imtahandan kəsilmiş
əli-ayağı yerdən-göydən üzülmüş
qaçqın bir tələbə qızın gözlərinin
aynasında solan, saralan
Vətən, Millət sevgisini görmüsünüzmü?!
Görmüsünüzsə əgər, necə rahat yaşamısınız o səhər?! (14, 160).
Şair qaçqın adını daşımağa məhkum olunmuş tələbə qızın heka-
yətilə ümumiləşdirmə aparır. Qaçqınlıq taleyi bir yana, imtahanlardan
kəsilməyinin əsl səbəbi də müharibənin ölkəmizdə dərin iz saldığı
problemlərdəndir. Ən qəribəsi də odur ki, bu cür acınacaqlı taleyi
yaşamaq məcburiyyətində qalmış bir türk qaçqınının gözlərində hələ
də, Vətən, Millət sevgisi çox aydın görünür. Problem ondadır ki, bu
görünən sevgini görmək istəməyənlər var. Bunlar da müharibənin
vətəndaşlarımızın daxili dünyasına vurduğu mənəvi zərbələrin təza-
hürləridir. Eyni düşüncələr F.Qocanı da narahat edir; “Bəs Qarabağ-
dan didərgin düşən gəlinlərə, körpələrə kim ağlayacaq? Bəs erməni
əlində əsir qalan qızlara, Bəs bu çöllərə səpilmiş Körpələrə, yurdsuz-
lara kim ağlayacaq?” (4, 233). Əslində, şairin məramı milləti ağlaş-
maya səsləmək deyil, əsl məqsəd halımızın nə qədər ağlamalı oldu-
ğunu unutmamağa çağırışdır. Hamımız bilə-bilə ki, erməni əsirliyində
nə qədər soydaşlarımız var, ermənilər onlardan öz mənfur niyyətləri
üçün necə amansızlıqla istifadə edir, gərək vətəndaşlıq məsuliyyə-
timizi itirməyək. “Qarabağdan gələn var” poemasında N.Həsənzadə
yazır: “Qarabağ mənim də yuxuma girir, Getdi haqq yolunda ərlər,
ərənlər. Erməni Şuşada kilsə tikdirir, Bakıda pul səpir toya gələnlər”
(3, 46).
İlyas Tapdıq “Şuşa gözləyir bizi” lirik poemasında tarixi abidə-
lərimizin aqibətinə də etirazını bildirmişdi. “Ayağa qalxacaqmı, Vaqi-
fin məqbərəsi, Nəvvabın qəbri daha? Zakirin Natəvanın Tükəndi səbri
daha” (15, 133). Qarabağ bütün maddi-mədəni abidələrini itirmək
təhlükəsi qarşısındadır. Bu səbəbdən də N.Həsənzadənin narahatçılığı
əbəs deyil. “Məxəzlər oxudum mən qana-qana, Yazılar görmüşəm
alban dilində. Tarix kitablarım qalsın bir yana, Tariximiz qaldı düş-
mən əlində” (3, 48). Bu həqiqətləri bilə-bilə mübarizəsizlik məğlu-
biyyətə səbəb olur. Bir fakt da danılmazdır ki, ermənilər bizim tari-
ximizə aid olan hər şeyi saxtalaşdırmaqda mahirdirlər. Bu cür əlverişli
mövcud şəraitdən yararlanmaq onlara çox sərfəlidir. Birinci minil-
likdən qalmış Albandilli qədim mənbələrin düşmən əsarəti altında
qalması gələcək tarixin nə qədər yanlış faktlarla dünyaya çatdırıl-
masına gətirib çıxaracaq, bunun səbəbləri çoxdur. Çünki müaribə
ölkəmizdə xaos yaratdı. Vaxtilə ziyalı ailə kimi tanınan ailələrimizin
qaçqınlıq həyatı çox acınacaqlı oldu. “Müəllim qapıda gözətçi olub,
Dünənki qəssabı qoruyur polis. Məktəb direktoru xidmətçi olub,
Fatihə oxuyur çadırda artist” (3, 57). Gətirilmiş nümunə N.Həsənza-
dənin “Qarabağdan gələn var” poemasındandır. Əsərin mövzusundan
bəlli olur ki, Qarabağdan gələnlər niyə və hara gəldiklərini ayrıd edə
bilmirlər. Çünki onlar ölkədaxili yerdəyişmələrdə elə haqsızlıqla üzlə-
şirlər ki, sanki onların yurd-yuvalarından zorla didərgin salınmaları
yaddan çıxarılır.
Ələmdar Cabbarlı “Kəlbəcər tacıdır Azərbaycanın” poemasında
qaçqınlıq ağrılarını belə ifadə edib: “Qəhrəman xalqımın, cəsur
xalqımın Bilməzdim bir belə fağır olduğun. Qaçqın adı altda ömür
sürməyin Dözülməz olduğun, ağır olduğun” (16, 20). Bənddən də gö-
ründüyü kimi, müharibə bir çox yaradıcı ziyalılarımızı da qaçqın adı
altında yaşamağa məcbur edib. Özü də bu cür yaşam nə dəqər dözül-
məz, nə qədər ağırdır:
Mənim də gözümdə yaşım göynəyir
Yadıma saldıqca huşum göynəyir,
Kəndimin suyundan içib yuxuda-
Səhər dururam ki, dişim göynəyir (16, 26).
Rizvan Nəsiboğlu “Dörd yol” poemasında haqlı olaraq yazır:
“Yer də bütöv imiş, göylər də bütöv, Nə fərqi burdayan, ya o baş-
dayam. Xocalı dərdimi qanmırsa dünya, Nədən iyirmi ildi “yalvarış-
dayam?!” (17, 90). Əgər biz qlobal dünyanın vətəndaşlarıyıqsa, dünya
bizim hamımızın evidirsə, onda niyə supergüclər razı olur ki, iki
qonşu ölkədən biri o birinə qarşı ərazi iddiasına düşsün, özü də haq-
sızcasına. Axı hamımız bu dünyanın insanlarıyıq. Bəs niyə 20 ildir ki,
bu dünya bizim Xocalı dərdimizi qanmaq istəmir?! Əslində biz düş-
mənlərə qarşı birgə mübarizə yolunu tutmalıyıq: “Düşmən baş apardı,
qudurdu bəsdi, Axtarma düşməni ocaq başında. Sıyır qılıncını
sərhəddə gəzdir, Ya da ki, gəzdirmə papaq başında” (18, 184).
Birmənalı şəkildə qəbul edilmiş düşmənimiz var ki, onlara qarşı birgə
mübarizə aparmaq lazımdır. Çünki bu müharibə zamanı yalnız
Qarabağ və ətraf rayonlar döyüş bölgəsi deyildi. Ermənistanla sərhəd
olan bütün bölgələrdə vəziyyət gərgin idi. Belə rayonlarımızdan biri
də Qazaxdır. Orada şəhid olmuş Qaratel haqqında poema yazmış
Məmməd İlqarın dastan-poemasından bir parçaya diqqət yetirək:
“Builki yaz elə gəlmişdi, elə bil bir də gəlməyəcəkdi. Qaratelin,
Alının, Mərdanın və şəhid olmuş daha neçə-neçə Əskiparalının bu
zövqü artıq duymadıqlarını düşünəndə dilxor olurdu” (19, 89). Bu
hissləri keçirən yalnız əsərin qəhrəmanı yolçu deyil, milyonlarla türk
övladıdır. Çünki neçə illərdir ki, gətirilmiş nümunədə təsvir olunan
kimi, çox yazlar, çox fəsillər ötüşmüşdü, lakin neçə-neçə ləyaqətli və-
təndaşlarımız dünyasını vaxtsız dəyişdiyindən bu həzzdən məhrum
olmuşlar. Müharibə belə bir mənzərə yaratmışdı. “Qarabağ – öz ana
torpağında dustaqdı Qarabağ – Qeyrətli başlardan düşən papaqdı.
Qarabağ – Ağ Nəbi yapıncısında qara papaqdı” (11, 77). Bütün bu
müsibətlərə baxmayaraq, yenə də ürəklərdəki qələbəyə inam hissi
ölmür. Bunun təzahürünü C.Novruzun “Şuşa yolu” poemasından da
görmək olar. Şair Dədə Qorqudun təbirincə son ümidini itirməyərək
belə deyir.
Axırıncı nüsxələri, Şuşadan rədd olmayınca.
Əfi ilanlar sayağı başları əzilməyincə.
Qarabağdan birdəfəlik tumları kəsilməyincə.
Xankəndindən əbədilik bayrağım asılmayınca.
Bu yenilməz zəfərimin dastanı yazılmayınca.
Şuşa bizim millət üçün qeyrət, namus, ar deməkdir.
Şuşanı azad eləmək Göyçəyə açar deməkdir.
Təbriz üçün bir paroldur, Dərbəndə uzanan yoldur.
Qərbi Azərbaycan üçün ümid qapısıdır Şuşa,
Dərəyazı, Kərkük, Gəncə elin hamısıdır Şuşa (12, 12).
Gətirilən nümunələr də göstərir ki, müstəqillik illərində yazılmış
poemalarda Qarabağ müharibəsinə kifayət qədər yer ayrılmışdır. Bu
müharibənin xalqımızın başına gətirdiyi fəlakətlər bütün sənət adam-
ları kimi şairlərin də əsas mövzusuna çevrilmişdir. Lakin bütün əsər-
ləri bir ideya birləşdirir ki, bu da zəfər yürüşünə olan inamdır.
ƏDƏBİYYAT
1.
“Şərq xalqları ədəbiyyatı: ənənə və müasirlik” mövzusunda Beynəlxalq
elmi konfransın materialları. Bakı, 10-11 oktyabr 2014. Bakı, “Elm”, 2014.
2.
AMEA Nizami adına Ədəbiyyat İnstitutu. Ədəbi proses-2013. Bakı, “Hədəf
nəşrləri”, 2014.
3.
Həsənzadə Nəriman. Seçilmiş əsərləri. 7 cilddə, II cild. Bakı, “Prometey”,
2010.
4.
Qoca Fikrət. Sönən deyil bu ocaq. Bakı, “Elm və təhsil”, 2012.
Dostları ilə paylaş: |