178
darlığını təmin edən ümumi mexanizm rolunu oynamaqla,
eyni zamanda, milli dövlətimizin milli maraqlar və dəyərlər
əsasında inkişafını təmin etdi. Məlum olduğu kimi, oliqarxi-
yanın hakim zümrə olduğu milli dövlətlərin sahələrarası hor-
moniyaya əsaslanan inkişafından bəhs etmək olmaz. Görüntü
səciyyəsi daşıyan “inkişaf” isə qrup mənafeyinin və “hakim-
lərin transmilli maraqlarının təmin olunması” fonunda ortaya
çıxan təzahürdür. Daha da dəqiqləşdirsək, deyə bilərik ki,
“kapital maşını” qismində çıxış edən oliqarxlar (təsadüfi
deyil ki, bu zümrə bəzən “maliyyə oliqarxiyası” adlandırılır)
milli zəmində ümummilli sərvətlərin inhisarçısı qismində
çıxış edir və assimmetrik əlaqələrin daha da dərinləşməsinə
şərait yaradan fəaliyyət mexanizminə malik olurlar. Amma
aristokratiyanın “nəcib siyasət”i sayəsində əldə edilən inkişaf
ümummilli səciyyə daşıyır və xalqın, millətin milli sərvəti
kimi dəyərləndirilir. Bütün bunların fonunda qeyd etmək
mümkündür ki, Azərbaycanda aristokratik təbəqənin mütləq
mənada təşəkkül tapmasının ideoloji, mədəni, sosial, hüquqi,
siyasi sahələrdə hormoniyaya əsaslanan əlaqələr balansının
formalaşmasına və tərəqqinin qeydə alınmasına gətirib çıxar-
ması nəticə etibarilə milli zəmində yüksəlişin daha operativ
və effektiv xarakter almasını şərtləndirmişdir. Belə ki, həyata
keçirilən iqtisadi, siyasi, hüquqi islahatların cəmiyyət qurucu-
luğu prosesində effektiv nəticələr verməsi və ictimai münasi-
bətlər sisteminin əsasını daha da gücləndirməsi yuxarıda əks
olunan tezisin əsaslılığını növbəti dəfə sübut edir.
Nəticə etibarilə sadalanan faktlarda təsbit edildiyi kimi,
Azərbaycanda oliqarxiyadan milli sərvət kimi dəyərləndirilən
aristokratiyaya, yaxud milli elitaya transformasiya olunması
missiyasının operativ və effektiv surətdə reallaşdırılması
ümummilli inkişafa xidmət edən tarixi hadisədir. Bu, eyni
179
zamanda, yeni cəmiyyət quruculuğu prosesinin fundamental
vəzifəsinin yerinə yetirilməsinə və milli maraqların etibarlı
müdafiəsinə dəlalət edən göstəricidir...
Bunlarla yanaşı, XXI yüzillik informasiya əsri kimi sə-
ciyyələndirildiyindən informasiya sahəsində milli maraqların
rasional müdafiə olunması, informasiya təhlükəsizliyinin tə-
min edilməsi hər bir milli dövlətin siyasi strategiyasında mü-
hüm vəzifələrdən biri kimi müəyyənləşdirilir. Bunun üçün ilk
növbədə, konseptual əsaslar formalaşdırılır, müəyyənləşdiril-
miş məqsəd və hədəflərə çatmaq üçün resurslar səfərbər edi-
lir. Formalaşdırılmış konseptual mənbələrdə, ilk növbədə, in-
formasiya sahəsindəki maraqlar müəyyən edilir, eyni zaman-
da, informasiya təhlükəsizliyinin təmin olunması yolları əks
olunur. İnformasiya təhlükəsizliyi sahəsində əsas milli ma-
raqlara əsasən məlumatların qanuni yolla əldə edilməsi, ötü-
rülməsi, hazırlanması və yayılması kimi vətəndaşların konsti-
tusiya hüquqlarının təmin edilməsi, informasiya ehtiyatlarının
qorunması və inkişaf etdirilməsi, informasiya məkanının for-
malaşdırılması və onun qorunmasının təmin edilməsi və dün-
ya rabitə və informasiya sisteminə daxil olması aid edilir.
İnformasiya təhlükəsizliyinin təmin olunmasının və bu
sahədə maraqların müdafiə edilməsinin Azərbaycan təcrübə-
sinə gəldikdə isə qeyd edə bilərik ki, qloballaşma və beynəl-
xalq inteqrasiya şəraitində Azərbaycan informasiya təhlükə-
sizliyinin təmin olunmasına xüsusi diqqət yetirir. Dövlət siya-
sətində prioritet kimi müəyyənləşdirilən informasiya maraq-
larının və təhlükəsizliyinin təmin edilməsi konseptual əsasda
strateji məqsəd kimi müəyyən edilmişdir. Əlbəttə, bu, infor-
masiya-kommunikasiya texnologiyalarının inkişaf etdirilməsi
sayəsində mümkün olur ki, bu istiqamətdə də sürətli tərəqqini
şərtləndirən əhəmiyyətli tədbirlər görülməkdədir. “Azərbay-
180
can Respublikasının inkişafı naminə informasiya-kommuni-
kasiya texnologiyaları üzrə Milli Strategiya (2003-2012-ci
illər)” qəbul edilib və burada inkişafın əsas strateji istiqamət-
ləri təsbit olunub.
İnformasiya təhlükəsizliyinin əsas istiqaməti kimi bey-
nəlxalq arenada informasiya hücumlarının qarşısının alınma-
sı, informasiya vasitəsilə və xüsusilə də virtual platformada
təxribat və neqativ təbliğatların neytrallaşdırılması, bütövlük-
də, informasiya mübarizəsinin rasional və praqmatik surətdə
təşkil edilməsi başlıca strateji vəzifələr qismində çıxış edir.
Bununla bağlı, Prezident İlham Əliyev qeyd etmişdir: “İnfor-
masiya mübarizəsi indiki şəraitdə hesab edirəm ki, prioritet
məsələlərdən biridir. Biz internet və qloballaşma dövründə
yaşayırıq və bütün müasir imkanlardan maksimum dərəcədə
istifadə etməliyik. Onu da qeyd etməliyəm ki, Azərbaycanla
bağlı olan bəzi informasiyalar, biz onu yaxşı bilirik, həqiqətə
uyğun deyildir. Bəzi hallarda bəzi dairələr, - onların adını
çəkmək bəlkə də mənim üçün yaxşı olmaz, onsuz da onları
hamımız yaxşı tanıyırıq, - Azərbaycana qarşı böhtan, iftira
kampaniyası aparırlar. Bunun da səbəbi var və burada, əlbəttə
ki, təkcə erməni lobbisindən söhbət getmir, halbuki bu kam-
paniyanın arxasında daha çox onların qulaqları görsənir. An-
caq bütövlükdə biz bilirik, kim nə üçün nəyi yazır, hansı
məqsədlə və nə vaxt. Əgər ölkəmizin həyatında və ətrafda
gedən proseslərə nəzər salsaq, görərik ki, artıq Azərbaycanla
bağlı olan mənfi məlumat bölgədə gedən müəyyən vacib
hadisələrlə uzlaşır. Bunu biz bilirik, görürük və buna qarşı
mübarizə aparmalıyıq”.
Dostları ilə paylaş: |