53
kommunistləri, Qızıl Ordunun erməni və rus əsgərlərini
güllələtdirərək Tatev qalasından tullatdırmışdır. Njde
müstəntiqə cavab vermişdi ki, o, rusları deyil, türk Zaval
paşanın komandanlığında onun üzərinə göndərilən 200-ə
yaxın türk əsgər və zabitlərini əsir aldıqdan sonra Tatev və
Darabasda güllələtmiş və meyitlərini isə Tatev qalasından
dərəyə tullatdırmışdır.
Bu isə erməni daşnaklarının “Zəngəzur” da hər sözündən,
əməlindən qan, kin, nifrət qoxuyan digər generalı–Qara-
bağda müsəlman əhalini qırıb təmizləmək missiyasını üzəri-
nə götürmüş Dronun Njdeyə məktubundan sətirlərdir: “Cə-
nab Njde! Məktubunu aldım. Fikrinizə şərikəm. Erməni
millətini müdafiə etməkdən müqəddəs bizim nə vəzifəmiz
ola bilər? Dağlıq Qarabağa yenə dönəcəyimə əminəm.
Qırmızıları məğlub etmək üçün hər ikimiz birləşməliyik...
Dərələyəzə gələndən müsəlman kəndlərində əməliyyat
aparmağa başlamışam. ...Mən hücuma bu günlərdə keçə-
cəyəm. Gorus avqusta kimi mənim əlimdə olacaq. Zənn
edirəm ki, hər ikimiz birləşsək, bir hərəkət eləsək, qırmızı-
ları Gorusdan, Sisiyandan və başqa yerlərdən qova bilərik.
Hücum edəcəyim günü sizə ayrıca bildirəcəyəm.
General Dro. 18.IV.20-ci il”
Göründüyü kimi, erməni daşnak generalları Andronik,
Njde, Dro və Karo ingilis agentləridir, ingilislərə və ameri-
kanlara arxalanırdılar, silah, sursatı, geyimi, pulu və sifarişi
ingilislərdən alır, onların çaldığı havaya arxalanırdılar. On-
ların 1-ci məqsədi türklərdən təmizlənmiş ərazidə ABŞ,
Fransa, İngiltərəyə bağlı Ermənistan dövləti qurmaq idisə,
2-ci səbəb bolşevik Rusiyasını Qafqaza, daşnak liderlərin
rəhbərlik edəcəyi oyuncaq Ermənistana buraxmamaq idi.
Romanda adı keçən bütün erməni liderləri bu dövlətlərə
sədaqətli olacağını öhdəliyə almışdılar.
Bu sitatlar, mənbələr üzərində də düşünməyə dəyər:
“Daşnaklar Zaqafqaziyaya Ermənistandan girməyə başla-
54
yan Amerikanın agentləri idilər. “Böyük Ermənistan”
ideyası bütün Qafqazı tutmaq üçün ABŞ-ın işini asanlaş-
dırmalı idi...” (“SSRİ-də vətəndaş müharibəsi tarixi”,
1922, c-3, səh 333). “Daşnak ordusu Amerika çörəyi yeyir-
di. ABŞ Ermənistana 50 min, İngiltərə 40 min, Fransa 30
min əsgər üçün geyim, ərzaq, hərbi sursat, 10 milyon
patron vermişd”i. (“Şərq xalqları” jurnalı N.1, səh-49).
Bunu da yada salaq: ABŞ Konqresinin hələ də öz qüv-
vəsində qalan bədnam 907-ci siyasi qətnaməsinin ilk müd-
dəası belədir:
-Dağlıq Qarabağ ətrafında münaqişənin dinc yolla və
ədalətli nizama salınması uğrunda Dağlıq Qarabağ xalqı-
nın (oxu: ermənilərin-H.N) əsas hüquqlarını və mübarizə-
sini ABŞ-ın müdafiə etdiyini nəzərə alaraq, ABŞ Hökumə-
ti Ermənistanda
baş işləri
üzrə səylərə kömək göstərməyi
davam və təşviq etdirməlidir....”
“Zəngəzur” romanında, Əyyub Abasovun yanaşmasında
bu məsələlər kifayət qədər obyektiv, düzgün, birmənalı tari-
xi reallıqlar konteksində əks olunub.
55
ZƏNGƏZURLULARIN
CAVABSIZ QALAN HARAYLARI
“Yalvarıram, təcili tədbirlər görün... Zəngəzur sarıdan
başınız sağ olsun, heç olmasa Qarabağı xilas edin...”
Arxivlərdə, son illər nəşr edilmiş kitablarda, o cümlədən
Azərbaycan Xalq Cümhuriyyəti Parlamentinin iclas stenoq-
ramlarında həmin qanlı günlərdə onlarla ziyalının, el-oba
ağsaqqalının, Hökumət tərəfindən vəkil edilmiş Zəngəzur
qaçqınlarına yardım komitəsi üzvlərinin imzaları ilə 1919-cu
ilin noyabrından göndərilən xəbərdarlıq teleqramlarından,
dekabrın ilk günlərindən-Njdenin hücumları başlanmazdan
əvvəl və sonra birbaşa qırğın yerlərindən, erməni qətliamla-
rının tükürpədən gerçəkliklərinin əks olunduğu teleqram-
lardan bir neçəsinə nəzər salıb nəticə çıxarmağı oxucuların
öhdəsinə buraxaq.
Arxivlərimizdə saxlanan sənədlərdən bir neçəsini nöqtə-
vergülünə əlavə edirəm.
“Biz Oxçu-Şabadin və Gığı dərəsi sakinləri hər tərəfdən
ermənilərlə əhatə olunmuşuq, onların bütün əməlləri və
rəftarları bizə hücum etməyə hazırlaşdıqlarını açıq şəkildə
sübut edir, onların köməyinə nizami qüvvələr gəlib. Onla-
rın top və pulemyotları var. Biz çıxılmaz vəziyyətdəyik, biz
qorxuruq. Sizin ayaqlarınıza düşüb mərhəmət diləyirik və
bizi xilas etməyinizi xahiş edirik. Bizə güllə və pulemyotu
olan bir neçə zabit göndərin. Əgər göndərməsəniz, xəbər
verin ki, biz vaxtında öz kəndlərimizi tərk edək, yoxsa biz
bilirik ki, xilas ola bilməyəcəyik.”
Azərbaycan Xarici İşlər Nazirliyi isə 3 dekabrdan başla-
yaraq sağa-sola nota dalınca nota göndərməkdə idi.