________Milli Kitabxana________
43
mədəniyyətləri zənginləşdirmək, onu bəşər mədəniyyətinin
ayrılmaz tərkib hissəsinə çevirmək olar.
Mədəniyyət siyasəti mədəniyyətin inkişafında böyük rol
oynayır, çünki mədəniyyət siyasi amillərdən, dövlətin mədəni
inkişafına təkan verən və ya tormozlayan siyasi sistemindən
asılıdır (18, s.28-29).
Türkiyə Cümhuriyyətinin beşillik inkişaf planı ilə bağlı
xüsusi ixtisas komissiyasının hesabatında göstərilir ki, iqtisadi
və sosial inkişaf fəaliyyətləri iqtisadi olduğu qədər bəşəri
mülahizələrlə
də
yönləndirilmə
məcburiyyətindədir. Bu
səbəbdəndir ki, mədəniyyət məsələlərilə bağlı fəaliyyətlər
təlim-tərbiyə ilə əlaqəsini davam etdirməklə bərabər özəl bir
xarakter və hədəflər mənzuməsi halını almışdır.
Millətlərarası bir quruluş olan YUNESKO-da ittifaqla
qəbul edilən tarifə görə mədəniyyət, bir insan cəmiyyətinin öz
tarixi təkamülü xüsusunda sahib olduğu şüur deməkdir. Bu
insan cəmiyyəti bur tarixi təkamül şüuruna aid mövcudiyyətini
davam etdirmə əzmini göstərir və inkişafını təmin edir.
Ölkəmizin çox yaxın keçmişdə qarşılaşdığı böhranın
təməlində sosial və mədəni dəyərlər etibarilə yaradılan çox
ciddi bir qərarsız və tutarsız dəyərlərin gənclərimizin zehninə
nəqş edilə bilmiş olaması durur. Ancaq bu yollardır ki, ölkəni
bölmə cəhdləri inkişaf edə bilmiş, öz dövlətinə və insanına
qruplar ortaya çıxa bilmişlər. Və yenə bu yolla çalışma və
istehsal qarətlərinə səd çəkilə bilmiş, iqtisadi və sosial sabitlik
bərabərcə pozulmuşdur (109, s.XXII).
Türkiyənin beşillik inkişaf planı ilə bağlı xüsusi ixtisas
komissiyasına göndərdiyi məktubunda Turqut Özal yazırdı:
“Bu gün cəmiyyəti gücləndirməyə yönəldilmiş bütün səylər,
müdaxilə edilə bilir maddi ünsürlərə olduğu qədər bəşəri
ünsürlərə də yönəlmək məcburiyyətindədir. İnkişaf sadəcə
kapital deyil, insan ünsürünə də dayandırıldığı zaman bütünlük
ərzedən və ulaşılabilir bir hədəf halını almaqdadır. Xarici
dünyaya açılan ölkəmiz, ölkə xaricində yaşayan yüz minlərcə
________Milli Kitabxana________
44
vətəndaşlarımızla birlikdə dəyərləndirilirsə, xarici təsirlərə
ancaq öz mədəni dəyərlərinə sahib çıxaraq, milli xarakterilə
müqavimət edəcək, birlik və bərabərliyini qoruya biləcəkdir.
Dövlət iqtisadi və sosial inkişafın kəmiyyəti ilə olduğu qədər
keyfiyyəti ilə də maraqlanmaq məcburiyyətindədir. Bu mənada
dövlətin mədəniyyət fəaliyyətlərini tənzimləməsi, cəmiyyətin
maddi rifahı ilə mənəvi mirası arasında ahəngli bir bütünləşmə-
ni təmin etmək və inkişaf yoluyla əldə edilən inkişafı nəticədə
insanlarımız üçün bir daxili zənginliyin qaynağı halına
gətirmək hədəfinə yönəldilmiş olmalıdır. Bu səbəblə iqtisadi
inkişaf səylərimizi geniş bir proqram çərçivəsində davam
etdirirkən, insan ünsürünə və millətimizin tarixindən süzülüb
gələn mənəvi mirasına da əyilmək zorundayıq. Milli xarakter
və dəyərlərimiz inkişaf səylərinin həm başlıca dayanağı həm də
hədəfi olmaq məcburiyyətindədir (109, s.XXIII).
Dünya və
Azərbaycan elmi fikrindən gətirdiyimiz
nümunəlrdən də göründüyü kimi mədəniyyət anlayışı həm
geniş, həm də çərçivələnmiş mənalarda tərif edilməkdədir.
Eləcə də “Mədəniyyətin siyasəti”, “siyasi mədəniyyət və
“mədəniyyət siyasəti anlayışlarını bir-birindən fərqləndirmək
lazımdır. Akademik Fuad Qasımzadənin yazdığı məqalədə bu
barədə deyilir: “XX əsrin italyan filosofu Norbert Babbionun
(1909-cu ildə anadan olmuş, əsərləri əsasən əsrin ortalarında
Turində nəşr olunmuşdur) yaradıcılığı baxımından bu vacibdir.
Liberalizm
tərəfdarı
olan
Babbio
siyasi
mübarizəni
gücləndirməyi, kəskinləşdirməyi ziyalıların vəzifəsi sayırdı.
Ziyalıların siyasi fəaliyyətini o, “mədəniyyətin siyasəti hesab
edirdi və onu mədəni siyasətə qarşı qoyurdu. Bu partiyaların
mənafeyinə uyğun gəlir (61, s.74).
Digər tədqiqatlarda isə “siyasi mədəniyyət” anlayışının
elmə ilk dəfə Q.Almond və S.Veberin gətirdikləri qeyd edilir.
Hər iki alimin apardıqları araşdırmaların məqsədi fərdin və
cəmiyyətin siyasi sistemi daxilində oynadığı rolun, eləcə də
Qərb siyasi həyat tərzinin mahiyyətini təşkil edən demokrati-
________Milli Kitabxana________
45
yanın mədəni özüllərini müəyyənləşdirmək olub. S.Veberin
sosioloji görüşlərinə əsaslanan Q.Almond belə hesab edirdi ki,
siyasi mədəniyyətin xarakteri siyasi quruluşla müəyyən olunur
və onun strukturu sistemdə fərdin siyasi fəaliyyət formaları,
davranışları və inamlarından ibarətdir. Q.Almondun həmkarı
S.Veberin irəli sürdüyü tezisə əsasən siyasi mədəniyyət fərdin
siyasi sistemi bütövlükdə psixoloji planda dərk etməsidir.
Böyükağa Qubatoğlunun fikrinə əsasən siyasi mədəniyyət
şəxsiyyətin mühüm diqqəti cəlb edən keyfiyyətidir. O, ideya və
siyasi şüurla sıx surətdə bağlıdır. Bunlar isə dünyagörüşün
mühüm cəhətləri və siyasi mədəniyyətin nüvəsidir. Buna görə
də siyasi şüurun, siyasi təfəkkürün və daxili mədəniyyətin
inkişafı olmadan siyasi mədəniyyətin varlığından söhbət ola
bilməz. Siyasi şüur və siyasi mədəniyətin yüksəlməsi, cəmiy-
yətdə buna uyğun demokratik dəyərlərin qəbulu demokratik
rejimin yaradılması üçün sosial zəmin hazırlayır(65, s.66-68).