________Milli Kitabxana________
68
respublikadır. Azərbaycan Respublikasının 1995-ci il noyabrın
12-də ümumxalq referendumunda qəbul edilən hazırkı Kons-
titusiyası qanunverici, icraedici və məhkəmə hakimiyyətlərinin
bölünməsini, prezident, parlament və bələdiyyə seçkilərinin
keçirilməsini nəzərdə tutur. Azərbaycan Respublikasının siyasi
modeli “prezident respublikası”na uyğundur. Siyasi qərarlar
qüvvədə olan qanunvericilik çərçivəsində Azərbaycan Respub-
likasının prezidenti səviyyəsində qəbul edilir, sonra isə Nazirlər
Kabineti və nazirliklər vasitəsilə həyata keçirilir. Milli Məclis
majoritar sistemlə 5 il müddətinə seçilən 125 millət vəkilindən
ibarətdir. Məhkəmə səlahiyyətləri Konstitusiya, ali və iqtisadi
məhkəmələrə, habelə aşağı səviyyəli ümumi və ixtisaslaşmış
məhkəmə instansiyalarına verilmişdir. 2002-ci il avqustun 24-
də keçirilən ümumxalq referendumuna əsasən ölkənin bundan
sonra da demokratik yolla irəliləməsi üçün konstitusiyaya
əlavələr və düzəlişlər edilmişdir. Azərbaycanda vətəndaş cə-
miyyəti quruculuğu prossesi öz inkişafının birinci mərhələsini
yaşayır. Ədliyyə Nazirliyində 1500-ə yaxın qeyri-hökumət
təşkilatı qeydiyyatdan keçmişdir, çox sayda QHT qeydiyyatsız
fəaliyyət göstərir. Lakin, onlardan yalnız çox az bir qismi
həqiqətən fəal hesab olunur. QHT-lərin əksəriyyəti lazımi
maliyyə mənbələri, təşkilati vərdiş, tədqiqat potensialı və
iştirakçıların sayı baxımından ciddi korluq çəkir.
Azərbaycan Respublikası 30-dan artıq beynəlxalq və
regional təşkilatın üzvüdür: ATƏT (yanvar, 1992), BMT (mart,
1992), YUNESKO (iyun, 1992), İƏT (İqtisadi Əməkdaşlıq
Təşkilatı, 1992), Avropa Bərpa və İnkişaf Bankı (1992), Dünya
Bankı (1992), İslam Konfransı Təşkilatı (1992), Qara Dəniz
İqtisadi Əməkdaşlıq Təşkilatı (1992), TÜRKSOY (iyul, 1993),
MDB (sentyabr, 1993), YUNİSEF (1993), Ümumdünya
Səhiyyə Təşkilatı (oktyabr, 1992), İNTERPOL (1993), Bey-
nəlxalq Olimpiya Komitəsi (1993), Beynəlxalq Qırmızı Xaç və
Qırmızı Aypara Federasiyası (1993), GÖUAM (1997), Avropa
Şurası (yanvar, 2001) və s. Bundan əlavə, Azərbaycan
________Milli Kitabxana________
69
Respublikası 1996-ci ildə Avropa Birliyi ilə tərəfdaşlıq və
əməkdaşlıq sahəsində müqavilə imzalamışdır və 1994-cü ildən
etibarən NATO-nun “sülh naminə tərəfdaşlıq” proqramında
iştirak edir.
Azərbaycanın xarici siyasəti milli dövlət müstəqilliyinin və
onun ərazi bütövlüyünün qorunmasına və gücləndirilməsinə,
bərabərhüquqlu və qarşılıqlı faydalı münasibətlərin inkişafına,
dünyanın bütün ölkələri ilə dostluq əlaqələrinin qurulmasına
yönəldilmişdir. Azərbaycanın coğrafi vəziyyəti, sosial-siyasi
səyləri, tarixi-mədəni
ənənələrindən doğan transregional
xüsusiyyətləri müstəqil Azərbaycan Respublikasının gələcəkdə
daha da inkişaf edəcəyinə və möhkəmlənəcəyinə hər cür əsas
verir. Bu da, heç şübhəsiz, onun daxili və xarici mədəniyyət
siyasətinin inkişafına böyük təkan verəcəkdir (139).
Müasir Azərbaycanın mədəniyyət siyasəti, hər şeydən
əvvəl, öz tarixinin son on yeddi ilini müstəqillik bayrağı altında
yaşayan bir ölkənin siyasətidir. Siyasi rejimin dövlət
quruculuğu,
iqtisadiyyat
və
sosial
sahələrdə
köklü
dəyişikliklərə səbəb olan transformasiyası mədəni prossesin
məzmununa və dinamikasına bilavasitə təsir göstərmişdir. Eyni
zamanda, həyat gerçəkliyinin spesifik inikas forması olan və
düşüncənin, psixologiyanın, sosial şüurun dərin qatlarına nüfuz
edən mədəniyyətdə baş verən dəyişikliklər digər sahələrdəki
kimi heç də sürətli və aşkar şəkildə olmamışdır. Son illərdə
ölkənin mədəni həyatında baş verən prosseslər üçün “sovet”
keçmişindən “postsovet” indisinə
nisbətən hamar keçid
xarakterikdir.
Şərti
olaraq
bu
prossesi
mədəniyyətdə
“məxməri” inqilab adlandırmaq olar, çünki baş verənlərin
tempi, metodları və xarakteri “dəyişiklik naminə dəyişikliyə”
deyil, yeni reallığın tədricən mənimsənilməsinə yönəlmişdir.
Qeyd etmək lazımdır ki, siyasi, iqtisadi, hüquq-mühafizə və
təhsil sahələrindən fərqli olaraq mədəniyyət rəsmən islahatlar
sahəsi elan edilməmişdi və bunun da nəticəsi olaraq dövlət
tərəfindən
verilən
əlavə
güzəştlərdən
və
beynəlxalq
________Milli Kitabxana________
70
təşkilatların maliyyə yardımından məhrum qalmışdı. Ancaq
burada
həm
aşağı,
həm
də
yuxarı
səviyyədə
dəyişiklər deklarativ bəyanatlar olmadan baş vermişdir (139).
Bəs bu dəyişiklərin məğzi nədən ibarətdir? Onların həyata
keçirilməsi mexanizmləri hansılardır? Bu dəyişikliklərin
gerçəkləşməsinə cəmiyyətin hansı təbəqələri cəlb olunmuşdur?
Azərbaycanın müasir mərhələdə mədəniyyət siyasətini araşdır-
maq istəyən hər kəs istər-istəməz bütün bu, eləcə də digər
suallara cavab tapmaq məcburiyyətindədir. Çox güman ki,
əvvəlki illərin süst düşüncəsindən tədricən azad olan
cəmiyyətin öz şüurunda baş verən dəyişiklikləri son on ilin ən
başlıca nailiyyəti adlandırmaq olar. Azərbaycanda yeni mədə-
niyyət siyasəti yuxarıların təşəbbüsü ilə deyil, real həyatda baş
verən prosseslərin inikası kimi formalaşmışdır. Müasir dövrün
çox sürətlə dəyişən sosial mədəni konteksti, qloballaşma
prosseslərinin güclənməsi, mədəniyyət sahəsində prioritetlərin
yenidən bölüşdürülməsi, kütləvi mədəniyyətin və mədəniyyət
industriyasının ümumi mədəni həyat panoramına müdaxiləsi,
bədii irsin qorunub saxlanması və yeni nəsillərə ötürülməsi
sahəsində kommunikativ partlayış və nəhayət mədəniyyətin
labüd inkişaf amili olduğunun aydın dərk edilməsi,
mədəniyyətin, eləcə də mədəniyyət siyasətinin prinsipal şəkildə
yeni dərki üçün zəmin yaratdı. Bununla yanaşı, nəzərə almaq
lazımdır ki, real mədəniyyət siyasəti özünə ağ kağız üzərində
hansısa ideal bir layihə yarada bilməz. Bu layihədə keçid
dövrünün bütün çətinlikləri və ziddiyyətləri, əvvəlki və indiki
zamanın bütün reallıqları nəzərə alınmalıdır (139).
Mədəniyyəti idarə etmək mümkündürmü? Mədəniyyətlə
dövlətin birgə mövcud olduğu uzun əsrlər boyu bu sual nəinki
öz aktuallığını itirməmiş, inkişaf etməkdə olan vətəndaş
cəmiyyəti şəraitində həm də yeni məna kəsb etmişdir. Bu gün
mədəniyyətin komanda-inzibatçılıq metodundan imtina edil-
məklə idarə olunması, bu sahənin hüquqi və maliyyə təmina-
tının həyata keçirilməsi, onun strateji inkişaf xəttinin işlənib
Dostları ilə paylaş: |