69
ƏLİYEVLƏR AİLƏSİNİN STOLÜSTÜ KİTABI
"Zəngəzur" romanı Zəngəzurun dağ kəndində doğulub
böyümüş, sonra taleyin hökmü ilə Naxçıvanı özünə yurd
seçmiş əməksevər insan Əlirza kişi ilə İzzət xanımın
ailəsində də sevilə-sevilə, həm də ürək ağrısı ilə oxunurdu.
"HEYDƏR ƏLİYEV" kitabından gətirdiyim aşağıdakı
sitat bunun ifadəsidir:
“Belə bahar günlərinin birində Əlirza və İzzət Əliyev-
lərin ailəsində dördüncü övlad dünyaya göz açdı. Körpəyə
İzzət xanımın azərbaycanlıların Zəngəzurdan didərgin sa-
lındığı zaman həlak olmuş qardaşı Heydərin adını (heydər
- başçı, öndə gedən deməkdir - A.Q) qoydular. O Heydərin
yaşı həmişəlik iyirmi üç olaraq qaldı... İllər ötəndən sonra
Əliyevlər ailəsində Əyyub Abasovun «Zəngəzur» romanı
əldən-ələ keçdi. Çünki bu iki qalın cilddə yazılanları
oxuyan Şəfiqə eynən bu hadisələri, analarının da ona
danışdığını qardaşlarına söyləmişdi.
- Yanılmırsan, Şəfıqə, - deyə Həsən təsdiq elədi. - Bu ki-
tabı yazan adam didərginlik ağrısını çox dəqiq göstərmişdir:
«Andronik Uzunyanın əsgərləri kəndə aşağı tərəfdən
daxil oldular. Yamacın ətəyində bir neçə ev alışıb-yandı.
Comərd təkid eləyirdi ki, adamlar nəyi bacarırlarsa götü-
rüb dağlara çəkilsinlər. Haray-həşir, arvadların hönkür-
tüsü, uşaqların ağlaşması kəndi başına almışdı. Sanki qa-
yalar da Zəngəzur torpağında baş verən müsibətə laqeyd
qala bilmirdi. Atlar, yüklənmiş ulaqlar, qorxudan böyürən
öküzlər, inəklər - hər şey bir-birinə qarışmışdı. Kənddə
qalan yalnız dərd-sərdən ağlı çaşmış və öz həyatını evdən
ayrı təsəvvür etməyən qocalar idi”
1
.
1
V.Andriyanov, H.Mirələmov. Heydər Əliyev. Bakı, “Nurlan”, 2008,
səh.13-14
70
Bu - əsl ədəbiyyatdır, reallığı əks etdirən ədəbiyyat.
33 il respublikamıza rəhbərlik etmiş Heydər Əliyev
Naxçıvanda dünyaya gəlsə də, böyüyüb təhsil alsa da, vali-
deynlərinin söhbətlərini heç vaxt unutmamışdı. Görkəmli
siyasi xadim XX əsrin əvvəllərində erməni terrorçu dəstə-
lərinin Zəngəzurda törətdiyi qətliamları bütün dəhşətləri ilə
yaxşı bilirdi. Adını daşıdığı dayısı Heydər də Zəngəzurda
erməni vəhşiliyinin qurbanı olmuşdu. Bu barədə mərhum
Heydər Əliyevin bacısı Şəfiqə Əliyeva anası haqqında qə-
ləmə aldığı “Mənim anam” kitabındakı “Dayımız Heydər
deportasiya vaxtı öldü” bölümündə yazır: “Anam İzzət xa-
nım 1895-ci ildə Qərbi Azərbaycanın Zəngəzur mahalın-
dakı Comərdli kəndində anadan olub. Bu kənd Zəngə-
zurun bağ-bağatlı, səfalı guşəsi olub, dağ kəndləri içəri-
sində gözəlliyi ilə seçilirmiş. Kəndin özülünü ulu babam
Comərd qoyub. Onlar iki qardaş olublar: Comərd və qar-
daşı Alagöz Məhəmməd. Anam İzzət xanım sayılıb-seçilən,
böyük hörmət və nüfuz sahibi olan Comərdin nəslinin tö-
rəməsidir. Comərdli kəndində yaşayanların hamısı bizim
tayfamız hesab olunur. Dağ qızı olan anam elə dağ kimi də
uca, əzəmətli, vüqarlı olub. Füsunkar gözəlliyi, qeyrəti ilə
dövrün qız-gəlinlərindən fərqlənib. Ağır təbiətli, utancaq
olduğu üçün babam onu çox sevərmiş.
Ermənilərin Zəngəzur torpağına olan təcavüzü anamın
ömür kitabında gənclik xatirələrinin ən acı səhifələridir.
Öz torpağından didərgin düşənlər Naxçıvanın ətrafında
olan kəndlərdə - Qazançı, İşıqlar, Cəhri və Milax kəndlə-
rində məskunlaşırlar. Atam Əlirza və anam İzzət xanım isə
Naxçıvana gəlirlər. Lakin anamın çəkdiyi müsibətlərin
hamısından dəhşətlisi Comərdlidən qaçarkən yolda gördü-
yü mənzərə olub. Çox sevdiyi, gözəlliyi, boy-buxunu ilə se-
çilən 23 yaşlı qardaşı Heydərin meyiti onu sarsıdıb. Anamı
qaçqın düşmək ağrısından daha çox sevimli qardaşının
ölümü yandırırdı. Düz on beş il anam bacı-qardaşlarının
sağ olub-olmamasından xəbər tuta bilməyib. Bir gün isə
71
qardaşı övladlarının sağ olması xəbərini ona verirlər. Özü
nəql edirdi ki, qardaşlarımın ətrini yenicə tapdığım övlad-
larından alanda elə bil dünyaya təzədən gəldim. Məsmə,
Səkinə, Rzaqulu, Humay...Onlar anam üçün artıq yoxluğa
çevrilmiş bacı-qardaş tapıntısına bərabər sevinc idilər”.
(www.kulis.lent.az saytı, “Heydər Əliyevin bacısı anası haqqında
danışır”, 10 may 2013)
Böyük siyasi xadim qəlbən, ruhən Zəngəzur ellərinə bağlı
idi. Yazılarda, xatirələrdə oxumuşam ki, Heydər Əliyev hələ
Naxçıvanda orta məktəbdə oxuyanda da tez-tez yay tətil-
lərində Qarakilsəyə (indiki Sisian) gələr, ata-baba yurdları
Comərdlidə, Urudda qalar, qohum-əqrəbaları ilə görüşər, bu
yerləri qarış-qarış gəzməkdən doymazdı. Bu kəndlərdə onun
çoxlu uşaqlıq və gənclik dostları var idi. Bazarçayda çim-
məyi, hündürlükdən suya baş vurmağı çox sevərmiş. Bu yer-
lərin hər qarışı, dərə-təpəsi, bulağı, dağı, qayası, örüş, kövşəni
ona doğmaydı, əziz idi. “Zəngəzur” romanının müəllifi də bu
yerlərin vurğunu idi, qəhrəmanının dili ilə deyirdi: “Çayın
şırıltısı, ulduzların parıltısı, cırcıramaların nəğməsi, yaşıl
çəmənlik, ətrafdakı sıra dağlar, yaşıl yamaclar-hər şey, hər
şey həyata vurğun könülləri dilə gətirir. Sən nə sevimlisən,
a mənim yurdum! Mən sənin hər bir qarış torpağında
gördüyüm və duyduğum gözəlliyi bir yerə toplamağa qadir
olsaydım, dünyaya göstərib deyərdim: baxın, Zəngəzuru
gözəllik və təbii sərvətlər ölkəsi adlandırın!”
Yaşlı adamlar həmişə danışardılar ki, müharibə illərində
insanlar taxıl, çoxişlənən ərzaq məhsulları tapmaq sarıdan çox
korluq çəkərdilər. Heydər Əliyev hər gəlişində Sisian ca-
maatına Naxçıvandan dağarcıqlarda duz gətirərdi. O, dağlıq,
sıldırımlı qayaları keçib çətin yollarla Naxçıvandan Qarakil-
səyə olan məsafəni piyada gedib gələrdi. Çox təəssübkeş və
həssas idi. Neçə dəfə Naxçıvanda konsert proqramı hazırlayıb
gəlib bu kəndlərdə camaata göstərirdi, əhaliyə xoş ovqat bəxş
edirdi. Rəssamlıq qabiliyyəti olduğundan çoxunun rəsmini
karandaşla çəkib xatirə kimi hədiyyə edərdi. Yerli cavanlarla