____________________________________________
10
Kimin sözü, arzusu varsa, buyursun. Mən də hesab edirəm ki,
bizim Yazıçılar Birliyinin ən böyük nailiyyəti ondan ibarətdir ki,
bu keçid, sınaq dövründən itkisiz keçibdir. Yəni, Birlik
dağılmayıb, pozulmayıbdır. Bunun özü böyük şeydir. Birlik nə
vaxt, hansı ictimai-siyasi quruluş zamanı yaranıbdır, - bu o
qədər əhəmiyyətli deyildir. Amma bunun yaranması böyük bir
müsbət hadisədir, yaşaması da böyük nailiyyətdir. Keçid
dövründə ki, Birlik özünü saxlayıb, parçalanmayıb,
dağılmayıbdır və yaşayır, - güman edirəm, bundan sonra daha da
yaxşı yaşayacaqdır, - bunun özü böyük nailiyyətdir. Şübhəsiz ki,
bu sizin hamınızın xidmətidir.
Ancaq nə etmək lazımdır ki, Birlik bundan sonra daha da
yaxşı yaşasın? Kitabların çapı ilə əlaqədar Anar tamamilə doğru
deyir. İndi vəziyyət belədir. Məsələn, bir neçə vaxt bundan öncə
görürəm ki, keçmişdə rayon prokuroru olmuş adam haqqında
böyük bir kitab yazılıbdır. Şübhəsiz, hər adam haqqında kitab
yazmaq olar. Ancaq o adamlar ki, həqiqətən böyük xidmətləri
olub, gərək onların haqqında yazılsın, sonra da o biriləri
haqqında. Amma nə təhər olur? Çünki indi onun ya oğludur, ya
da kimidir, - qohumudur-əqrəbasıdır, - imkanı, pulu var, kitabı
yazıb, çox da yaxşı, keyfiyyətli çap etdiribdir. Bunun zərəri,
şübhəsiz, ondan ibarətdir ki, subyektiv xarakter daşıyır.
Məsələn, oğuldur, ya nə bilim, qohum-qardaşdır, prokuror atası
haqqında elə şeylər yazıb ki, elə bil Azərbaycanı yaradanlardan
biri budur. Şübhəsiz ki, bunlar zərərli şeylərdir. Məsələn,
hərdənbir mən televizorda görürəm, qəzetlərdə hərdənbir rast
gəlir, - qəzetlərə daim baxa bilmirəm, - bizim elm, mədəniyyət
xadimləri, həyatlarını dəyişmiş insanlar, yazıçılar haqqında
verilişlər verir, yazılar yazırlar. Bunlar yaxşıdır, mən bunu
müsbət hal hesab edirəm. Bəziləri var ki, o qədər də məşhur
olmayıblar, amma müəyyən xidmətləri olubdur, onu xalqa
göstərirlər. Bunun özü yaxşıdır. Amma orada-burada rayon
____________________________________________
11
prokuroru işləmiş, prokuror da pis vəzifə deyil, adam haqqında
böyük bir kitab yazılsın, bizim dəyərli yazıçılar, elm,
mədəniyyət xadimləri haqqında isə kitabların yazılması çətin
olsun, ya mümkün olmasın - əlbəttə ki, bu, qeyri-normal
vəziyyətdir. Ancaq bunlar da keçicidir, keçəcəkdir, hamısı
keçəcəkdir.
Qabil, sən deyəsən danışmaq istəyirsən.
Qabil: Məndə o cəsarət ola bilməz.
Heydər Əliyev: Nə cəsarət, burada cəsarətli olmaq üçün
böyük bir şey yoxdur ki.
XALQ
ŞAİRİ QABİLİN ÇIXIŞI
Möhtərəm prezidentimiz Heydər müəllim!
Düzdür, Siz qeyd edirsiniz ki, Azərbaycanın müstəqilliyi
şəraitində ilk dəfədir yazıçıları qəbul edirsiniz. Bu, öz yerində.
Amma bu qəbul məsələsi Sizin şəxsiyyətinizdən, fitrətinizdən
gəlir.
Siz 1976-cı ildə də bu ölkənin rəhbəri idiniz. O dövrün
imkanları, verdiyi səlahiyyətlər daxilində Azərbaycanın rəhbəri
idiniz. Partiya Mərkəzi Komitəsinin birinci katibi rəhbər
sayılırdı. Siz bizi yığdınız, bu bina yox idi. Bir detal yadıma
gəlir, - bilmirəm deyim, ya deməyim, - çay gətirirdilər, qoca bir
rus arvad çay paylayırdı.
Heydər Əliyev: Bu gün çay yoxdur? Demək istəyir ki, indi
niyə çay yoxdur. Görün çay niyə yoxdur?
Q a b i 1: Siz buyurdunuz ki, mən qəsdən bu arvada çay
paylatdırıram ki, fikriniz ayrı yerdə qalmasın, diqqətlə qulaq
asasınız. Siz orada dediniz ki, yazıçıların qurultayı başlayacaq,
sözünüzü, dərdinizi, arzularınızı, qayğılarınızı indi deyin, şərti
şumda kəsək ki, xırmanda yabalaşmayaq.
İndi o şəkildə olmasa da, mən hamının adından Sizə
təşəkkür edirəm. Bu həqiqətdir, tərif deyil, faktdır. Siz, ümu-
____________________________________________
12
miyyətlə, yazıçıları həmişə qaldırırsınız. Siz Müslüm
Maqomayevin yubileyində Nəbi müəllimin şerini dediniz, ona
"bizim gözəl şairimiz" deməklə o sözü hamımıza dediniz. Bu,
quruluşdan irəli gəlmir, Sizin şəxsiyyətinizdən, fitrətinizdən
gəlir. Ona görə də mən Sizə bir daha təşəkkür edirəm. Sizin
qayğılarınızı, xidmətlərinizi, Bəxtiyar müəllimə, Nəbi müəllimə,
bəndeyi-həqirə, Balaş müəllimə, Məmməd Araza göstərdiyiniz
qayğıları sadalamıram, - bunlar hamısı öz yerində. Sizə dönə-
dönə təşəkkür edirik.
Anar müəllim çox doğru dedi ki, indi kimin maddi imkanı
varsa, dədəsi, babası, özü haqqında kitab çap edir. Siz demişkən,
bəlkə babası da, dədəsi də yaxşı adamdır. Yazıçılar Birliyi vacib
təşkilatdır. Siz onu da çox düzgün qeyd elədiniz ki, nə şəraitdə,
haçan yaranmasından asılı olmayaraq, Yazıçılar Birliyi bizim
böyük limanımızdır, körpüdür, gəlib mənəviyyatımızla ona yan
alırıq. Yazıçılar Birliyini möhkəmləndirmək, onun əleyhinə olan
danışıqları yığışdırmaq lazımdır. Bütün müxalifət qəzetlərində
Yazıçılar Birliyinin əleyhinə yazırlar. Mən qəbul komissiyasının
üzvüyəm, axın-axın cavanlar Birliyə qəbul olunmaq istəyirlər.
Heydər Əliyev: Varmı? Bu çox gözəldir.
Q a b i l: Bir tərəfdən də deyirlər ki, Yazıçılar Birliyi lazım
deyildir. Yazıçılar Birliyinin maddi bazasını möhkəmləndirmək,
poliklinikasını dövlət büdcəsinə keçirmək lazımdır. Yazıçılar
Birliyinin nəzdində nəşriyyat açılmalıdır ki, adlı-sanlı, ancaq
təkcə ad-sanına görə yox, yaxşı əsərinə görə tanınan yazıçılar
kitablarını çap etdirə bilsinlər, qapı-qapı düşməsinlər. Mənim
son iki-üç əsərimi dövlət nəşriyyatları çap edibdir. Hamı mən
yaşa gəlməyib, cavan adam da kitabını görmək istəyir. Mən
yaşda adi adamın, mənim qədər tanınmayan adamın da mənəvi
haqqı var ki, kitabını görsün. Yazıçılar Birliyinin nəşriyyatı olsa,
o kitablar çap olunar.
Dostları ilə paylaş: |