____________________________________________
72
bizim ədəbiyyatımızın cavan qolu bu ənənələri yaşada bilir.
Əsasən 80-cı illərdə, 90-cı illərin əvvəllərində ədəbiyyata gələn
bu gənclərin taleyi çox ağır, üzüntülü prosesdən keçdi. Onlar
yazmaqdan, düşünməkdən daha çox, xalqın ağrı-acıları ilə
yaşadılar, yurd itkisinə, torpaq ağrısına göynəyib, çörək dərdi
çəkdilər. Onlar hətta şəhid verdilər. Bizim iki şəhid şairimiz
(bəlkə də üçdür, üçüncüsünü bilmirəm) - Nizami Aydın, Ülvi
Bünyadzadə kimi şairlərimiz vardı. Mən deyərdim heç bir ədəbi
nəsil bu qədər mürəkkəb, dramatik, faciəli tale yaşamamışdır,
həyat heç bir ədəbi nəsli bu qədər sıxmamışdır, sınağa
çəkməmişdir. Ona görə də onların şerlərində, nəsr əsərlərində
kədərin, hüzn və ələmin, ağrının olması təbiidir. Nə yaxşı ki, bu
ağrı, bu hüzn, ələm, bu kədər heç də sırf nostalgiyadan irəli
gəlmir. Bu eyni zamanda dərdin böyüklüyündən, 20 Yanvar
faciəsindən, Xocalı soyqırımından, məmləkətimizin düşdüyü
ağır vəziyyətdən irəli gəlir və onların şerlərində yaşayır.
Ustad şairimiz Rəsul Rza vaxtilə yazmışdı: "Şer yazan
cavanlar arasında ilhamla, istedadla ədəbiyyata gələnlər olduğu
kimi, adicə həvəsə düşüb gələnlər də var". İnsanda mövcud olan
bütün bacarıq və qüvvə, adətən, gənclik dövründə sürətlə üzə
çıxır. Belə bir vaxtda ilk hekayəsini, şerini, mahnısını
bəstələmiş, ilk lövhəsini çəkmiş bir gənc sənətkara kömək
etmək, qayğı göstərmək lazımdır. Mən bir də ustad şairimizin
"qayğı sözü, qayğı özü" məşhur kəlamını yada salmaq istəyirəm.
Gənclərin yaradıcılığından söz düşəndə bu ifadə aforizm kimi
səslənir. Bəzən "qayğı" sözünü işlədiblər, lakin gənclərə qayğı
göstərməyiblər. Eyni zamanda bu sözü real və praktiki şəkildə
həyata keçirmək barədə düşünüblər, bəzən də düşünməyiblər.
Hörmətli prezident, bu gün bilavasitə ədəbi gəncliyin
qayğıları və problemləri ilə bağlı mən ancaq bir məsələni Sizin
nəzərinizə çatdırmaq istəyirəm. Ola bilsin, bizim gənclərimiz -
____________________________________________
73
cavan şairlər, yazıçılar onları düşündürən qayğılarla,
problemlərlə əlaqədar öz sözlərini deyəcəklər. Qoqolun belə bir
sözü var: "Gənclik ona görə xoşbəxtdir ki, onun gələcəyi var".
Gələcəyimiz, yəni ədəbiyyatımızın gələcəyi doğrudan da bu
gənclikdən asılıdırsa, onda bu gəncliyin ümumi yaradıcılıq
problemlərinin həllinə yönəldilmiş səylər bir yerdə birləşməlidir.
Vaxtilə bizdə "Ulduz» jurnalı nəşr olunurdu. İndi maliyyə
çətinlikləri üzündən həmin jurnalın ildə bir nömrəsi çıxır.
60-cı illərin axırlarını, 70-ci illərin əvvəllərini yadımıza salaq.
Həmin dövrdə ədəbiyyata gələn və indi onun aparıcı qüvvəsinə
çevrilən Anar, Əkrəm Əylisli, İsi Məlikzadə, başqa
yazıçılarımız, şairlərimiz məhz həmin jurnalda formalaşdılar,
böyük ədəbiyyat meydanına gəldilər. "Azərbaycan" jurnalı da
müəyyən mənada bu missiyanı yerinə yetirirdi. Ancaq
"Azərbaycan" jurnalında daha çox yaşlı sənətkarların yazıları
çıxırdı. "Ulduz" jurnalı isə ancaq gəncliyi öz ətrafında
birləşdirirdi. Bu funksiyanı o, 1993-cü ilə qədər yerinə yetirdi.
İndi həmin jurnal çox ağır vəziyyətdədir. Yəni tək "Ulduz"
jurnalını demirəm. Gənclərin yaradıcılıq səylərini
qiymətləndirmək üçün "Ulduz", belə bir jurnal mütləq lazımdır.
Mən Fikrət Qocanın 1995-ci ildə keçirilən yubileyini
xatırlayıram, orada "Azərbaycan" jurnalından və "Ədəbiyyat
qəzeti"ndən söz düşdü. "Azərbaycan" jurnalı 1992-ci ildən bəri
fasilələrlə çıxırdı. 1995-ci ildə həmin jurnalın bir nömrəsi nəşr
olundu. 1923-cü ildən bəri çıxan və Azərbaycan ədəbiyyatının
güzgüsü adlandırılan həmin jurnal bu kökə düşmüşdü. Belə bir
məqamda hörmətli prezidentimizin bir sözü ilə jurnal yenə öz
axarına düşdü. "Ədəbiyyat qəzeti" də nər həftə çıxır. "Qobustan"
jurnalı da daxil olmaqla bu üç ədəbi nəşrin çıxması ədəbiyyatın
yaşaması deməkdir. Ədəbiyyat jurnallarda yaşayır, jurnal-qəzet
ədəbiyyatın güzgüsudür, saf aynasıdır. Məhz ədəbi gəncliyi
də bu nəşrlər
____________________________________________
74
ətrafında birləşdirmək, səyləri bu istiqamətə yönəltmək daha
məqsədəuyğundur.
Mən çıxışımı hörmətli Prezidentə yenə də öz minnətdarlığımı
bildirməklə bitirirəm. Böyük Hüseyn Cavidin bir misrası yadıma
düşür:"Türkün nicatı - yalnız mədəniyyət, mədəniyyət, mədə-
niyyət". Mədəniyyətimizi yaşatmaq istəyiriksə, onun bir qolu da
bizim cavan şairlərdir, yazıçılardır, sənətçilərdir, bəstəçilərdir.
Ümid edirəm ki, mədəniyyətimiz yaşayacaq, XXI əsrdə də öz
ənənələrini davam etdirəcəkdir.
Heydər Əliyev: Çox yaxşı məruzə elədi. Hesab edirəm ki,
bu, elə qurultayın məruzəsidir. Bu, sənin edəcəyin məruzənin
əsasıdır.
A n a r: Mən məruzə etməyəcəyəm, giriş sözü deyəcəyəm.
Dörd məruzə olacaq, onlardan ikisini cavanlar edəcəkdir.
Heydər Əliyev: Yaxşı məruzə etdi, hesab edirəm, yaxşı
məlumat verdi. Çox gözəl. Dünən söhbətimiz iki saatdan çox -
iki saat yarım çəkdi.
Fatma Abdullazadə (Prezidentin İcra Aparatının şöbə
müdiri): İki saat 45 dəqiqə.
Heydər Əliyev: İki saat 45 dəqiqə. İndi bu gün də yəqin iki
saat burada ola bilərik. Mən iki saat ayırmışam. Bəlkə də çox
oldu. Amma elə edin ki, çox olmasın. Mənim başqa işlərim də
var. Bunun özü qurultayın parçalarıdır. Kim söz demək istəyir,
kimin sözü var?
Birincisi, dərhal "Ulduz" jurnalı haqqında demək istəyirəm.
Dediniz ki, jurnal ildə bir dəfə çıxır. Niyə? Vəsait çatmır?
A n a r: Bəli, vəsait çatmır.
Heydər Əliyev: Aydındır. İldə neçə dəfə çıxara bilərsiniz?
Vaqif Yusifli: On iki dəfə.
Heydər Əliyev: Jurnalın bu qədər nömrəsini buraxmaq üçün
əsərləriniz var?
Dostları ilə paylaş: |