MüSTƏQİLLİYİMİZ
Yüklə 3,04 Mb. Pdf görüntüsü
|
____________________________________________ 31
bilməz. Ona görə də biz burada məsələlərə bir az açıq konteksdən yanaşmalıyıq, örtülü söhbətlər olmamalıdır. Burada Azərbaycan mənəviyyatı, ədəbiyyatı ətrafında açıq söhbət gedir. Hörmətli prezident! Mən bir neçə məsələyə öz münasibətimi bildirmək istəyirəm. Burada oturanların hamısı işlədiyiniz dövrdə Sizin ədəbiyyata, mədəniyyətə münasibətiniz barədə danışır. Mən də bu barədə bir neçə kəlmə deməyi özümə borc bilirəm. Mən 1969-cu ildən bəri Azərbaycanda keçirilən bütün yubileyləri - yazıçıların, böyük mədəniyyət xadimlərinin yubileylərini yadıma salıram. Mən repressiya qurbanlarına Sizin verdiyiniz bəraətləri və bu işlərin son nəticəsi, zirvəsi, nida işarəsi kimi Naxçıvanda ucaldılan Hüseyn Cavid məqbərəsini, sülh şəraitində yaşayan heç bir dövlətin edə bilməyəcəyi bir səviyyədə Füzulinin müharibə şəraitində keçirilən 500 illik yubileyini, Səməd Vurğunun yubileyini və son vaxtlar keçirilən digər yubileyləri yadıma salıram. Eyni zamanda bizim mənəvi irsimizə münasibəti, "Kitabi-Dədə Qorqud" dastanının 1300 illiyinin qeyd olunması haqqında Sizin fərmanınızı, mədəniyyətimizlə bağlı başqa tədbirləri yadıma salıram və fikirbşirəm ki, kaş Siz Azərbaycana müharibə dövründə rəhbərlik etməyəydiniz. Kaş dinc vaxt olaydı və mən təsəvvür edirəm ki, onda mədəniyyətə, ədəbiyyata Sizin nə qədər böyük vaxtınız qalardı və Azərbaycan mənəviyyatı Sizin rəhbərliyinizlə nə qədər böyük uğurlar qazanardı. Çünki doğrudan da Siz fikirlərinizin bütün siyasi yönləri ilə yanaşı, əslində həm də böyük mədəniyyət adamısınız. Azərbaycanın siyasi həyatında, belə deyək, Sizin siyasi mübarizənizlə son illər gözümüzün qabağında baş verən irəliləyişlər xalqımızın hazırki münaqişədən çıxmasına real mühit yaradır. Ona görə də hesab edirik ki, indi mədəniyyət
____________________________________________ 32
və mənəviyyat haqqında düşünməyə bir az daha çox vaxtımız qalacaqdır. Mən bir faktı da demək istəyirəm. Son vaxtlar Moskvaya yolum düşmüşdü. Onlar Yazıçılar İttifaqında, ədəbiyyatçılar evində hələ o köhnə şəkilləri atmayıblar, divarlarda qalır. Orada olarkən baxdım ki, Azərbaycanın dörd şairinin və yazıçısının - Süleyman Rəhimovun, Mirzə İbrahimovun, Rəsul Rzanın və Süleyman Rüstəmin şəkilləri də Sosialist Əməyi qəhrəmanları sırasındadır. Bütün bunlar da Sizin xidmətlərinizdir və məhz Sizin vaxtınızda olubdur. Sizin həmişə yazıçılarla çox isti bir münasibətiniz olub. Buradakı danışıqlarda o məsələlərə qayıdılır ki, vaxtında belə olub, kimsə bu cür, başqası ayrı cür münasibət göstərib. Mən də bu məsələyə öz münasibətimi bildirmək istəyirəm. Şəxsən mən xalq hərəkatının ilk günündən onun içində olan adamlardan biri idim. Xalq hərəkatının qələbəsi də oldu, Azərbaycanın milli yaddaşını oyatdı, xalqın fikrini millı ideallarımıza yönəltdi. Azərbaycanın müstəqilliyinin təməlini qoydu, üçrəngli bayrağımızı qaytardı. Təbii ki, onun içində qüsurlu, başa düşməyən, təcrübəsiz adamlar da var ıdı. Amma bu, milli yaddaşı qaytaran bir hərəkat idi. O hərəkatda iştirak edənlər arasında Sizi sevməyənlər də, bəyənməyənlər də var idi. Amma işin o gərgin vaxtında Sizi sevən adamlar da var idi. Mən 1969-cu ildən bəri bütün yazılarımı gözümün qabağına gətirirəm. Orada Heydər Əliyev haqqında adicə bir soyuq cümləm də yoxdur. Amma bu gün Sizin qolunuzda-qanadınızda, üzr istəyirəm, ətrafınızda özünü sədaqətli göstərən adamlar var ki, vaxtilə meydanlarda Sizin haqqınızda çox açıq surətdə kobud danışırdılar. Həmin adamların bir hissəsinin bütün o köhnə tariximizin, köhnə illərin üstündən xətt çəkmək cəhdi, "bunların hamısı cəbhəçi idilər, onların heç biri Heydər Əliyevi bəyənmirdi və ona görə də bunlar hamısı
____________________________________________ 33 bu gün tarix səhifəsindən silinməlidir" demələri, məsələnin bu cür qoyuluşu düzgün deyil. Ona görə də mənə elə gəlir ki, bu məsələyə - irsiyyətə, keçmişə görə münasibət bəsləmək, keçmişdəkilərin hamısını eyni qiymətləndirib çölə tullamaq düzgün olmaz. Çox haqlı olaraq Siz bu məsələyə müdrikcəsinə yanaşırsınız. Sizin yaddaşınız və məlumatınız güclüdür, - mən belə hesab edirəm ki, yazıçıların böyük əksəriyyəti bu illərdə Sizə mənəvi cəhətdən dayaq olubdur. Siz Moskvada, Naxçıvanda olanda da. Doğrudur, birinin buna imkanı olurdu, birininki olmurdu. Onlar niyə Sizə dayaq olublar? Mən Sizə açıq deyirəm, Azərbaycan yazıçısı mənəvi rahatlıq, öz torpağında əmin-amanlıq istəyir. Azərbaycan yazıçılarının böyük əksəriyyəti görür ki, bu siyasət meydanında Sizi əvəz edən adam yoxdur. Onlar bunu görüblər və haqqı müdafiə ediblər. Əslində burada Sizin müdafiənizdən söhbət getmir. Onlar ziyalılığı, Azərbaycanın gələcəyini müdafiə ediblər. Bununla bağlı bir söz də demək istəyirəm. Təəssüf ki, bizim yazıçılarımızın bəzilərinə, o cümlədən, məsələn, bizlərə bu siyasətlə bağlı kim xalq hərəkatında iştirak eləyibsə, az-çox sözünü deyibsə, bu gün onların hamısına birmənalı şəkildə "bu, vaxtilə, 1988-ci ildə meydana çıxıbsa, demək, xalq düşmənidir" kimi yanaşırlar. Nə sənin yazıçılığın, nə dediyin sözlər nəzərə almır. Əgər bizim adımız haradasa çəkilirsə, o saat min yerdən deyirlər ki, "Bu nədir? Bunlar Prezidentin dəstəsindən, komandasından deyil". Kim deyir ki, biz Prezidentin komandasından deyilik. Hansı sübutlar var? Xalq yığışanda, ən ağır günlərdə, dövlət çevrilişinə cəhdlər göstəriləndə, mən hamısını deyə bilmərəm, - yazıçılarımızın, ziyalılarımızın bir hissəsi kimi, biz həmişə Sizin yanınızda olmalıyıq. Ona görə də mən bu meyli özümə qarşı az qala mənəvi repressiya şəklində hiss etdiyim üçün bu narahatçılığımı Sizə bildirmək istəyirəm. İstəyirəm ki, bu
Yüklə 3,04 Mb. Dostları ilə paylaş:
|