________Milli Kitabxana________
83
və xarici tələblərə cavab verən qanunlar yaratmaq olmuşdur.
Bütün bu qanunların hamısında xüsusi olaraq qeyd edilir ki,
əgər mədəniyyət sahəsini tənzimləyən milli normativ hüquqi
aktlarla Azərbaycan Respublikasının qoşulduğu beynəlxalq
müqavilələr arasında ziddiyyət olarsa, o halda həmin
dövlətlərarası müqavilələrin müddəaları tətbiq olunur. Bu
vəziyyət məhz beynəlxalq hüquqi normaların bizim cəmiyyət
(dövlət) üçün prioritet təşkil etdiyini bir daha təsdiqləyir.
Mədəniyyət sahəsində qəbul edilən qanunvericilik aktlarına
“Mədəniyyət haqqında Qanun” (1998) kimi bütövlükdə mədə-
niyyət sahəsini tənzimləyən qanunlar və “Kinematoqrafiya
haqqında”, “Şəhərsalma haqqında”, “Muzeylər haqqında”,
“Nəşriyyat işi haqqında” və s. kimi mədəniyyət fəaliyyətinin
konkret növlərilə bağlı olan qanunlar daxildir.
Mədəniyyət haqqında qanunda, hər şeydən əvvəl, dövlət
siyasətinin prinsipləri, məqsədləri və vəzifələri ifadə olunmuş,
həmin sahədə mərkəzi (dövlət) və yerli (bələdiyyələr) icra
hakimiyyəti orqanlarının səlahiyyətləri müəyyən edilmişdir.
Bu qanunla hər bir şəxsin yaradıcılıq hüquqları və
azadlıqları, beynəlxalq əlaqələrin və əməkdaşlığın inkişafı,
habelə mədəniyyət sahəsində dövlətin antiinhisar siyasəti, milli
özünəməxsusluğun, o cümlədən həm Azərbaycan xalqının,
həm də tarixən Azərbaycan Respublikasında yaşayan etnik
qrupların mədəni irsinin qorunub saxlanması və inkişaf
etdirilməsi, mədəniyyət fəaliyyətilə məşğul olan ictimai
birliklərin və təşkilatların yaradılması imkanları təmin olunur.
Dövlətin bu sahəyə müdaxiləsi zorakılığın, irqi, milli və dini
dözülməzliyin, pornoqrafiya və narkomaniyanın təbliğinin
qadağan edilməsilə məhdudlaşır. Bu cür qadağaların real şəkil-
də fəaliyyət göstərə bilməsi məhkəmə proseduru vasitəsilə
təmin edilir. Mədəniyyət fəaliyyətinə digər müdaxilə formala-
rına qanunla icazə verilmir. Bir sözlə, mədəniyyət fəaliyyəti və
onun inkişafı ilə bağlı bir çox məsələlər həmin qanun
çərçivəsində ümumi şəkildə həll edilmişdir.
________Milli Kitabxana________
84
Azərbaycanın
mədəniyyət
siyasətinin
prioritet
problemlərindən birinə – mədəni irsin qorunub saxlanılmasına
gəldikdə isə, bu məsələ artıq hüquqi planda “Tarix və
mədəniyyət abidələrinin mühafizəsi haqqında”, “Milli Arxiv
Fondu haqqında”, “Kitabxana işi haqqında” qanunların qəbul
edilməsi sayəsində həll edilib. Tarix və mədəniyyət abidələrini
mühafizə etmək həm konstitusiyada, həm də “Mədəniyyət
haqqında Qanun”da hər bir vətəndaşın əsas vəzifəsi elan edilsə
də, ölkədə bu cür abidələrin aşkar edilməsi, öyrənilməsi,
qorunması və istifadəsilə bağlı münasibətləri tənzimləyən
xüsusi bir qanuna kəskin ehtiyac duyulurdu. Buna görə də,
“Tarix və mədəniyyət abidələrinin mühafizəsi haqqında”
qanun, abidələrin mühafizəsinin dövlət və bələdiyyə təminatı
ilə bağlı məsələləri, onların istifadəsi, öyrənilməsi, konservasi-
yası, təmiri, bərpası, yenidən qurulması, regenerasiyası və
təhlükəsizliyi qaydalarını ətraflı şərh edir. Qanunda abidələri
qorumaq məqsədilə aparılan abadlıq və möhkəmləndirici tikinti
işləri ilə bağlı problemlər hərtərəfli həll edilmişdir. Onda, tarix
və mədəniyyət abidələrinə ümumdünya, ölkə və yerli (regional)
səviyyədə mədəni dəyər statusu verilməklə onların tam
siyahısının tərtib və təsdiq edilməsi, dövlət uçotuna alınması və
pasportlaşdırılması,
daşınmaz
abidələrin
xəritəsinin
hazırlanması, onlar üzərində mülkiyyət formalarının müəyyən
edilməsi nəzərdə tutulmuşdur. Qanunda abidələrin bədii-estetik
simasının dəyişdirilməsinə və onların tamamilə və ya qismən
dağılmasına səbəb olan təmir, tikinti, təsərrüfat və digər növ
işlərin aparılmasının qadağan edilməsi də müsbət haldır.
Milli Arxiv Fondunun formalaşmasına və fəaliyyətinə
qoyulan yeni tələblər, dövlət və qeyri-dövlət arxiv fondunun və
onlarda saxlanılan sənədlərin mülkiyyət formalarının və
hüquqlarının dəqiq müəyyən edilməsinin vacibliyi, habelə bu
qədər böyük mənəvi sərvətin günün tələblərinə müvafiq
normativ-hüquqi əsaslarının olmaması bu sahədə xüsusi
qanunun hazırlanması və qəbul edilməsi zəruriyyətini doğur-
________Milli Kitabxana________
85
muşdur. “Milli Arxiv Fondu haqqında” Qanun arxivlərin fəa-
liyyəti, Milli Arxiv Fondunun formalaşdırılması, mühafizəsi və
istifadəsi ilə bağlı bütün münasibətləri tənzimləyir, arxiv
işçilərinin sosial müdafiəsini xeyli gücləndirir.
Kitabxana işinin təşkilinin təkmilləşdirilməsi, onun səmərə-
liliyinin gücləndirilməsi, məhsuldarlığının artırılması, eləcə də
kitabxana informasiyası sahəsində oxucuların hüquqlarının
təmin edilməsi məqsədilə ölkədə “Kitabxana işi haqqında”
qanun qəbul edilmişdir. Qanun cəmiyyətin intellektual və
mənəvi potensialının inkişafıına, ən müasir tələblərə cavab
verən bilik səviyyəsinin yüksəldilməsinə fəal yardım göstərir,
çünki o, kitabxanaların öz funksiyalarını, o cümlədən informa-
siya funksiyalarını həyata keçirmələri üçün, kitabxana işini
keyfiyyətcə yeniləmək və yaxşılaşdırmaq üçün möhkəm
hüquqi əsas yaradır. Qanunda başlıca diqqət həmin sahədəki
prinsiplərin qismən dəyişdirilməsinə deyil, yeni iqtisadi və
siyasi sistem şəraitində onların köklü surətdə yenidən nəzərdən
keçirilməsinə və yenidən formalaşdırılmasına yönəldilmişdir.
Bu qanun kitabxana işi sahəsində dövlət siyasətinin əsas
prinsiplərini, kitabxana sisteminin ümumi əsaslarını, kitabxana
fondlarının formalaşdırılması və mühafizəsi üçün zəruri olan
tələbləri,
kitabxanaların
maliyyə
mənbələrini,
onların
yaradılması və fəaliyyəti qaydalarını, vətəndaşların kitabxana-
lardan istifadə zamanı hüquq və vəzifələrini, kitabxana işi
sahəsində beynəlxalq əməkdaşlığın prinsiplərini müəyyən edir.
Tarix və mədəniyyət abidələrinin mühafizəsi ilə bağlı bütün
problemlərin hüquqi cəhətdən tənzimlənməsi beynəlxalq
konvensiyalara, o cümlədən “Silahlı münaqişələr zamanı mə-
dəni dəyərlərin qorunması haqqında” (Haaqa, 1954), “Ümum-
dünya mədəni irsinin mühafizəsi haqqında” (Paris, 1970),
“Mədəni dəyərlərin qeyri-qanuni aparılmasının, məsinin,
onların mülkiyyət hüququnun başqasına verilməsinin qadağan
edilməsinə və qarşısının alınmasına yönəldilən tədbirlər
haqqında” (Paris, 1970), “Oğurlanmış və
qeyri-qanuni
Dostları ilə paylaş: |