____________________________________________
25
Heydər Əliyev: Yəni əgər oradan çıxmasaydı, bu cür
mötəbər jurnalda işə girə bilməyəcəkdi.
Mirvarid xanım, buyurun. Xahiş edirəm, oturub danışın.
Qoyun mikrofonu sizə yaxınlaşdırsınlar.
XALQ ŞAİRİ MİRVARİD DİLBAZİNİN
ÇIXIŞI
Əziz Heydər Əliyev!
Sizin bir sözünüz mənim xəyalımda çox acı xatirələr
əmələ gətirdi. Siz dediniz ki, yaxşı oldu, məni işdən çıxartdılar.
Yadımdadır, mən Pirşağıda idim. Səhər tezdən dəniz qırağında
dəhşətli bir partlayış oldu. Maşını yandırdılar, içindəki
adamların hamısını öldürdülər. Sonra gedib həmin adamın evini
partlatdılar. Onda xalqın səsi mənim yadımdadır. Onlar əllərini
göyə tutub dedilər ki, ya rəbbi, bizə sözü kəsərli, sözü ötən bir
başçı göndər, Heydər Əliyevi bizə başçı göndər. Sizi o vaxt
respublikaya göndərsəydilər Azərbaycanın başına heç bir fəlakət
gəlməzdi.
Çox pis oldu ki, o zaman Sizi işdən çıxartdılar. Sizi işdən
çıxardan adamlar xalqın övladları deyildilər. Onlar bizim
xalqımızı duya bilməzdilər. Sizi o vaxt işdən çıxartmasaydılar,
heç Qarabağ faciəsi də olmayacaqdı.
Heydər Əliyev: Düzdür.
Mirvarid Dilbazi: Biz, uşaqlarımız küçələrə çıxa bilmirdik.
Uşaqlar küçəyə çıxanda anaları deyirdi, ya rəbbi, bunlar necə
qayıdacaqlar, nə vaxt qayıdacaqlar? Allaha çox şükür ki, Siz
gəldiniz. Mənim ən böyük arzum odur ki, Sizin müharibəsiz
yaratdığınız sülh müqaviləsi tezliklə bu stolun üstünə qoyulsun
və bizi çağırın, Sizi təbrik edək.
Əziz Heydər Əliyev, tarixdə ən çox şairə yetirən xalq
Azərbaycan olubdur. Heç bir yerdə Azərbaycan xalqı qədər
____________________________________________
26
şairə yetirən xalq olmayıbdır. Lakin bu şairələrin taleyini Siz
hamınız bilirsiniz. Mən heç kəsin qarşısında bu haqda danışmaq,
məruzə etmək istəmirəm. XX əsrin əvvəllərindən, sovet
quruluşu dövründə iki şairə yetişib. Onlardan biri Nigar xanım
Rəfibəylidir, digəri Mirvarid Dilbazidir.
Azərbaycan Respublikasının 15 illiyində nümayəndələr
göndərilirdi. Dedilər ki, şairələr də getsinlər. Fikirləşdilər ki,
Mirvarid xanım, Nigar xanım əsil-nəcabətlərinə görə gedə
bilməzlər. Sona xanım adlı bir təyyarəçi var idi, onun adına
gözəl bir şer yazdılar, aparıb tribunaya çıxartdılar ki,
Azərbaycan şairəsi gəlib. Odur ki, Sizin Azərbaycan şairələrinə
- mənə verdiyiniz yüksək mükafat təkcə Mirvarid Dilbaziyə
deyil, Azərbaycanın yetirdiyi şairələrin əməyinə verilən tarixi
qiymətdir. Siz mənə ən böyük qiyməti vermisiniz.
Mən Sizə bütün ömrüm boyu təşəkkür edirəm. Camaat Sizin
mənə orden verdiyinizi eşidəndən, göndərdiyiniz təbrik
məktubunu oxuyandan bəri tez-tez mənə müraciət edir ki, bizim
bu dərdimizi Heydər Əliyevə de. Cavab verirəm ki, ay balam,
Heydər Əliyev bütün ömrünü Sizin dərdinizin həll olunmasına
həsr edib. Bizim dərdimiz nədir? Millətimiz azad olsun,
torpaqlarımız erməni əsarətindən xilas edilsin, əsirlərimiz
qurtarsın, Vətənə qayıtsın. Heydər Əliyev bütün həyatını,
ömrünü bunların uğrunda - dilimiz, dinimiz, torpağımız,
bayrağımız uğrunda mübarizəyə həsr edibdir. Xırda-xırda
məsələlərdən ötrü gedib onun vaxtını almağa dəyməz.
Heydər Əliyev, Allah Sizi var eləsin! Çox sağ olun!
Doğrudan da yaramaz ki, biz xırda məsələlərlə Sizin vaxtınızı
alaq. Biz gərək Sizə ancaq böyük işlərdən danışaq. Hörmətli
prezident, gördüyünüz böyük işlərə görə çox sağ olun.
Bilmirəm, hansı əsərdəsə göstərilir ki, balaca bir çaqqal
öküzü parçalayır. Hiyləgərlər bizim də ətrafımızda vardır.
Camaata demək lazımdır ki, ey camaat, aldanmayın. Axı
____________________________________________
27
camaatımızın hamısı alim deyil. Bəzən elə adam elə söz danışır
ki, elə bil ürəyimizə bıçaq sancılır. Xahiş edirəm, gəlin
yalanların üstünü açaq.
Mən bu sözləri ona görə damşmıram ki, Siz mənə orden
vermisiniz. Siz katib olan vaxt rüşvətxorluğa qarşı ciddi
mübarizə aparanda mən Sizə neçə-neçə şer yazmışdım. Siz
vəzifədə olduğunuza görə mən bunları nəşr etdirmədim.
Bir dəfə evimdə televizorun qarşısında oturmuşdum, yanımda
da adı yadımdan çıxan mötəbər bir şəxs var idi. Televiziyaya bir
kişi çıxartdılar. O nə orta yaşlı, nə də cavan deyildi. Heydər
Əliyev, bax, o vaxtlar bir çox sarsaqlar, tutulanlar, rüşvətxorlar
ermənilərə qoşulub Sizə ittihamlar yağdırırdılar. Televiziyada
çıxış edəni belə təqdim etdilər ki, bax, bu, Heydər Əliyevin
qurbanı olub. O da başladı boş-boş sözlər danışmağa.
Mənim yanımda oturan mötəbər kişi mənə dedi ki, ay başına
dönüm, televiziyada bu danışanı mən yaxşı tanıyıram. O,
rüşvətxorun, oğrunun biridir. Onun satmadığı bir obyekt
qalmayıb. Görəsən Heydər Əliyevin günahı nədir?
O vaxt mən Sizə daha bir şer yazdım:
Şücaətli əzizim!
Vətənimiz də birdir, torpağımız da bizim.
Üstü mavi zolaqlı bayrağımız da bizim...
İkiüzlü olanı iki yandan vurursan.
İkisözlü olanı bir sözlə susdurursan,
Amansızsan yalana, əliəyri olana.
Bayaq da dedim, o vaxt mən Sizə neçə-neçə belə şerlər
yazmışdım.
Vaqif müsəlman dininin müqəddəs ziyarətgahlarına öz
məhəbbətini izhar edərək yazırdı ki, "Ey Kəbəm, Kərbəlam,
Məkkəm, Mədinəm, bir zaman kuyidə ziyarətimdir". O, bu dini
sevirdi, ona inanırdı. Hörmətli Prezident, Sizə də deyilən
Dostları ilə paylaş: |