIÇI ƏKRƏM ƏYLİSLİNİN ÇIXIŞI
Düzü, heç bilmirdim ki, bu gün bu məclisdə olacağam. Təxminən bir saat bundan qabaq məlumat aldım. Uzun fasilədən sonra, hazırlıqsız çıxış olduğundan bir az ehtiyat edirəm. Amma mənə elə gəlir ki, bugünkü gündə danışmaq üçün böyük hazırlığa ehtiyac yoxdur. Ötən yazıçılar qurultayından altı il keçibdir. Elə-belə baxanda altı il böyük vaxt deyil. O biri qurultaylar arasında da dörd-beş il vaxt keçirdi. Əlbəttə, onda vaxtı bu cür hiss eləmirdik. Mən elə bilirəm, bəlkə də bunu sonradan dərk edəcəyik ki, bu altı ildə bizim varlığımızdan, mənəviyyatımızdan, insani taleyimizdən və xalqımızla bir yerdə həyatımızdan nə boyda bir epoxa keçibdir. Çünki bu məzmunda, bu mündəricədə, bu dərəcədə faciəli, kədərli, bu dərəcədə sevincli altı il, bilmirəm, hansı nəslin həyatında ola bilər. Bu, böyük altı il idi. Biz bu altı ildə hamımız bir yerdə, - mən heç kəsi ayırmıram, - çox inandığımız şeylərdən uzaqlaşdıq, çox inandığımız şeylərin boşluğunu gördük. Varlığımızda həddən çox bir yeniləşmə baş verdi. İnanın ki, bəlkə insan 50 il yaşayıb bu duyğuları keçirə bilməzdi. Altı il bundan qabaq Azərbaycan yazıçılarının qurultayında mən çıxış elədim. Hörmətli Prezidentimiz, bizim hamımızın həmişə qayğısını çəkən Heydər Əliyev də həmin qurultayda iştirak edirdi, zalda oturmuşdu. Hamısı yadımızdadır, - filarmoniyanın binası idi. Mən orada bir söz dedim. Çıxışımı yazmamışdım, yadımda deyil. Amma bir fikrim yadımdadır ki, belə bir söz dedim. Zala üzümü tutub dedim ki, bır vaxt deyirdiniz ki, gəlin Heydər Əliyevin ətrafında birləşək, indi deyirsiniz ki, gəlin Mütəllibovun ətrafında birləşək. Bəs haçan biz Allahımızı tapacağıq, o Allahın altında bir yerə yığışacaq və bir amala, bir məqsədə, bir məzhəbə qulluq edəcəyik?
____________________________________________ 15
Həmin qurultayda belə bir söhbət oldu. Dediklərimdən əlavə, bir fikir yadımda qalıbdır. Hətta o da yadımdadır ki, indiki hörmətli prezidentimiz o vaxt mən çıxış edəndən sonra, müşahidə etdiyim budur, inanmıram ki, səhv edəm, özünün də nadir yaddaşı var və bilir, zalı tərk elədi. Sonra Rəfiq Zəka deyəcəkdi ki, mən çıxdım, cangüdən kimi müdafiə elədim və yola saldım. Bu bizim taleyimizin, həyatımızın olaylarıdır, gündəlik işləridir. Bilirsiniz, indi heç kəs inkar eləmir ki, Azərbaycanda böyük quruculuq həyatına qayıdış başlayır, yəni dağıntılardan bezmiş bir millət öz taleyini qurmağa başlayır. Məlum məsələdir ki, bu işin başında kim gedir, bu işə kim rəhbərlik edir, o dağıntılardan üzümüzü quruculuğa kim döndərir. Məsələn, mən abadhğı görəndə daxilən abad oluram, hamımız da daxilən abad oluruq. Yəni, fiziki, məişət abadlığı, gündəlik abadlıq mənəviyyatımızı da abadlaşdırır. Evdən çıxıb işə gedincə yolda beş-altı yerdə görürəm ki, kimsə bağda gül əkir, kimsə bulvara torpaq tökür, kimsə nə iləsə məşğuldur və biz Azərbaycanımızı quruculuğa qaytarırıq. Zaman göstərir ki, mənəviyyat quruculuğu daha çətindir. Hərdən mənə elə gəlir ki, bəlkə də səhv edirəm, mənəviyyat quruculuğumuzu dürüst, yəni o sökülməz, dağılmaz, möhkəm bina üstündə qura bilmirik. Mənim daxili narahatlığım həmişə bundan ibarət olubdur. Elə bilirəm ki, mənəviyyatımızı da möhkəm, dönməz şəkildə, gələcəkdə kimlərisə özümüzə güldürmədən, güclü əsaslar üstündə qurmalıyıq və mənə elə gəlir ki, buna dürüst yol da göstərilir. Fəqət bir çox hallarda özümüz bu düz yolu əyə-əyə harasa aparıb çıxarırıq. Əlbəttə, ürəyimdə söz çoxdur, bolluca söz var. Onlardan bəzisini pərakəndə də olsa, deyirəm. Hörmətli Prezident, yaradıcı adamlar və bütün bədii yaradıcılıq adamları harmoniya adamlarıdır. Yəni onlar harmonik dünyada daha fəal, güclü yaradıcılıqla məşğul ola bilirlər. Hamı kimi,
Yüklə 3,04 Mb. Dostları ilə paylaş:
|