17
Əziz uşaqlar, sizin fikrinizcə Heydər Əliyev kimdir?
Cavablar:
Heydər Əliyev böyük azərbaycanlı idi. Bu kəlmələr bunun sübutudur. “Mən
fəxr
edirəm ki, azərbaycanlıyam”.
Heydər Əliyev böyük dövlət xadimi idi. “Azərbaycanın dövlət müstəqilliyi
bizim üçün ən əziz, ən qiymətli nailiyyətdir”.
Heydər Əliyev əsl vətənpərvər idi. “Bizim hamımızın bir Vətəni var – bu
Azərbaycan dövlətidir”.
Heydər Əliyev ana dilimizlə fəxr edirdi. “Biz indi müstəqil dövlət kimi, azad
xalq kimi öz dilimizlə, Azərbaycan dili ilə fəxr edirik”.
Heydər Əliyev qüdrətli sərkərdə idi. “Azərbaycanın ərazi bütövlüyünü təmin
etmək üçün hər bir döyüşə, hər bir vuruşa hazır olmalıyıq”.
Heydər Əliyev təhsilimizin himayədarı idi. “Təhsil hər bir dövlətin, ölkənin,
cəmiyyət həyatının, fəaliyyətinin mühüm bir sahəsidir”.
Heydər Əliyev tariximizin yaradıcısı idi. “Gərək biz tariximizi heç vaxt
unutmayaq, onun hə bir səhifəsinə hörmətlə, ehtiramla yanaşaq”.
Heydər Əliyev böyük müəllim idi. “Azərbaycanın müəllimləri ən yüksək
mənəviyyata, vətəndaşlıq hisslərinə malik olan insanlardır”.
Heydər Əliyev uşaqları çox sevirdi. “Uşaqlar bizim gələcəyimizdir”.
Heydər Əliyev gənclərlə qürur duyurdu. “Azərbaycan gəncləri Azərbaycanın
gələcəyidir.
Viktorina yekunlaşdıqda ən fəal oxucu kitabxananın müdiriyyəti tərəfindən
qiymətləndirilir.
Həmçinin ümummilli lider Heydər Əliyevdən bəhs edən ədəbiyyatların
icmalını keçirmək, bu tarixi şəxsiyyətin yaradıcılığından bəhs edən diskussiyalar
da təşkil etmək olar. İcmal və diskussiyaların məktəblərdə yuxarı sinif şagirdləri
arasında keçirilməsi məsləhətdir. Diskussiyalar keçirilərkən, Heydər Əliyev
haqqında yazılmış şeirlərdən, poemalardan, pyeslərdən söhbət açılır və bu haqda
oxucuların fikirləri öyrənilir.
Kitabxanalarda oxucular tərəfindən sevilən tədbirlərdən biri də müsabiqələrdir.
Tədbirlər içərisində rəsm, şeir müsabiqələri xüsusi yer tutur. Bildiyimiz kimi ulu
öndər Heydər Əliyevə şairlərimiz tərəfindən çox gözəl şeirlər yazılıb. Bu şeirləri
ən gözəl söyləyən oxucu müdriyyət tərəfindən mükafatlandırılır. Həmçinin
məktəbli oxucularımız arasında kitabxanada ulu öndərdən bəhs edən rəsm
müsabiqələri də təşkil etmək olar. Müsabiqə zamanı şəkilərin hazırlanması üçün
uşaqlara iki həftə vaxt verilir. Bu vaxt ərzində oxucular ulu öndər Heydər
Əliyevdən bəhs edən kitablarla, qəzetlərlə, jurnallarla tanış olurlar. Bu zaman
ərzində kitabxanaçılar uşaqlara yaxından kömək edirlər. Ən gözəl məna kəsb edən
rəsm işləri mükafatlandırılır. Həmçinin rəsm müsabiqələri üçün məktəblərarası
yarışmalar da təşkil etmək olar.
Rəsm müsabiqələri ilə yanaşı başqa müsabiqələrin də təşkili mümkündür.
Məsələn, uşaqların ifasında Heydər Əliyevdən bəhs edən mahnılar məktəbli
18
oxucular tərəfindən ifa olunur. Bu vaxt münsiflər heyəti yaradılır. Münsiflər heyəti
kitabxana müdirindən, teatrımızın görkəmli nümayəndələrindən, bəstəkarlardan
təşkil edilir.
Kitabxanalarda yuxarı sinif şagirdlərinin iştirakı ilə “Heydər Əliyevin
fəaliyyəti müasir gəncliyin gözü ilə” oxucu konfransı da təşkil etmək mümkündür.
Konfransdan öncə onun proqramı tərtib olunmalı, konfransın keçiriləcəyi dəqiq
vaxt müəyyən olunmalıdır. Proqramda konfransda çıxış edəcək qonaqların,
tarixçilərin, ədəbiyyatşünasların və şagirdlərin adları, onların çıxış edəcəkləri
mövzular, tədbirin keçiriləcəyi məkan və zaman qeyd olunur. Konfrans zamanı
Heydər Əliyevin fəaliyyətinə, yaradıcılığına yaxından bələd olan millət vəkilləri,
Mədəniyyət və Turizm Nazirliyinin nümayəndələri, jurnalist, yazıçı və şairlərin
çıxışları dinlənilir. Oxucu konfransının planını sizə təqdim edirik:
1.Giriş hissə (Heydər Əliyevin həyat və yaradıcılığı haqqında məruzə)
2. Heydər Əliyevin yaradıcılığı haqqında kitabxana rəhbərliyinin, millət
vəkillərinin, siyasətçilərin, yazıçı və şairlərin çıxışları.
3.Yuxarı sinif şagirdlərindən ibarət olan oxucuların Heydər Əliyevin
fəaliyyətindən bəhs edən müzakirələri.
4. Ədəbi bədii kompazisiya.
5. Konfransın yekunu.
Heydər Əliyevin irsinin təbliği üçün ədəbi-bədii gecələrin keçirilməsi zəruridir.
Gecəni “Əbədiyaşar lider” başlığı ilə adlandırmaq olar. Tədbirin ssenarisini sizə
təqdim edirik.
Səhnə ümumilli lider Heydər Əliyevin portreti, fəaliyyətini əks etdirən
şəkillərlə, bir çox şair və yazıçıların onun haqqında yazdığı əsərlərlə, Heydər
Əliyevin hikmətli kəlamları ilə bəzədilir. Gecəyə Heydər Əliyevin yaradıcılığına
yaxından bələd olan tanınmış millət vəkilləri, yazıçılar, şairlər, siyasətçilər,
jurnalistlər, tarixçilər, müəllimlər dəvət olunur. Tədbir Azərbaycan himninin
səslənməsi ilə başlayır. Sonra isə tədbir iştirakçılarına Heydər Əliyevdən bəhs
edən slayd təqdim olunur. Daha sonra kitabxanaçı Azərbaycanın Prezidenti
İlham Əliyevin Heydər Əliyevin 90 illik yubileyi ilə əlaqədar imzaladığı
sərəncamla tədbir iştirakçılarını tanış edib, tədbiri açıq elan edir. İki nəfər
Aparıcı səhnəyə çıxıb tədbir iştirakçılarını salamlayırlar.
I Aparıcı:
Azərbaycan! Sən əsrlər boyu tarixdə ad-san qazanmış
şəxsiyyətləri – Tomrisi, Cavanşiri, Babəki, Şah İsmayıl Xətaini
və başqalarını yetişdirmisən. Sən belə tarixi simalardan yenə də
yetirməliydin. Və yetirdin də! Bu sima XX əsrin adamı, Heydər
Əlirza oğlu Əliyev oldu. Heydər Əliyevin 70-80-cı illərdəki
nəhəng quruculuq və ictimai-siyasi fəaliyyəti olmasaydı,
Azərbaycan indiki müstəqilliyinə nail ola bilməzdi. O, yenidən
hakimiyyətə qayıtmasaydı Azərbaycan və Azərbaycan xalqı çox
müsibətlərlə qarşılaşardı, dünya ictimaiyyəti Azərbaycan
həqiqətlərindən indiki şəkildə xəbər tutmazdı. Tarix məqam
gözləyirdi. Azərbaycanın xilaskarı Heydər Əliyev gəlib
çatmasaydı az qala Azərbaycan, Vətən, torpaq, milli şərəf, milli