Of azerbaijan high technical educational institutions
Yüklə 7,78 Mb. Pdf görüntüsü
|
| Açar sözlər:
sənaye potensialı, dəymiş ziyan, faydalı qazıntılar, sənayeləşmə siyasəti. Giriş Sənaye potensialı hər bir dövlətin inkişafının əsasını təşkil edir, ölkənin iqtisadi qüdrətinin əsas tərkib hissəsidir, onun çiçəklənməsinin rəhnidir. Sənayenin inkişafı ölkəmizdə həyata keçirilən sosial-iqtisadi siyasətin prioritet istiqamətidir. Ölkədə həyata keçirilən siyasətin əsas prioritetlərindən biri iqtisadiyyatın rəqabət qabiliyyətinin artırılması və sənayenin inkişafı vasitəsilə strukturunun təkmilləşdirilməsidir. Qarabağın Azərbaycan Respublikasının ərazisi olmasına baxmayaraq, Dağlıq Qarabağ və ona bitişik 7 inzibati rayonun (Laçın, Kəlbəcər, Qubadlı, Zəngilan, Cəbrayıl, Ağdam (rayon mərkəzi və ərazinin böyük hissəsi), Füzuli (rayon mərkəzi və ərazinin böyük hissəsi) 1989-1993-cü illərdə Ermənistan tərəfindən işğal edilmişdir. Nəticədə tarix və mədəniyyət abidələri, regionun infrastrukturu tamamilə dağıdılıb. 880-ə yaxın yaşayış məntəqəsi, 695 xəstəxana, 150 min bina və mənzil, 927 kitabxana, teatrlar, 67 məscid, saraylar, məbədlər, türbələr və s. dağıdılıb və ya yandırılıb. Regionun nəqliyyat infrastrukturu tamamilə dağılıb: yüzlərlə körpü (160), 2670 kilometr yol, 693 məktəb və 855 uşaq bağçası yararsız vəziyyətə düşüb. Yüzlərlə kilometr uzunluğunda olan suvarma sistemi tamamilə dağılıb. Ermənistan Respublikasının hərbi təcavüzü nəticəsində minlərlə Azərbaycan vətəndaşı əsir və girov götürülüb, itkin düşüb. Məqsəd Məqalənin məqsədi işğaldan azad olmuş ərazilərdə sənaye potensialının vəziyyətini qiymətləndirmək, dəymiş zərərin səviyyəsini təhlil etmək və SWOT analizi aparmaqdır. Problemin aktuallığı və əlaqəli tədqiqatlar Hazırda işğaldan azad edilmiş ərazilərin bərpası, gələcək inkişafının təmin edilməsi, zəruri infrastrukturun yaradılması və əhalinin öz doğma torpaqlarına qaytarılması istiqamətində genişmiqyaslı işlər həyata keçirilir. Bir tərəfdən yeni infrastruktur layihələrinin həyata keçirilməsi üçün etibarlı əsaslar qoyulur, digər tərəfdən isə beynəlxalq standartlar əsasında hazırlanmış müasir layihələr istifadəyə verilir. Mövzunun işlənməsini aktual edən səbəb bununla bağlıdır. |