____________________________________________
180
Heydər Əliyev: Mən sizin sözlərinizi və cənah Çörçillin
sözlərini təsdiq edirəm və xatirə lövhəsini məmnuniyyətlə
açıram.
Xatirə lövhəsində yazılmış sözlər:
"Zati-aliləri Prezident Heydər Əliyevin ilk neftin çıxarılması
münasibətilə "Çıraq-I" platformasına rəsmi səfərindən xatirə.
12 noyabr 1997-ci il". *
______________
*Həmin gün səhər Azərbaycan Prezidenti Heydər Əliyev və onunla
birlikdə Rusiya Baş nazirinin birinci müavini Boris Nemtsov. Britaniyanın dövlət
xarici işlər naziri Federiko Penya da "Çıraq - I" platformasına gəldilər. Azərbaycan
Beynəlxalq Əməliyyat Şirkətinin prezidenti Terri Adams, ARDNŞ-in prezidenti
Natiq Əliyev, ARDNŞ- in birinci vitse-prezidenti İlham Əliyev və platformanın
meneceri, Amerikanın "Amoko" şirkətinin mütəxəssisi Hyu Oliver platformada
Azərbaycan Prezidentini qarşıladılar. Təmizlənmiş neftin platformada Səngəçal
terminalınadək çəkilmiş 176 km uzunluğunda sualtı neft kəmərinə vurulması
barədə Prezident Heydər Əliyevə məlumat verildi.
____________________________________________
181
XƏZƏR DƏNİZİNİN AZƏRBAYCAN
SEKTORUNDA XARİCİ ŞİRKƏTLƏRLƏ
MÜŞTƏRƏK İŞLƏNİLƏN NEFT
YATAQLARINDAN İLKİN NEFTİN
ÇIXARILMASI MÜNASİBƏTİLƏ
TƏNTƏNƏLİ MƏRASİMDƏ NİTQ
Respublika sarayı
12 noyabr 1997-ci il
Hörmətli xanımlar və cənablar!
Hörmətli qonaqlar, əziz dostlar!
1994-cü il sentyabrın 20-də Azərbaycanda tarixi bir hadisə
baş vermişdir. Dünyanın 7 ölkəsinə mənsub olan 11 böyük neft
şirkəti bir araya gələrək konsorsium yaratmış və Azərbaycan
Respublikası, Azərbaycan Dövlət Neft Şirkəti ilə Xəzər
dənizinin Azərbaycan sektorunda olan "Azəri", "Çıraq"
yataqlarının və "Günəşli" yatağının dərinlikdə yerləşən
hissəsinin müştərək işlənməsi haqqında müqavilə imzalamışlar.
Bu müqavilə "Əsrin müqaviləsi" adlandırılmış, dünyaya geniş
səs yaymış və böyük əks-səda vermişdir. Bu müqavilənin həyata
keçirilməsi üçün Azərbaycan Beynəlxalq əməliyyat Şirkəti
yaradılmışdır.
Bu müqaviləyə, konsorsiuma daxil olan şirkətlər və ölkələr
məlumdur. Həmin ölkələrin bayraqları burada asılıbdır və o
şirkətlərin də bayraqları burada nümayiş etdirilir. Bunlar
Amerika Birləşmiş Ştatlarının "Amoko", "Yunokal",
"Pennzoyl" "Eksson", Böyük Britaniyanın "Britiş Petro-
____________________________________________
182
leum", "Remko", Rusiyanın "Lukoyl", Norveçin "Statoyl
Türkiyənin "Türk petrolları", Səudiyyə Ərəbistanının "Delta",
Yaponiyanın "İtoçu" şirkətləridir. Onlar Azərbaycan Dövlət
Neft Şirkəti ilə birlikdə Azərbaycan Beynəlxal Əməliyyat
Şirkəti yaratmışlar. Azərbaycan Beynəlxalq Əməliyyat Şirkəti
müqavilədə nəzərdə tutulmuş layihəni həyata keçirməyə
başlamış, üç il müddətində proqram əsasında nəzərdə
tutulmuş işlərin hamısı yerinə yetirilmişdir. Bütün icbari işlər
görülmüş və onların nəticəsində "Çıraq" neft yatağında
yaradılmış nəhəng platforma vasitəsilə ilkin neft hasil
olunmuşdur.*
XIX əsrin sonunda, XX əsrin əvvəlində Azərbaycan
dünyanın neft hasil edən ən böyük ölkəsi olubdur. XX əsrin
əvvəlində dünyada hasil edilən neftin 50 faizindən çoxu
Azərbaycanda, Bakıda çıxarılmışdır. Azərbaycan XX əsrdə neft
ölkəsi kimi çox inkişaf etmişdir. Azərbaycanın neft sənayesi
mənsub olduğu Sovetlər İttifaqının, xüsusən Rusiyanın
ərazisində yeni neft yataqlarının kəşf olunmasında böyük
xidmətlər göstərmişdir. Təsadüfı deyil ki, Rusiyanın ərazisində
olan böyük neft yataqlarına sonralar "ikinci Bakı","üçüncü
Bakı", "dördüncü Bakı" adları verilmişdir.
İkinci dünya müharibəsi zamanı alman faşizmi ilə
mübarizədə Sovetlər İttifaqının istifadə etdiyi neftin 75 faizi
Azərbaycanda hasil olunmuşdur. Bu gün biz böyük iftixar hissi
ilə deyə bilərik ki, Azərbaycan, Azərbaycanın xalqı,
_________________
*
Mərasimdə Gürcüstan Respublikasının prezidenti Eduard Şevardnadze.
Türkiyənin Baş naziri Məsud Yılmaz, Rusiya Baş nazirinin birinci müavini Boris
Nemtsov, ABŞ-ın energetika naziri Federiko Penya, Böyük Britaniyanın dövlət xarici
işlər naziri Derik Façet, Ukrayna Baş nazirinin birinci müavini Anatoli Qolubçenko,
Özbəkistan Baş nazirinin müavini Kayum Xakulov Norveçin energetika və sənaye
nazirinin müavini Hokon Gil, Almaniya, Yaponiya və Qazaxıstanın, Avropa Birliyi
Komissiyasının, Avropa Birlıyi energetika partiyasının nümayəndələri və başqa rəsmi
şəxslər iştirak edirdilər.
____________________________________________
183
neftçilıri alman faşizmi üzərində çalınmış qələbədə öz layiqli
xidmətlərini göstərmişlər.
Azərbaycan dünyada neftin sənaye üsulu ilə hasil
edilməsində irəlidə gedən ölkə olduğu kimi, suda, dənizdə də,
suyun dərinliklərində də neft yataqlarının kəşf olunması və
onlardan istifadə edilməsində də ilk addımlar atan bir ölkə
olmuşdur. Xəzər dənizində, "Neft Daşları" adlandırılan
əfsanəvi bir yerdə məhz 1949-cu ilin noyabrında - bu ayda, 48 il
bundan əvvəl ilk neft quyusu fontan vurmuş və bununla da
Xəzər dənizində neft istehsalı sənayesi yaranmış və inkişaf
etmişdir.
Azərbaycan alimləri, neftçiləri, mütəxəssisləri Xəzər
dənizinin mineral ehtiyatlarının öyrənilməsində və neft-qaz
yataq-larının kəşf edilməsində böyük xidmətlər göstərmiş və
həmişə irəlidə getmişlər. Mən bu gün cəsarətlə deyə bilərəm ki,
Xəzər dənizində neft yataqlarının tam əksəriyyəti Azərbaycan
neftçiləri, alimləri tərəfindən kəşf olunubdur.
Azərbaycan neftçiləri Xəzər dənizində neft çıxar-
maq sahəsində böyük nailiyyətlər əldə etmişlər. 1949-cu ildən
indiyə qədər Azərbaycanda Xəzər dənizindən 420 milyon ton
neft çixarılmışdır, 320 milyard kubmetr qaz hasil olunmuşdur.
"Neft Daşları" adlanan yerdə on kilometrlərlə uzanan
estakadalar qurulmuş, ayrı-ayrı neft yataqlarında neft
çixarmaq üçün platformalar yaradılmışdır. Çox sərt və çətin
şəraiti olan Xəzər dənizində Azərbaycan neftçiləri qəhrəmanlıq
nümunələri göstərmişlər və Xəzər dənizindən daim neft hasil
etmək üçün çox görkəmli işlər görmüşlər. Bunlar hamısı - ötən
illərdə Azərbaycanda neft sənayesi sahəsində yaranmış elmi-
texniki, maddi-texniki baza və böyük texniki qarğular müstəqil
Azərbaycanın neft sənayesində yeni mərhələdə böyük işlər
görülməsi üçün yaxşı əsas yaratmışdır.
Məhz bunlara - əlimizdə olan böyük təcrübəyə, sərən-
camımızda olan böyük maddi-texniki bazaya görə Xəzər dəni-
Dostları ilə paylaş: |