________Milli Kitabxana________
56
Nazirlikdə, yerli hakimiyyət orqanlarında və mədəniyyət
müəssisələri səviyyəsində lazımi sayda mədəniyyət meneceri
və inzibatçısı olmadan heç bir islahat həyata keçirilə bilməz.
Bunun ardınca isə sektoral islahat proqramları, məsələn, mu-
zeylər, kitabxanalar, teatrlar üçün proqramlar həyata keçiril-
məlidir” (139).
Belə qənaətdəyik ki, müasir dövrdə Azərbaycan dövlətinin
mədəniyyət siyasətini, getdikcə daha cox qloballaşan və həm
də siyasiləşən dünyanın siyasi hadisələrindən təcrid edilmiş
şəkildə təhlil və şərh etmək doğru olmaz. Və bu məsələdə
hökmən siyasi amillərin mahiyyətinə və təsiretmə gücünə
diqqət yetirmək lazımdır. Bunun üçün də ilk növbədə siyasi
anlayışların, o cümlədən “siyasət” məfhumunun etimoloji ma-
hiyyətinə açıqlıq gətirməyə ehtiyac vardır. Belə ki, bu
məfhumla bağlı fəlsəfi lüğətlərdə əsasən belə qeyd edilir ki,
siyasət – siniflər, millətlər və digər sosial qruplar arasındakı
münasibətlərlə bağlı, əsas məqsədi dövlət hakimiyyətinin ələ
keçirilməsindən, əldə saxlanılmasından və istifadə olunmasın-
dan ibarət fəaliyyətdir. Siniflər arasındakı münasibətlər və
deməli, onların köklü mənafelərini ifadə edən siyasət həmin
siniflərin iqtisadi vəziyyətindən irəli gəlir. Siyasi ideyalar və
onlara uyğun təsisatlar iqtisadi bazis üzərində üstqurumu təşkil
edir. Lakin bu heç də o demək deyildir ki, siyasət guya
iqtisadiyyatın passiv nəticəsidir. Siyasətin dəyişdirici qüvvəyə
çevrilməsi üçün o, cəmiyyətin maddi həyatının inkişafı
tələbatını düzgün əks etdirməlidir. Mürtəce qrupların siyasəti
cəmiyyətin irəliyə doğru inkişafını ləngidir, çünki bu siyasət
cəmiyyətin obyektiv tələbatının ziddinə aparılır. İctimai
həyatın müxtəlif sahələrinə uyğun olaraq siyasət iqtisadi,
sosial, milli, aqrar siyasəti və sairəyə bölünür (39, s.371).
1985-91-ci illərdə keçmiş SSRİ tarixinə “yenidənqurma və
aşkarlıq” bir dövrü kimi daxil olmuşdur. Bu dövr Sov. İKP-nin baş
katibi və SSRİ-nin birinci prezidenti M.S.Qarboçovun adı ilə
bağlıdır. Həmin dövrdə SSRİ məkanında mühüm hadisələr baş
________Milli Kitabxana________
57
vermişdir. Sovet İttifaqı və sosialist düşərgəsi dağılmış, kommunist
partiyaların
monopolyalarına
son
qoyulmuş,
iqtisadiyyat
liberallaşdırılmış, senzura yumşaldılmış, söz azadlığının əlamətləri
üzə çıxmışdır. Eyni zamanda xalqın maddi vəziyyəti pisləşmiş,
planlı iqtisadiyyat dağılmışdır. Keçmiş sovetlər birliyində birləşən
dövlətlər müstəqillik əldə etdi, o cümlədən Rusiya Federasiyası
yaradıldı. Ayrı-ayrı ölkələrdə eyni zamanda Rusiya Federasiya-
sında 1993-cü ildən ümumxalq referendum keçirildi, Rusiyada
B.N.Yeltsin hakimiyyətə gəldi. Onun dövründə Rusiya Federasiya-
sında mədəni situasiyaya köklü sürətdə dəyişməyə doğru getdi.
Xaricdə və sürgündə olan məşhur mədəniyyət xadimləri geriyə
qayıtdı. O cümlədən, musiqiçilər M.L.Rostropoviç, müğənni
Q.Vişnevskaya, yazıçılar A.Soljenitsin və T.Voynoviç, rəssam
E.Neizvestnı və başqaları geriyə qayıtdı. Lakin bu dövrdə
Rusiyadan minlərlə alimlər və mütəxəsssislər o cümlədən, texnika
elmləri sayəsində tanınmış mütəxəssislər vətəni tərk etdilər.
Azərbaycandan da Avropaya, Amerikaya, xüsusilə Türkiyəyə
müəllim işləmək üçün alimlər, musiqiçilər və digər sahələrdəki
mütəxəssislər getmişdir. 1991–94-cü illərdə Rusiyada elmə ayrılan
maliyyə vəsaitinin 80%-ə qədəri ixtisara düşdü. 70-90 min nəfərə
qədər 31-45 yaşlı alim hər il xaricə işləməyə getməyə başladı.
Xüsusilə, gənc kadırların artımı aşağı düşmüşdü. Təkcə 1994-cü
ildə ABŞ-a 444 min patent və lisenziyalar satılmışdır. Rusiyada isə
yalnız 4 min potent və lisenziyalar satılmışdır. Rusiyanın elmi
potensialı 3 dəfə azalmışdır. Əgər 1980-cı ildə elmlə məşğul olan 3
milyon mütəxəssis çalışırdısa, 1996-ci ildə elmlə məşğul olanlar 1
milyondan az idi (137, s.10).
Eləcə də ötən əsrin son onilliyində Azərbaycanda elmə sərf
olunan maliyyə xərcləri özünü minimal şəkildə göstərirdi. Elmi
konfranslarda, seminarlarda və s. tədbirlərdə iştirak etmək üçün
xaricdən dəvət almış tanınmış alimlərin heç biri maliyyə
ucbatından gedə bilmirdi. O zaman məlum olurdu ki, “beyinlərin
axını” inkişaf etmiş ölkələrdə mümkündür. Məntiqə görə hansı
ölkədən alimlər axını varsa, deməli həmin ölkə yüksək elmi və
________Milli Kitabxana________
58
mənəvi potensiala malikdir. Əgər Avropa və Amerikada keçmiş
SSRİ məkanından gələn alimlərə, mütəxəssislərə ən yaxşı
laboratoriyalarda iş verilirsə bu onu sübut edir ki, keçmiş dövrdə
sovet elmi qabaqcıl mövqelərə malik olmuşdur. Rusiyanın və
keçmiş SSRİ məkanındakı ölkələrin iqtisadi böhran səviyyəsinə
düşməsinə baxmayaraq onlar dünyaya müxtəlif elm və texnika
sahələrində yüzlərlə unikal kəşflər verə bilər. XX əsrin 90-cı
illərində mədəniyyətin maliyyələşməsinin azalması saysız-hesabsız
xüsusi nəşriyyatların yaranmasına mane olmadı. Keçmiş SSRİ
məkanında o cümlədən Azərbaycanda şəxsi mətbəələr və
nəşriyyatlar yarandı. Vaxtilə qadağan edilmiş, xüsusilə Freydin,
Zimmelin, Berdyayevin və s. alimlərin əsərləri çap olundu. Onlarla
ədəbi jurnallar, nəşr olunurdu. Yeni ədəbiyyat müstəqil sahə kimi
yüzlərlə əsərinin çapını gücləndirdi. Dindarların sayının artması
çoxsaylı məscidlərin tikilməsinə, müqəddəs yerlərin təmir
edilməsinə şərait yaratdı. Dini kitablarla yanaşı dini jurnallar da
nəşr olunmağa başlandı. Ali məktəblərin nəzdində ilahiyyat
fakultələri yaradıldı. Çoxsaylı ilahiyyatçılar müxtəlif sahələrdə
çalışmağa başladı. Sovet dövründə hətta ağla gəlməyəcək tədbirlər
həyata keçirildi. Əlbəttə 90-cı illərin sonunda qüsurlar olsa da, XX
əsrin sonunda XXI əsrin əvvəllərində mədəniyyət sahəsində sözün
həqiqi mənasında irəliləyiş özünü göstərməyə başladı (50, s.127).
Dostları ilə paylaş: |