44
bir mərifət də bəkləyəməzdik. Rus torpağı üzərində
yaşayan bütün bu qeyri-rus məxluqlar bizim əski
düşmənlərimizdir. Unutmasınlar ki, rus əsgəri qurşunu
əsirgəməyəcək. Qəhrəman rus ordusu yalnız dış düşmən-
ləri deyil, iç düşmənləri də imha edəcəkdir. Siz də birər
rus övladı olaraq, rus torpağını bütün bu xain həriflərdən
təmizləyəcəksiniz» (31, s.61).
«Komissar yoldaş»ın qəzəb və nifrətini açıq büruzə
verməsi həm də onunla bağlıdır ki, «... Qafqaz dağların-
dan təbii bir istehkam kimi istifadə etmək istəyən ruslar
nə dağları əmr altına ala bilirdilər, nə də dağlıları». Belə
ki, rus-alman müharibəsinin başlanması ilə Şimali
Qafqazda milli mücadilə açıq şəkil almış, dağlılar ruslarla
mübarizədə yeganə müttəfiq saydıqları almanları bir
xilaskar kimi təntənə ilə qarşılamışdılar. Onlar almanlara
qarşı özlərinə xas ənənəvi qonaqpərvərlik və nəzakət
göstərir, almanlar da yerli əhaliyə münasibətdə liberal
siyasət yeridirdilər; dağlıların daxili işlərinə müdaxilə
etmir, adət-ənənələrinə hörmətlə yanaşır, bolşeviklərin
yasaq etdikləri milli və dini bayramlarını keçirmələrinə
mane olmur, əksinə, özləri də məmnuniyyətlə bu şənlik-
lərə qatılırdılar. Lakin rus əsarətini rədd edən dağlılar hər
hansı bir şəkildə alman ağalığı ilə də barışmaq niyyətində
deyillər. Rus bolşevizminin və alman faşizminin taktiki
gedişlərinə, riyakarlığına rəğmən, dağlılar milli istiqlal
məsələsində sona qədər səmimi və güzəştsiz mövqe tutur-
lar.
Diqqətəlayiq haldır ki, «Onlar türklərdi» əsərinin əsas
ifşa hədəfi rus bolşevizmi, Stalin diktaturası olsa da,
45
müəllif yeri gəldikcə, alman faşizminin də eybəcərlik-
lərini, antihumanist mahiyyətini göstərməkdən sərf-nəzər
etməmişdir. Əsirlərlə rəftarda, digər millətlərin nümayən-
dələrinə münasibətdə, məhkum xalqların haqlarını, o
cümlədən milli istiqlal haqlarını tanımamaqda, türk birli-
yindən çəkinməkdə nasistlər heç də bolşeviklərdən fərq-
lənmirlər. Bu məqam əsərdə həm ayrı-ayrı hadisələrin
fonunda, həm də obrazların nitqində, ifadələrində əks
olunur. «Elbrus ağlayır» fəslində Nigar cəbhədə gördük-
lərini nəql edərkən almanların davranışlarına, münasibət-
lərinə də toxunur: «Cəbhənin hər tərəfində törənlə istiqbal
ediləcəyimizi bəkliyorduq. Sadədilliyimizi görüyormusu-
nuz? Biz öylə zənn ediyorduq ki, Avropa mədəniyyətinin
yüksək müməssilləri bizi birər könüllü fərari kibi təbrik
edəcək, hətta bizim könüllərimizi belə okuyacaklardır...
Fəqət, heyhat!.. Yolda rasladığımız və bizə qarşı səmimi
bir alaka göstərən dindaş köylülər: «Aman, dedilər, şu
almanlardan sakınınız. Bunlar ikinci bolşevikdirlər. Sizi
əsir kamplarında aclıqdan öldürərlər» (31, s.89).
Bununla belə, almanların vəhşi rəftarına rəğmən,
Almaniyanı görən və Avropa mədəniyyətilə yaxından
təmasda olan əsirlərin və digər sovet vətəndaşlarının bir
daha bolşevik Rusiyasına dönmək istəməyərək, mühacirət
həyatına üstünlük vermələrini də A.Dağlı təbii və inan-
dırıcı təsvir edir. «Berlində» fəslində nasist Almaniyasının
paytaxtı ilə bolşevik Moskvasının müqayisəsi, bu baxım-
dan, səciyyəvidir. Nadir və Nigar bolşevik təbliğatına
rəğmən, burada «kapitalizm cəhənnəmi yerinə, modern bir
həyat mənzərəsi»nin şahidi olurlar: «Alman şəhərində hər
46
şey insanın rahatlığı üçün yapılmışdı. Məskən böhranı
yox. Su bol. Kanalizasiyon mükəmməl. Hər tərəfdə yeraltı
və yerüstü yollar. Min bir vəsait. Min bir ixtira. Min bir
icad. Rus şəhərlərində isə hər şey insanın rahatlığını
pozurdu. Vəsait qıtlığı. Məskən böhranı. İbtidailik. Üfunət
və çirkab.
Avropa şəhərində xüsusi təşəbbüslər hər işin başında
gəliyordu. Məmləkət vətəndaşının dükanı, mağazası, hətta
atelyesi, fabrikası, oteli və apartmanları ola bilirmiş.
Rusiya şəhərində isə xüsusiyyət naminə bir şey yoxdu.
Hər şey dövlətin malı idi. Şəhər qapalı bir iş kampına
bənziyordu.
Hitler səltənətində Gestaponun mövcudiyyətinə rəğ-
mən, şəxsiyyət azaddı. Bütün vətəndaşlar (təbii, kommu-
nistlər xaric) ədalət hüzurunda şəxsi mənafelərini müda-
fiə edə bilirlərdi. Stalin hökmranlığında isə insan insandan
başqa hər şeydi: məmləkətin vətəndaşı deyil, dövlətin
köləsi. Allahın bəndəsi deyil, Stalinin iş heyvanı. İnsan-
lığın bir əzası deyil, NKVD-nin zəncirli məhbusları!..
Almaniyada Türkiyə mətbuatını təqib etmək, hətta sıx-
sıx anti-Hitler məqalələr nəşr edən qəzetləri almaq və
oxumaq mümkündü. Rusiyada isə Türkiyə qəzetlərini
almaq şöylə dursun, Türkiyənin adını belə söyləmək
imkansızdı...» (31, s.124).
Beləliklə, müəllif alman həyat tərzinin, Almaniya ger-
çəkliyinin təsvirini də sovet rejiminin ifşası üçün bədii
priyom kimi istifadə edir və vətənə dönərək repressiya
qurbanı olmaqdansa, xaricdə yaşamağa üstünlük verən
soydaşlarının seçiminə haqq qazandırır. Bu şərtlə ki, mü-
Dostları ilə paylaş: |