Qəzəl qadının cəmiyyətdə rolunun mahiyyətini onun eşq-məhəbbət
məzhəri olmasında görürdü. Qəzəl ilk dəfə qadın və təbiət gözəl-
liklərini əsaslandırıb fəlsəfi şeirin təşəkkülünə yol açdı. Qəzəl məhəb-
bət şeiri olmaqla qadının cəmiyyətdə, məfkurədə yerini yüksəltdi ki,
bunu başqa şeir növlərində görmürük. Qəzəl bu ədəbi-estetik təbiətinə
görə məsnəviyə də nüfuz edir. Nizami «Xosrov və Şirin»də, «Leyli və
Məcnun»da qəzəli formaca məsnəvi şəklində versə də onun ideya-
bədii təsvir sistemini saxlamışdır.
Nizami qəzəllərində qadın gözəlliyi, onun camal və kamal incə-
liklərinin tərifi insanı heyran qoyur.
Ya rəb, bu nə camaldır ki, onda Xutən ayı vardır,
Zəqən quyusunda yüz Kənan Yusifi vardır.
İki qaşının taqında günəş gizlənib,
Gözəl sənəm üzündə Ədən yaqutu vardır.
Sanasan ki, çəməndə bitmiş qızıl güldür,
Həm düz sərv boyu, həm çəmən səhnəsi vardır (6, 24).
Bu beytlərdə Nizami təbiəti, onun incə gözəlliklərini qadın surə-
tinə köçürür. Türk şeirinin gözəllik coğrafiyasında çin, xutən, xəllux,
çigil gözəlləri, ayı, günəşi, ətri, bağı, gülü kimi ad və sözlər bədii
meyar kimi tez-tez işlənir. Bu qəzəl parçasında «Xutən ayı», «Kənan
Yusifi», «zəqən quyusu», «iki qaş arasında günəş», «ədən yaqutu» Ni-
zami və türk
şeirinin, fars dilində türk şeirinin başlıca bədii təsvir vasi-
təsidir. Aşağıdakı qəzəldə yaratdığı qadın surətində təbiət gözəllikləri-
ni görür:
Göstər üzünü ki, gülzarı görmək istərəm,
Mənə bax ki, qaniçən nərgizi görmək istərəm.
Sənin visal bostanında bu, türfədir ki, mən,
Bir tikan görməyim, gül və gülzar görmək istərəm.
Sakit nə oturmusan, axır bir söz de,
Ki sənin dür saçan ləlindən bir kəlam görmək istərəm (6, 19).
Qədim poeziya yazarlarına görə, insan vücudu varlıq aləminin
ölçüsüdür. Bu fikri əksinə də yozanlar vardır. Yəni təbiət, varlıq insan
vücudunun ölçüsüdür. Misal üçün XIII əsrdə Fəxrəddin Həmədani-
İraqi bir qəzəlində yazırdı: «Üzündən parlaq ay yaratdılar». Nizami
yazır:
Orda ki sənsən, ay olmasın,
Və o ki sənsən şəkər olmasın.
O gecə ki, təzə ay çıxar,
Dünyada heç kimə səhər olmasın (6, 40).
Yəni sevgili xatun həm ay, həm şəkər, həm təzə ay, həm səhər-
dir. Bu təsvirlərlə Nizami qadını əzəmətinə görə dünya, varlıq aləm-
ləri ilə eyniləşdirir.
Nizami də, Nəsimi də insan əslini təbiətdə görürlər və müqayisə
zamanı qadın varlığını əsas götürürlər.
Qadın orta əsrlər qəzəl şeirinin başlıca obrazı və eşq-məhəbbət
simvoludur. Onun təbiətlə başlıca müqayisə obyekti günəş, ay, ulduz-
lar, canlı bahar təbiəti – bağ, gülzar, gül, sərv, çinar və s. qadının bə-
dən üzvləri zəngin bənzətmələr aləmini təşkil edir. Bunun səbəbi odur
ki, təbiət özü də qadın – anadır. Ana təbiətlə qadın-ana obrazlarının
təsvirində müqayisə obyekti olan sözlərin hamısı simvolik məna da-
şıyır. Təhlildə bu sözlərin rəmzi mənaları açılanda şeirin məzmunu
üzə çıxır.
XI əsr Azərbaycan sufi-irfani şeirinin görkəmli nümayəndələrin-
dən Babakuhi Bakuvi bir beytdə deyir:
Günəşdən məqsəd onun üzüdür bizə,
Qara qıvrım saçı gecələrdir bu gün
(7, 62 tərcümə bizimdir – Ç.S.).
Üzdə günəş aydınlıq və həqiqəti ifadə edir. Yəni günəş elm və
həqiqətin göstəricisidir. Günəş-işığın mənbəyidir. Ərəblər ona «ziya»,
«nur» deyirlər. Buradan «ziyalı» sözü yaranmışdır ki, mənası alim,
bilici, savadlı məfkurə sahibi deməkdir.
İkinci misrada «qara qıvrım saç» gecənin işarəsi olmaqla, maddi
aləmi ifadə edir. Yəni arif məşuqun üzündəki günəş onun cismani hə-
qiqətlərini aydınlaşdıran bilik, elmdir.
Burada ariflərin təbliğ etdikləri «özünü fani» şüarına işarə
vardır.
ƏDƏBİYYAT
1.
Yusifov Yusif. Qədim Şərq tarixi. Bakı, “Şərq-Qərb”, 2007.
2.
Kitabi-Dədə Qorqud. Azərbaycan Dövlət Nəşriyyatı. Bakı, 1962.