46
mömünlərin yalnız dini baĢçısına çevrildi. Məhz bu dövrdən Azərbaycan
ərazisində deyləmli Salarilərin, mənĢəcə kürd olan ġəddadilərin, əsilləri ərəb olan
Rəvvadilərin müstəqil hökmranlıq dövrləri baĢlanır. Bağdadda oturan ərəb xəlifəsi
isə bu illərdə də bütün müsəlman dünyasının, o cümlədən azərbaycanlıların yalnız
dini rəhbəri idi. 1055-ci ildə Xilafətdə siyasi hakimiyyəti Ģiə buveyhilərin əlindən
almıĢ sünni səlcuqlar xəlifəni Ģiələrin hökmranlığından qurtarsalar da, siyasi
hakimiyyəti indi də özlərində saxladılar. Yalnız XII əsrdə xəlifə əl-Muktəfi (1136 –
1160), bir qədər sonra isə ən-Nasirin (1180 – 1225) hakimiyyət illərində baĢlanan
Abbasi xəlifələrinin dirçəliĢ dövrü, monqolların Bağdadı iĢğalı və son Abbasi
xəlifəsi əl-Müstəsimin (1242 – 1258) öldürülməsi ilə baĢa çatır.
Azərbaycanda da 1136-cı ildə hakimiyyət baĢına gəlmiĢ atabəy – Eldənizlər
dövləti artıq XarəzmĢah Cəlaləddin Mankburninin zərbəsi altında ömrünü baĢa
vurmuĢ, yeni bir dövr – monqol hökmranlığı dövrü baĢlamıĢdı.
ƏRƏB ĠġĞALI – NƏTĠCƏ, TƏSĠR, ĠZLƏRĠ...
Ərəb istilası və Xilafətin Azərbaycanda uzun sürən ağalığı ölkənin siyasi
həyatında olduğu kimi ictimai-iqtisadi və mədəni həyatında da dərin iz qoydu. Bu
vəziyyət, müvəqqəti də olsa, məhsuldar qüvvələrin inkiĢafını və ölkənin mədəni
tərəqqisini ləngitsə də Azərbaycanın geniĢ ərazili Xilafət tərkibinə daxil edilməsi,
obyektiv olaraq onu ümumi müsəlman mədəniyyətinə cəlb etdi, Ġslamın burada
geniĢ vüsət tapmasına Ģərait yaratdı.
Yarandığı ilk gündən ərəb-müsəlman dövləti teokratik (yəni siyasi
hakimiyyətin ruhanilərin əlində olması) quruluĢlu dövlət idi. Dünyəvi və dini
hakimiyyətin vahid hökmdarın – xəlifənin əlində birləĢməsi ilahi qanunların yerinə
yetirilməsi kimi qiymətləndirilirdi. Ġslamı qəbul etmiĢ hər bir müsəlman hər Ģeydən
əvvəl dini icmanın üzvü, ondan sonra isə bu və ya digər yerin sakini, hər hansı
millətin nümayəndəsi idi. Ona görə də milli-etnik sərhədlər yox dərəcəsində və ya
çox zəif idi, dini mənsubiyyət isə çox iĢdə əsas amil hesab olunurdu. Bəzən
mənĢəcə ərəb olmayan, lakin əsərlərini ərəb dilində yazan hər hansı alim və ya
yazıçının etnik mənsubiyyətini müəyyənləĢdirmək və ya üzə çıxarmaq çətin, hətta
qeyri-mümkün olurdu. Belələrinin Xilafətin mənəvi həyatında iĢtirakı ümumi ərəb
müsəlman mədəniyyətinin inkiĢafına səbəb olur, onlar həm ərəb, həm də öz milli
mədəniyyətlərinin nümayəndəsi kimi çıxıĢ edirdilər.
Ġslamın geniĢ vüsəti ilə əlaqədar bu dini qəbul etmiĢ bütün xalqlar kimi
ümumi “müsəlman” məfhumu ilə birləĢmiĢ azərbaycanlılar da, xüsusilə IX əsrin
ortaları – X əsrlərdə tərəqqi, X – XII əsrlərdə isə çiçəklənmə dövrünü keçirən
müsəlman mədəniyyətinin inkiĢafı prosesində iĢtirak edirdilər. Ərəb Ģərqinin
mədəni mərkəzləri olan Bağdad, Kufə, Bəsrə, DəməĢq, Qahirə və baĢqa Ģəhərlərə
təhsil almaq üçün çoxlu azərbaycanlı gedirdi.
47
ĠĢğalın ilk dövründə isə yerli əhali ilə ərəblər arasındakı münasibət çox
mürəkkəb idi və əsasən iĢğal prosesində bağlanılmıĢ müqavilələrlə tənzimlənirdi.
Bu müqavilələrin məzmunundan görünür ki, Ərəbistan və baĢqa yerlərdə olduğu
kimi Azərbaycanda da yalnız bütpərəstlər zorla, lazım gəlsə, qılınc gücünə tabe
edilir və müsəlmanlaĢdırılırdılar, yerdə qalan əhaliyə isə əvvəlki etiqad və adətlərə
əməl etmək icazə verilirdi. “Əhli kitab” xalqlar (yəni müqəddəs dini kitabları olan
yəhudilər və xristianlar), o cümlədən, ilk çağlar, atəĢpərəst olan azərbaycanlılar da
əvvəlki etiqadlarında qalır, əvəzində isə can vergisi – cizyə verirdilər. Müsəlman
icmasının qəbul etdiyi qaydaya görə cizyəni yalnız kiĢilər ödəyir, “uĢaqlar,
qadınlar, xroniki xəstələr, eləcə də heç bir vəsaiti olmayan adamlar və heç bir gəliri
olmayan zahidlər” verginin bu növündən azad olunurdular.
Ərəblər, hələ Məhəmməd dövründən etibarən, baĢqa dinə etiqad edənləri,
ümumiyyətlə, dinsiz hesab etdikləri bütpərəstlərdən fərqləndirir, sonuncuları zorla
da olsa ram etməyə çalıĢır, vahid Allaha inam gətirib, ona öz qaydalarına əsasən
etiqad edən xristian və yəhudilərə qarĢı iltifatlarını əsirgəmirdilər.
Ərəb iĢğalı Azərbaycan əhalisinin etnik tərkibinə və yerləĢdirilməsinə də
təsir göstərdi. O dövr hadisələrini əks etdirən mənbələr ərəb hücumu ərəfəsində
Sasani imperiyası tərkibində siyasi müstəqilliyini itirsə də adını Ģimallı-cənublu
bütün torpaqlarımızda saxlamıĢ Adurbadaqan – Azərbaycan inzibati ərazi
bölgəsində (kustunda)
*
müxtəlif dillərdə danıĢan onlarla tayfanın yaĢadığını xəbər
verir, “Azərbaycanın ta qədimdən türklərin ölkəsi” olduğunu da bildirir (bu
məlumatı VII əsrin 60-cı illərində olan hadisələri bizə çatdıran, lakin əsəri
dövrümüzədək yetiĢməyən ərəb tarixçisi Abid ibn ġəryə əl-Curmuhi vermiĢdir).
Lakin, əsasən, həm Ģimalın, həm də cənubun aran yerlərində məskunlaĢmıĢ
çoxsaylı xəzərlər, qıpçaqlar, sabirlər (savirlər) və baĢqa türkdilli tayfalarla yanaĢı
burada qafqazdilli udinlər, qarqarlar, xınalıqlılar, ləzgilər, irandilli azərilər, tatlar,
talıĢlar, kürdlər və baĢqaları yaĢayırdılar. Albaniyanın bəzi vilayət adlarındakı “sak”
kökü (Balasakan, Arsak, Sisakan, Sakasena, ġaki – Saki, Maskat – Masakat) bu
ərazidə sak tayfalarının vaxtilə üstün olduğuna dəlalət edir
**
.
Ərəb mənbələri (Ġbn əl-Fəqih, Yaqut, əd-DiməĢqi və b.) Azərbaycan və
Arran əhalisinin mənĢəyi haqqında bir neçə rəvayəti, daha doğrusu, nəsl Ģəcərə
cədvəlini qoruyub saxlamıĢlar. Bu cədvələ əsasən azərbaycanlılar (burada cənub
azərbaycanlıları nəzərdə tutulur) Nuh peyğəmbərin oğlu Sam (Sim), onun oğlu əl-
Əsvəd, onun oğlu Ġran, onun oğlu Azərbazdan törənmiĢlər; yəni, azərbaycanlıların
ulu babası Azərbaz olmuĢdur. VII – IX əsrin görkəmli alimlərinə istinad edən bu
müəlliflər ona Beyvərasif oğlu Azərbaz da deyirlər. Bu məlumat, göründüyü kimi,
Nuh peyğəmbərin dünyanı öz oğlanları Sim, Ham və Yafət arasında bölüĢdürməsi
haqqında Tövrat və Ġncildə olan rəvayətlə səsləĢir.
*
Kust – Sasani dövründə inzibati vahid; vilayət mənasını verirdi.
**
Alimlər sakların türkdilli və irandilli olduqlarını sübut edirlər.
Dostları ilə paylaş: |