Nəsrin SÜleymanli
Yüklə 2,28 Mb. Pdf görüntüsü
|
98 3. Siyasi sfera. Qeyd olunur ki, bu sfera üzrə erməni informasiya-təb- liğat fəaliyyətinin xeyli genişləndirilməsi üçün böyük imkanlar vardır. Erməni informasiya ideoloqlarının fikrincə, Azərbaycanda demokratiya- nın inkişafı, demokratik institutların formalaşması, insan hüquqlarının qorunması, kütləvi informasiya vasitələrinin azadlığı, ictimai təşkilatların fəaliyyəti, milli azlıqların problemləri, siyasi partiyaların formalaşması, seçkilərin şəffaflığı və ədalətli olması Ermənistan Respublikasının anti- azərbaycan informasiya-təbliğat fəaliyyətinin əsas mövzularına çevril- məlidir. O da əlavə olunur ki, Azərbaycanda baş verən istənilən siyasi hadisə Ermənistan Respublikasının antiazərbaycan informasiya-təbliğat fəaliyyətinə cəlb olunmuş bütün təşkilatların və şəxslərin diqqətindən qaçmamalı, həmin siyasi hadisələr ətrafında müzakirələr aparılmalı, bu hadisələrə erməni qiyməti verilməli və informasiya vasitələrində geniş işıqlandırılmalıdır. Təklif olunur ki, antiazərbaycan informasiya-təbliğat fəaliyyətində bu sfera üzrə, əsasən, aşağıdakı mövzular daha çox qabar- dılsın: Azərbaycanda demokratiyanın vəziyyəti və demokratik institutla- rın formalaşması; insan hüquqları; mətbuat azadlığı; siyasi partiyaların formalaşması, korrupsiya, milli azlıqların hüquqları, ictimai təşkilatların rolu və diaspor. 4. Təbiətin mühafizəsi sferası. Erməni informasiya ideoloqları heç bir fakta və sübuta əsaslanmadan iddia edir ki, Azərbaycan tərəfi əsas eko- loji normativlərə əməl etmir. Bu da onun öz üzərinə götürdüyü beynəl- xalq öhdəliklərə ziddir. Bildirilir ki, Xəzər dənizinin çirkliliyi mümkün normalardan bir neçə dəfə artıqdır. Azərbaycan ərazisindən axan çaylar isə daha ağır durumdadır. Burada sözsüz ki, mənbəyini Ermənistandan götürən çayların Ermənistan ərazisində çirkləndirilməsi, Azərbaycanın təbii sərvətlərinin talan edilməsi, fauna və florasına zərbələr vurulması, meşələrin qırılması, işğal altında olan ərazilərdə vaxtaşırı yanğınlar törə- dilməsi haqqında xatırlanmır. Əvəzində isə qeyd olunur ki, Azərbaycan- da havanın çirkləndirilməsi geniş müzakirələrin mövzusuna çevrilmə- lidir. Guya Azərbaycanda avtomobillərin sayının çoxalması, sənaye, kim- ya və neftayırma zavodlarının fəaliyyəti Azərbaycanın havasını daha da çirkləndirmişdir. Təklif olunur ki, bu sfera üzrə antiazərbaycan informa- siya-təbliğat fəaliyyətində ekoloji vəziyyətə qiymət verilsin, Azərbay- canda ekoloji vəziyyətin mürəkkəb olması və bu mürəkkəb vəziyyətin qonşu ölkələr, habelə bütün dünya üçün təhlükəli olması qabardılsın. Məsləhət bilinir ki, antiazərbaycan informasiya-təbliğat fəaliyyətini qu- rarkən aşağıdakı sahələrdə Azərbaycanın çirklənməsi məsələsinə xüsusi 99 diqqət yetirilsin: Ermənistan Respublikasının və Dağlıq Qarabağ Res- publikasının (?) sərhədyanı rayonları, Azərbaycanın və İranın sərhədyanı rayonları, Azərbaycanın və Rusiyanın sərhədyanı rayonları, Gürcüstanın və Azərbaycanın sərhədyanı rayonları, Xəzər dənizi və sərhədyanı ölkə- lər, su ehtiyatları. 5. Mədəniyyət sferası. Erməni informasiya ideoloqları qeyd edirlər ki, bu sfera da Ermənistan Respublikasının antiazərbaycan informasiya-təb- liğat fəaliyyətində əsas istiqamətlərdən birini təşkil etməlidir. Çünki Azərbaycan dezinformasiyaları guya daha çox məhz incəsənət, musiqi, tarixi-mədəni sahələri əhatə edir. Bildirilir ki, azərbaycanlılar özlərini dünya mədəni irsinin daşıyıcıları hesab edirlər və bu zaman indiki Azər- baycan və İran ərazisində aparılan arxeoloji axtarışların nəticələrinə isti- nad edirlər. Erməni informasiya ideoloqları Azərbaycan ərazisində tarixi erməni vəhşiliklərinin nəticələrinin sübutu üçün qazıntıların aparılmasını təəccüblə qarşılayır, Azərbaycan muğamının 2003-cü ildə YUNESKO tərəfindən bəşəriyyətin qeyri-maddi mədəni irsi sırasına daxil edilməsin- dən azərbaycanlıların sui-istifadə etdiklərini yazırlar. Daha sonra əlavə olunur ki, bir sıra mədəniyyət hadisələri də Azərbaycanın informasiya- təbliğat fəaliyyətində geniş yer alır. Bunlar isə Ermənistan tərəfindən in- formasiya təhlükəsi kimi qəbul olunur və təklif olunur ki, bu sferada Azərbaycanın informasiya-təbliğat fəaliyyətinə qarşı durmaq üçün Ermə- nistanın informasiya vasitələri erməni mədəni irsini dirçəltsin, bu sferaya aid olan bütün məsələlər geniş ictimai müzakirələrə çıxarılsın, erməni mədəniyyəti ilə bağlı olan mövzular, kütləvi informasiya vasitələri, xüsu- silə elektron informasiya vasitələri tərəfindən daha geniş əhatə olunsun. 6. Elmi sfera. Qeyd olunur ki, bu sahədə erməni informasiya-təbliğat maşınının qarşısında böyük vəzifələr dayanır. Bildirilir ki, elmi sahədə erməni tərəfi mütləq üstünlüyə malik olsa da, onun informasiya təmina- tında və ictimailəşdirilməsində erməni alimləri ordusunun dünya elmi fik- rinin inkişafındakı rolu və əhəmiyyəti hələ geniş ictimaiyyətə açıqlanma- mışdır. Ona görə də təklif olunur ki, erməni alimlərinin adları və nailiy- yətləri daha geniş şəkildə dünya ictimaiyyətinə açıqlansın, erməni dövlə- tinin himayəsi ilə dünyanın müxtəlif ölkələrində Ermənistan günləri ke- çirilsin və bu tədbirlər informasiya kanalları vasitəsi ilə daha geniş audi- toriyaya çatdırılsın. Bütünlükdə bu sferalarda aparılan antiazərbaycan informasiya-təbli- ğat fəaliyyətində üstünlüyün əldə edilməsi üçün erməni mütəxəssisləri erməni məntiqinə və xislətinə uyğun olan əlavə təkliflər verməkdən də əl Yüklə 2,28 Mb. Dostları ilə paylaş:
|