210
yeni kolleksiyalarla zənginləşdirmək, ekskursiya təşkil etmək və i.a. tərbiyəvi
tədbirlərə qoşulmaq istəyi üzə çıxır.
Valideynlər komitəsinin işi digər tərəfdən də öz səmərəsini verir. Komitənin
yığıncağında məktəbin valideynlərə kömək imkanları da öyrənilir. Aydınlaşır ki,
təlim-tərbiyə işi ilə əlaqədar olan bir çox məsələlərin düzgün həllində valideynlərin
də köməyə ehtiyacı vardır. Məsələn, şagirdlərin səmərəli gün rejimi necə
olmalıdır? Ev tapşırıqlarının icrasına valideynlərin köməkliyi nədən ibarət
olmalıdır? Şagirdlərinin asudə vaxtlarının məzmnunu nələr ola bilər? Ailə
şəraitində uşağın nitqini necə zənginləşdirmək olar? Ailə şəraitində uşaqların hansı
qabiliyyətini inkişaf etdirmək mümkündür? Mümkündürsə necə? və s. kimi
suallara valideynlər tutarlı, inandırıcı cavablar axtarırlar.
Deməli, valideynləri maraqlandıran bu cür sualların müəllimlər tərəfindən
yüksək səviyyədə şərhi, habelə valideynlərin məktəbə yardımı nəticə olaraq
şagirdlərin təlim və tərbiyə işinin səviyyəsini artırmağa yardım edir.
5.Pedaqoji prosesin səviyyəsinin yüksəldilməsində sinif valideynlər
şurasının işi
Sinif valideynlər şurasının işi ümumən məktəb valideynlər komitəsinin
fəaliyyətinə uyğun gəlir. Başlıca fərq işin konkret siniflə, konkret valideynlərlə,
konkret sinifdə dərs deyən müəllimlə əlaqədar olmasıdır. Bundan əlavə, məktəb
valideynlər komitəsinin yığıncaqları, adətən, ildə 1-2 dəfə, sinif valideynlər
şurasının yığıncaqlar isə adətən, hər rübün sonunda, zərurət olduqda bir qədər tez
də keçirilir. Sinif valideynlər yığıncaqları daha konkret məsələlərlə məşğul
olduğundan, təlim-tərbiyə işinin konkret məsələlərini əhatə etdiyindən pedaqoji
prosesə təsiri daha güclü olur.
Təcrübə göstərir ki, kiçik yaşlı məktəblilərin valideynləri ilə sinif
müəllimlərinin görüşləri yığıncaqlarla məhdudlaşmır; onlar, demək olar ki, hər gün
görüşə bilir və müntəzəm məsləhətləşirlər.
Sinif rəhbərindən fərqli olaraq, sinif müəllimləri valideynlərin ən etibarlı
məsləhətçilərinə, ən etibarlı dostlarına çevrilirlər. Çünki, əvvala, onlar yalnız bir il
deyil, dörd il ünsiyyətdə olurlar; həmin dövr ərzində şagirdlərin təlimi, tərbiyəsi,
səhhəti, yeməyi və s. məslələrini məsləhətləşə-məsləhətləşə həll edirlər.
Sinif müəllimi olmaq istəyən tələbə bu məsələləri bilməli və özünü psixoloji
cəhətədən həmin vacib vəzifəyə hazırlamalıdır. Tələbə həm də nəzərə almalıdır ki,
indi bir sıra ailələrdə kompüter var və uşaqların bəziləri kompüterlə rəftar etməyi
bacarır. Tələbə bu cəhəti də unutmamalıdır; yəni kompüterlə əlaqədar tək-tək
şagirdlərin və valideynlərin suallarına hazı olmalıdır.
6. Məktəbin və ictimaiyyətin əlbir işi педагожи prosesə xidmət kimi
Sinif
müəllimliyinə
hazırlaşan
tələbə
bilməlidir
ki,
Azərbaycan
Respublikasında məktəb cəmiyyətdən təcrid olunmuş şəraitdə fəaliyyət göstərmir;
o, yalnız valideynlərlə ünsiyyət yaratmır. Bizim məktəblər gözəgörünməz tellərlə
211
nəinki respublikanın müxtəlif təşkilatları ilə, hətta beynəlxalq qurumlarla da bağlı
olur.
Məktəb respublikada bir çox təşkilatlarla əlaqə saxlayır. Bunlar arasında
səhiyyə orqanlarını, hüquq-mühafizə orqanlarını, mədəniyyət orqanlarını, uşaq və
gənclər təşkilatlarını və s. qeyd etmək olar. Məsələn, məktəb həkimləri dəvət edir,
sağlamlığın müxtəlif probləmləri üzrə şagirdlər qarşısında onların çıxışlarını təşkil
edir. Yaxud, yeniyetmə və gənclər arasında hüquq pozuntuları barədə polis,
prokruatura və məhkəmə işçiləri ilə məktəbdə şagirdlərin görüşü çox böyük
maraqla qarşılanır.
Mədəniyyət işçilərinin köməkliyi ilə şagirdlərdə aktyorluq qabiliyyətinin,
natiqlik bacarığının formalaşmasını təmin edən məktəblərimiz var. İncəsənət
xadimlərinin köməkliyinə arxalanaraq şagirdlərə rəqs etmək, musiqi alətlərində
çalmaq, nəğmə oxumaq, şəkil çəkmək kimi bacarıqların formalaşmasına şərait
yaradan məktəblərimizin təcrübəsi yalnız alqışa layiqdi.
Məktəb əlaqələrinin ölkə çevrəsindən kənarlara çıxdığını göstərən faktlar da
az deyil. Xarici ölkələrin nəinki məktəbləri və müəllimləri ilə, hətta şagirdləri ilə
qarşılıqlı əlaqə saxlayan məktəblərimiz, müəllimlərimiz və şagirdlərimiz var.
Tələbələrimiz və sinif müəllimlərimiz üçün maraqlı olmalıdır bilsinlər ki,
tək-tək məktəblər, müəllimlər və şagirdlər arasında qarşılıqla əlaqələr inkişaf
edərək təhsil sahəsində dövlətlərarası əlaqələr formasına çevrilmişdir. 2006-cı ilin
məlumatına görə 10 xarici ölkələrdə 985 azərbaycanlı təhsil alır. O cümlədən
Türkiyədə 716, Rusiyada 155, Ukraynada 24, Misirdə 61, Çində 17, Çexiyada 6,
Slovakiyada 3, Malaziyada 2 tələbə.
Tələbələrimiz onu da unutmasınlar ki, vətəndaşları Azərbaycanda təhsil alan
ölkələrin sayı 2006-cı ildə 40-a qədərdir. Demək olar ki, dünyanın bütün
qitələrindən Azərbaycanda təhsil alan tələbələr var. Onların arаsında ABŞ,
Almaniya, Belarusiya, Hindistan, Pakistan, İran, Səudiyyə Ərəbistanı, Tunis,
Sudan, Türkiyə, Bolqarıstan, Rusiya, Ukrayna, İsrail, Qazaxıstan, Türkmənistan və
s. ölkələrin vətəndaşları vardır.
Təhsil sahəsində ölkələrarası əlaqələrimizin bu dərəcədə genişlənməsi nəinki
müəllimlərimizdə və tələbələrimizdə, həm də şagirdlərimizdə iftixar hissi yaradır.
Yönəldici və düşündürücü çalışmalar.
1. Məktəbə rəhbərliyin ümumi məsələlərini sinif müəllimi nə üçün
bilməlidir?
2. Məktəbin maddi-texniki təminatı ilə pedaqoji proses arasında asılılğın
olduğunu sübut edin.
3. Məktəbin pedaqoji kadrlarla təminatı hansı cəhətlərdən pedaqoji prosesə
xidmət edir?
4. Müəllimlərlə əlaqədar olan ictimai qurumların pedaqoji prosesə yardımı
nələrdən ibarət olur?
5. Valideynlərdən ibarət olan ictimai qurumlar hansılardır?
6. Valideynlərdən ibarət olan ictimai qurumlar hansı cəhətlərdən pedaqoji
prosesə xidmət edir?
Dostları ilə paylaş: |