____________________________________________
75
A n a r: Yox, on ikiyə çatmaz. Altı nömrə buraxmaq olar.
Əgər vəsait olarsa.
Heydər Əliyev: Altı nömrə. Yaxşı, bunu mən nəzərə alaram.
Elçin: Bunlar aylıq jurnallardır.
Heydər Əliyev: Bilirəm, aylıq jurnallardır.
Elçin: "Ulduz" jurnalında, mən elə hesab edirəm ki,
doğrudan da bir-birindən seçilən, müxtəlif istiqamətli, Vaqif
Yusiflinin dediyi kimi, müxtəlif təmayüllərdə işləyən cavanlar
var. Ələkbər Salahzadə "Ulduz" jurnalının baş redaktorudur.
Əvvələn, çox istedadlı şairlərdən biridir, ikincisi də, bu işləri
bilən bir adamdır. Mən belə hesab edirəm ki, əgər Siz
"Azərbaycan" jurnalına, "Qobustan"a, "Ədəbiyyat qəzeti"nə
elədiyinizi "Ulduz" jurnalına da etsəniz, onda bu jurnalın ayda
bir dəfə çıxmaq imkanı olar. Yəni 70-ci illərdə, Sizin o
vaxtmızda yaranmış ənənə davam edə bilər.
Heydər Əliyev: Axı dedilər ki, "Azərbaycan" jurnalı çıxır,
lakin tirajı azdır. Elədirmi?
Elçin: Bəli, tirajı azdır.
Heydər Əliyev: Niyə azdır? Kağız çatmırmı, yoxsa jurnal
satılmır? Səbəbi nədir?
Anar: Əvvələn, vəsait çatmır, ikincisi də maraq azalıb. Hətta
jurnalın çıxan nömrələri bəzən satılmır. "Ulduz" və
"Azərbaycan" jurnallarmm ildə 12 nömrəsi buraxılsa daha yaxşı
olardı. Amma mən reallığı bilirəm və deməliyəm ki,
"Azərbaycan" jurnalı bədii meyarları nəzərə almaq şərtilə yalnız
ildə altı nömrə buraxıla bilər. Əgər indiki ədəbi quvvələrlə
12 nömrənin buraxılmasını təmin edə bilərlərsə, necə deyərlər,
"kor nə istər, - iki göz, biri əyri, biri düz". Mən reallıqdan çıxış
edərək bunu deyirəm.
Heydər Əliyev: Mən belə bir fikrə gəlirəm ki, bəlkə də
biz bu jurnalları, bu əsərləri televiziya vasitəsilə yaxşı təbliğ
etmirik. Bir var ki, ayrı-ayrı əsərlər barədə ədəbi verilişlər
____________________________________________
76
hazırlansın, bir də var ki, jurnalın hər bir nömrəsi təbliğ olunsun,
orada dərc edilən əsərlərin məzmunu haqqında məlumat verilsin.
Yəni insanlarda marağı artırmaq üçün. Televiziyada deyilsə ki,
"Ulduz" jurnalı çıxıbdır, orada bu hekayə, şer dərc olunubdur, -
onda oxucuların da marağı artacaqdır. Həyat keçən dövrə
nisbətən çətindir. İnsanları da qınamaq olmaz, bəziləri necə
yaşamaq haqqında fikirləşir. Ancaq mən hesab edirəm ki, biz bu
təbliğatı da gücləndirsək yaxşı olar. Yaxşı, bu problemi mən həll
edərəm.
Fatma Abdullazadə: Cənab Prezident, başlıca şərtlərdən
biri ondan ibarətdir ki, bu jurnalların poliqrafik səviyyəsi
yüksəl-dilməlidir. Açıq deyək ki, müasir oxucu yüksək
poliqrafik səviyyədə çap olunmuş jurnalları izləyir.
Heydər Əliyev: Bəli.
Fatma Abdullazadə: Vaxtilə qəzet kağızında çap olunan
maraqlı bir romanı birnəfəsə oxuyurdular. Amma bu gün
hansısa bir fırmanın buraxdığı "Biznes daycest"
poliqrafiya baxımın-dan müqayisəolunmaz dərəcədə yüksək
səviyyədə çıxır. Bu jurnallarla bağlı olaraq, poliqrafiyada dönüş
yaranmalıdır.
Heydər Əliyev: Daha kimin nə sözü var?
Təranə Hacılı ("Qar çiçəyi" ədəbi birliyinin üzvü) :
Möhtərəm Prezident, Siz qeyd etdiniz ki, ən populyar kütləvi
informasiya vasitəsi kimi, televiziyanın bu sahədə mühüm rolu
ola bilər. Mən bir təklif vermək istərdim. Ümumiyyətlə, indi
televiziyada gənclik dedikdə daha çox rəssamlar,
idmançılar, müğənnilər təbliğ olunurlar. Çox təsadüfi hallarda
ədəbi gəncliyə yer verilir. Təklif edirəm ki, əgər
mümkünsə televiziya veriliş-lərindən biri ədəbi gənclik üçün
ayrılardı və bu televiziya verilişini ənənəvi qaydada diktorlar,
yaxud telejurnalistlər deyil, ədəbi gəncliyin özü təqdim edəydi.
Heydər Əliyev: Yaxşı təklifdir, çox gözəl təklifdır. Hesab
edirəm ki, bunu etmək olar. Bunu da mən qəbul
____________________________________________
77
edirəm, yəni mən bizim dövlət televiziyasına sərəncam verərəm.
Mən 60-cı, 70-ci illəri xatırlayıram. O vaxt televiziyada bütün
nəsillərdən olan, o cümlədən gənc nəsildən olan yazıçılarımız,
şairlərimiz tez-tez çıxış edirdilər. Elə sizin özünüz televiziyada
tez-tez çıxış edirdiniz, öz əsərləriniz haqqında, ümumiyyətlə,
ədəbiyyat problemləri haqqında danışırdınız. Ədalət naminə
demək lazımdır ki, son vaxtlar bizim televiziyanın işləri
yaxşılaşıbdır. Mənim fikrim belədir. Gənclər haqqında cürbəcür
çoxlu verilişlər verirlər. Hətta orada evlənmək problemi
haqqında da maraqlı bir veriliş göstərildi. Televiziya belə
məqamlara toxunursa, bu, çox gözəldir. Həyatda elə sahələr var
ki, keçmişdə biz adətən bu barədə danışmırdıq. Guya ki, bundan
danışmaq ayıbdır və ya insanlar utanırlar. Guya ki, heç kim
evlənmir. Amma hər bir gənc sevir, hər bir gənc tanış olur - qız
oğlanla, oğlan qızla, hər bir gənc evlənir. Belə olmasa həyat
olmaz ki! Yaxşı. Bu, çox lazımlı mövzudur. İndi mən
televiziyaya daim baxa bilmirəm. Təsadüfən bir-iki dəfə
televiziyada gəncliklə bağlı belə verilişlərə baxarkən çox
sevindim. Özü də adi adamları televiziyaya gətirirlər, onlar
həyatları haqqında danışırlar. Bunlar çox gözəldir.
Yəni bu mənada deyirəm ki, bəlkə də mənim tam təəssüratım
yoxdur, çünki hamısını əhatə edə bilmirəm. Amma gördük-
lərimdən belə nəticəyə gəlirəm ki, gəncliklə əlaqədar çox yaxşı
verilişlər verilir. Bu, təkcə gəncliyə aid deyil. Hesab edirəm ki,
bizim ədəbiyyatımızla, bədii əsərlərimizlə əlaqədar verilişlər
verilməlidir. Özü də onlar daimi, silsilə verilişlər olmalıdır.
Yaxşı olardı ki, burada deyildiyi kimi, şairlər, yazıçılar
danışsınlar, özləri öz şerlərini oxusunlar, hekayələri haqqında
məlumat versinlər, tənqidçilər, ədəbiyyatşünaslar bu verilişlərdə
iştirak etsinlər. Bunu etmək lazımdır. Düzgün təklifdir.
Dostları ilə paylaş: |