______________________________________________
47
timai-siyasi vəziyyətinə çox böyük ziyan vurmuşdur. Belə şəraitdə
Azərbaycan da konstitusiyaya zidd hallar baş vermişdir. Bu hallar
respublikanın sosial-iqtisadi inkişafı üçün və təbii olaraq, respublikanın
böhran vəziyyətindən çıxması üçün çətinliklər və əngəllər yaratmışdır, Mən
razılıq hissilə deyə bilərəm ki, son iki ildə konstitusiyaya zidd, qanunlara
zidd olan bu hallar aradan qaldırılmışdır və indi respublikamızda ictimai-
siyasi vəziyyət sabitləşmiş, sosial-iqtisadi inkişafla bağlı bir çox məsələləri
həll etmək, Ermənistan ilə Azərbaycan arasında münaqişənin dincliklə aradan
qaldırılmasına nail olmaq imkanı yaranmışdır.
Ötən ilin may ayında biz Ermənistan ilə Azərbaycan arasında sazişə nail
ola bildik, 13 aydır ki, atəşkəs rejiminə əməl edilir. Mən bu gün bir daha
bildirirəm ki, regionumuzda tam sülhə və sabitliyə, respublikamızı əhatə edən
bütün ölkələrlə mehriban qonşuluğa nail olmaq üçün atəşkəs rejimini bundan
sonra da gözləyəcəyik. Biz ATƏT-in, onun Minsk qrupunun fəaliyyətinə
böyük əhəmiyyət verir və ATƏT-in fəaliyyətinə böyük ümidlər bəsləyirik.
ATƏT-in iştirakçısı olan ölkələrin keçən il dekabrda Budapeşt Zirvə
toplantısında qəbul edilmiş qətnamə mühüm hadisədir. Biz Budapeşt Zirvə
toplantısının fəaliyyətinə, xüsusən bizim üçün bu mühüm qətnamənin qəbul
edilməsinə Bolqarıstanın töhfəsini qiymətləndiririk.
Mən cənab prezident Jelevin belə bir bəyanatını dərin məmnunluq hissilə
qəbul etdim ki, Ermənistan - Azərbaycan münaqişəsinin dincliklə aradan
qaldırılması üçün Bolqarıstan ATƏT-də tədbirlər görəcəkdir. Mən əminəm
ki, Bolqarıstan sülh əldə edilməsinə, bu sülhün təmin olunması sahəsində
tədbirlər görülməsinə öz töhfəsini verəcəkdir.
Mən belə düşünürəm ki, razılığa gəldiyimiz nə varsa, hamısı gələcək
əməkdaşlığımız üçün yaxşı bünövrədir. Bu gün, birgə iş günümüzə yekun
vuraraq, mən cənab prezident Jelevə, parlamentin sədrinə, baş nazirə, bu gün
bizimlə görüşənlərin, ikitərəfli münasibətlərimizlə bağlı məsələləri müzakirə
edənlərin və bizə səmimi münasibət, qayğı və qonaqpərvərlik göstərənlərin
hamısına təşəkkürümü bildirmək istəyirəm. Bolqarıstanda, bu gözəl, füsunkar
torpaqda qonaqların qəbul edil-
______________________________________________
48
məsi Bolqarıstan xalqına, bu ölkəyə və xüsusən son vaxtlar baş vermiş
dəyişikliklərə dönə-dönə böyük ehtiram hissi doğurur. Biz etibarlı müttəfiqlər
olacağıq, dostluq və əməkdaşlıq haqqında imzalanmış müqaviləyə sadiq
qalacağıq və əməkdaşlığımızın səmərəli və faydalı olması üçün öz
tərəfimizdən hər şeyi edəcəyik.
Mən Bolqarıstan xalqına xoşbəxtlik və əmin-amanlıq arzulayıram. Mən
bütün bolqar dostlarımıza nəzərdə tutulmuş planların həyata keçirilməsində
uğurlar arzulayıram.
Təklif edirəm, Bolqarıstan prezidenti cənab Jelyu Jelevin sağlığına,
Bolqarıstan Respublikası şərəfinə, bolqar xalqının sağlığına, Bolqarıstanın və
Azərbaycanın möhkəm dostluğu şərəfinə badə qaldırılsın.
Sizin sağlığınıza, sağ olun!
______________________________________________
49
BOLQARISTAN XALQ MƏCLİSİNDƏ ÇIXIŞ
Sofiya
29 iyun 1995-ci il
Hörmətli Bolqarıstan parlamentinin sədri cənab Sendov,
hörmətli parlament üzvləri, hörmətli xanımlar və cənablar!
Azərbaycan Respublikası adından, Azərbaycan xalqı adından sizi və sizin
simanızda bütün Bolqarıstan xalqını səmimi qəlbdən salamlayıram, sizin
ölkənizə və xalqınıza Azərbaycan xalqının hörmət və ehtiramını bildirirəm.
Bolqarıstan Respublikasının prezidenti hörmətli cənab Jelyu Jelevin
dəvətini böyük məmnuniyyətlə qəbul edib, mən sizin ölkənizə rəsmi səfərə
gəlmişəm və artıq bir neçə saatdır ki, biz burada çox səmərəli əməkdaşlıq
edirik. Bolqarıstan prezidenti hörmətli cənab Jelyu Jelev və mən
Bolqarıstanla Azərbaycan arasında dostluq və əməkdaşlıq haqqında çox
əhəmiyyətli saziş imzaladıq. Bundan başqa, iqtisadiyyatımızın, iqtisadi
əlaqələrin inkişafı üçün və onların inkişafına şərait yaratmaq üçün bir neçə
saziş də imzalandı. Mən bu sazişlərin imzalanmasını Bolqarıstan ilə
Azərbaycan arasındakı əlaqələrin inkişafı üçün yeni bir mərhələ hesab
edirəm.
Azərbaycan Respublikası üç il yarımdır müstəqil dövlət kimi yaşayır,
Azərbaycan Respublikası 1918-ci ildə əldə etdiyi müstəqilliyi keçmiş
Sovetlər İttifaqı dağıldıqdan sonra bir daha bərpa etməyə nail oldu. Xalqımız
dövlət müstəqilliyini və milli azadlığı tarixi bir nailiyyət hesab edir və
müstəqilliyi daimi etmək əzmi ilə yaşayır. Ona görə də sizə bəyan etmək
istəyirəm ki, bu müstəqillik Azərbaycan üçün daimi olacaqdır. Bir müstəqil
dövlət kimi, Azərbaycanda ümumdemokratik, sivilizasiyalı dövlət yaranır.
Biz hüquqi cəmiyyət yaradırıq, insan hüquqlarının və bütün insan
azadlıqlarının qorunması bizim həm dövlət siyasətimizin, həm də
cəmiyyətimizdə gedən proseslərin əsasını təşkil edir. İqtisadiyyat sahəsində
Azərbaycan bazar iqtisadiyyatı, azad iqtisadiyyat yolu ilə gedir və bu sahədə
iqtisadi islahatlar keçirilməsi ilə məşğuldur. Biz aqrar sektorda islahatların
keçirilməsinə başlamışıq, özəlləşdirmə
______________________________________________
50
proqramı qəbul etmişik və yaxın vaxtlarda bu proqramın geniş surətdə həyata
keçirilməsinə başlayacağıq. Cəmiyyətimizdə siyasi plüralizm, bütün
azadlıqlar bərqərar edilib, hökm sürür. Bizdə çoxpartiyalı cəmiyyət
yaranıbdır. İndi Azərbaycanda qırxdan artıq partiya var və siyasi plüralizmi
təmin etmək üçün yüzlərlə qəzet də çıxır.
İqtisadi sahədə gördüyümüz tədbirlər respublikamızı dünya iqtisadiyyatı
üçün açır və dünya iqtisadiyyatının Azərbaycana investisiya qoyması üçün
hər cür şərait yaradılır. Bu baxımdan ötən ilin sentyabrında Azərbaycan
Respublikası ilə Qərbin aparıcı neft şirkətləri arasında bağlanmış böyük
müqavilədən sizə danışmaq istəyirəm. Həmin müqavilədə Xəzərin
Azərbaycan Resjpublikasına aid sektorundakı neft yataqlarının Qərb şirkətlən
ilə birlikdə işlənməsi və bundan ölkəmizin faydalanması, xarici ölkə şirkətləri
tərəfindən Azərbaycan iqtisadiyyatına investisiya qoyulması nəzərdə
tutulubdur.
Demək istəyırəm ki, respublikamızda xarici investisiyalar üçün bütün
şərait yaradılıb, o cümlədən qanunlar qəbul olunubdur. Odur ki, biz bütün
xarici ölkələri Azərbaycana investisiya qoymağa dəvət edirik.
Ölkəmizdə demokratik prinsiplərin inkişaf etməsi üçün bu il, 1995-ci il
xüsusi əhəmiyyətə malikdir. Noyabrın 12-də müstəqil Azərbaycan
Respublikasının ilk demokratik parlamentinə seçkilər olacaq və bu seçkilər
tam demokratik prinsiplər əsasında, çoxpartiyalı sistem əsasında
keçiriləcəkdir. Həmin vaxt Azərbaycanın yeni demokratik konstitusiyası da
qəbul olunacaqdır. İndi biz bu konstitusiyanın üzərində işləyirik.
Konstitusiyada Azərbaycanın gələcəkdə də demokratik və hüquqi dövlət kimi
inkişaf etdirilməsi üçün əsas yaradılır.
Azərbaycan Respublikası çoxmillətli respublikadır. Azərbaycanda
yaşayan bütün xalqlar milli mənsubiyyətindən, dinindən, dilindən, siyasi
dünyabaxışından asılı olmayaraq, hamısı eyni hüquqa malikdir və
Azərbaycanın dövlət strukturlarında, ictimai təşkilatlarında bərabər hüquqla
iştirak edir.
Ola bilər, mətbuatdan sizə məlumdur ki, son illər Azərbaycanda ictimai-
siyasi proseslər çox kəskin gedib, hakimiyyət uğrunda mübarizə olub, üç dəfə
hakimiyyət dəyişikliyi baş veribdir və son bir il ərzində iki dəfə silah
vasitəsilə dövlət çevrilişinə cəhd göstərilibdir. Lakin Azərbaycanın indiki
dövləti bütün bunların qarşısını ala bilir və bundan sonra da almağa qadirdir.
Azərbaycanda ictimai-siyasi vəziyyət sabitdir.
Dostları ilə paylaş: |