19
vermə qabiliyyətinə malikdir. Azərbaycan florasında 4 növü vardır. 1 növü mədəni şəraitdə
becərilir.
Çobanqarğası- Qarğaçiçəkkimilər fəsiləsinə aid olub, birillik və çoxillik bitkidir. Latınca
«Helianthemum» adlanır. Lüğəti mənası yunan dilində helios-günəş, anthemon isə çiçək
deməkdir. Rus dilində «Solnüeüvet» adlanır. Dekorativ bitki hesab olunur. Azərbaycan florasında
7 növü vardır.
Çoğan- Qərənfilçiçəkkimilər fəsiləsinə aid olub, birillik və çoxillik bitkidir. Latınca
«Cypsophila», rus dilində «Kaçim», «Peskolöbka» adlanır. Süpürgəvari çoğanın tərkibi saponinlə
zəngindir ki, bu da köpük əmələ gətirir, içki və pivənin hazırlanmasında istifadə olunur. Eyni
zamanda bəzək-bağçılıqda, gül dəstəsinə yaraşıq vermək və bəzəmək üçün çox geniş istifadə
olunur. Azərbaycan florasında 17 növü vardır.
Çovdar- Qırtıckimilər (Taxıllar) fəsiləsinə aid olan bu bitki latınca
«Secale», rus dilində
isə «Rojğ» adlanır. Yem bitkisidir, heyvanlar tərəfindən yaxşı yeyilir. Tam yetişməmiş
meyvələrinin tərkibində 7,18%-kül, 30,61%-sellüloz, 9,06%-protein, 7,79%-zülal vardır. Bu
qiymətli bitkinin unu pəhriz xörəklərində, peçenye istehsalında, südlü sıyıq və s. yeməklərin
hazırlanmasında istifadə olunur. Azərbaycan florasında 5 növü vardır.
Çödükotu- Lamiasiyakimilər (Dodağıçiçəklilər) fəsiləsinə aid olub, çoxillik bitkidir.
Latınca «Hyssopus», rus dilində «İssop» adlanır. Efir yağlı bitkidir. Ət yeməklərinə ədviyyat kimi
istifadə olunur. Dərman bitkisidir. Efir yağlarının ətiri skipidar və kamforanın iyinə oxşardır.
Bitkinin şirəsindən ətirli ədviyyatın və içkilərin hazırlanmasında istifadə olunur. Dekorativ
bitkidir. Kabab hazırlanarkən doğranıb hazırlanmış ətə onun qurudulmuş tozundan qatıldıqda çox
dadlı olur. Azərbaycan florasında Ensizyarpaq çödükotu növləri vardır.
Çölnanəsi (Mərzə)- Lamiasiyakimilər (Dodağıçiçəklilər) fəsiləsinə aid olub, birillik və
çoxillik bitkidir. Latınca «Satureia» adlanır. Lüğəti mənası saturare-doydurmaq deməkdir. Rus
dilində «Çaber» adlanır. Efir yağı verən bitkidir. Likör və konyak içkilərinə ətirli dad
verilməsində istifadə olunur. Təzə yarpaqları qidaya ədviyyat kimi qatılır. Bundan əlavə yaxşı bal
verən bitkidir. Azərbaycan florasında 6 növü vardır.
Çörəkotu- Qərənfilçiçəkkimilər fəsiləsinə aid olub, birillik bitkidir. Latın dilində
«Vaccaria» adlanır. Lüğəti mənası vacca-inək deməkdir, buna görə də bu bitki inəklər üçün yaxşı
yem bitkisi hesab olunur. Rus dilində «Tısəçeqolov» adlanır. Adi alaq bitkisidir. Toxumları
zəhərlidir. Azərbaycan florasında Əkin çörəkotu növü vardır.
Çubuqluca- Daşdələnkimilər fəsiləsinə aid olub, kol bitkisidir. Latınca «Phidelphus»
adlanır. Yunan dilində lüğəti mənası fileyn – sevilən, adelfos-qardaş olub, qarşı-qarşıya yerləşən
budaqların üzərində bir-birinə sıx oturmaq deməkdir. Rus dilində «Çubuşnik» adlanır.
Çiçəklərində nektar vardır. Onlardan alınan efir yağı ətriyyat sənayesində istifadə olunur.
Yarpaqlarından qara rəng alınır. Cavan budaqlarından qəlyan, müştük (çubuq) düzəltmək üçün
istifadə olunur. Ona görə də bu çubuqluca adlanır. Azərbaycanda bəzək-bağçılıqda geniş yayılanı
Çiçəktaclı çubuqluca və ya
Bağ jasminidir.
Çuğundur (Pazı, zılx) – Tərəçiçəkkimilər fəsiləsinə aid olub, birillik, ikiillik bitkidir.
Latınca «Beta», rus dilində «Svekla» adlanır. Çuğundur böyük təsərrüfat əhəmiyyətinə malikdir.
Çuğundurun yoğunlaşmış iyşəkilli kök yumrusunun tərkibi şəkərlə zəngindir ki, bundan da şəkər
alınır. Çuğundurdan qırmızı boya alınır. Çuğundurun yarpaqlarında 60 -75 qamm A vitamini,
52,2 – 93,1 mq % C vitamini, köklərində isə B vitamini vardır. Çuğundur heyvanlar üçün yaxşı
yem hesab olunur. Çuğundurun ocağın kökündə basdırılaraq bişirilmiş kökləri çox ləzzətlə
yeyilir. Azərbaycan florasında 4 növü vardır. Bunlardan ən əhəmiyyətlisi Adi çuğundur növüdür
ki, bu da mədəni şəraitdə becərilir.
Dağ çiçəyi- Qərənfilçiçəkkimilər fəsiləsinə aid olub, çoxillik bitkidir. Latın dilində
«Coronaria» adlanır. Lüğəti mənası corona-tac deməkdir. Rus dilində «Qoriüvet» adlanır.
Dekorativ bitkidir. Azərbaycan florasında Dərivari dağçiçəyi növü bitir.
20
Dağdağan- Qarağackimilər fəsiləsindən olan ağac və ya kol cinsidir. Latın dilində
«Celtis», rus dilində «Karkas» və ya «Kamennoe derevo» adlanır. Quraqlığadavamlı, işıq və isti
sevəndir. Torpağa tələbkar deyildir. Oduncağı möhkəm olduğuna görə ona «daş ağac» da deyilir.
Balaca bir parçasını suya atdıqda asanlıqla batır. Meyvəsi yeyilir. Cavan yarpaqları heyvanlar
üçün yemdir. Qabığından dərinin aşılanmasında, möhkəm və davamlı oduncağından isə
dülgərlikdə istifadə olunur. Qədim zamanlardan xalqımız bu bitkini ovsun bitkisi kimi istifadə
edib. Göz dəyməyə qarşı balaca budağını 5 sm uzunluğunda kəsərək içərisini deşib körpələrin
qoluna bağlayır və ya boynundan asırlar. Hətta təzə doğulan inək, balasını yanına buraxmadıqda,
dağdağanı onun buynuzuna bağlayırlar ki, sakitləşib balasını qəbul etsin və əmizdirsin.
Azərbaycan florasında 4 növünə təsadüf edilir. MNB-da kolleksiyada becərilir.
Dağ keşnişi- Kərəvüzkimilər (Çətirçiçəkkimilər) fəsiləsinə aid olub, birillik bitkidir. Bitki
latın dilində «Bifora» adlanır. Lüğəti mənası biforis-ikiqapılı deməkdir. Rus dilində «Bifora»,
«Kişneü», «Kindza» adlanır. İsti sevəndir. Azotlu və şoran torpağı sevir. Ədviyyə bitkisi kimi
tanınır və əsasən dovğa, buğlama, kətə, qutabların hazırlanmasında və s. istifadə olunur.
Azərbaycan florasında 2 növü vardır.
Dağlaləsi(Xoruzgülü,laləgülü,danaxayası, əbrişim)- Zanbaqkimilər fəsiləsinə aid olub,
çoxillik bitkidir. Latınca «Tulipa» adlanır. Lüğəti mənası turban- yüngül baş örtüyü deməkdir.
Rus dilində «Tölğpan» adlanır. Yaşıllaşdırmada müxtəlif çiçək kompozisiyası yaratmaq, gül
dəstəsi düzəltmək üçün istifadə olunur. Soğanaqları bişirilmiş halda yeyilir. Çiy yedikdə isə ürək
bulanma və qusma halları baş verir. Hollandiyada qızlar gəlin köçəndə dağlaləsinin qiymətli
sortlarının soğanaqlarını cehiz kimi onlara hədiyyə verirlər. Vaxtı ilə ən qiymətli növlərin
soğanlarını hətta un dəyirmanı və pivə zavodu ilə dəyişdirirdilər. Azərbaycan florasında 7 növü
bitir. 5 növü Azərbaycanın «Qırmızı Kitab»ına daxil edilmişdir. Həmin növlər MNB-nın
kolleksiya sahəsində becərilir.
Dağ nanəsi- Lamiasiyakimilər (Dodaqçiçəklilər) fəsiləsinə aid olub, birillik və çoxillik
kəskin ətirli ot bitkisidir. Bitki latın dilində «Ziziphora», rus dilində «Zizifora» adlanır. Demək
olar ki, bütün növləri efir yağlıdır. Kəklikotuvarı dağ nanəsindən alınan efir yağı çox ətirli
olduğundan ətriyyatda və sabun istehsalında ətirləndirici kimi istifadə olunur. Bəzi növləri
nektarlıdır. Yayın sonu və payız aylarında çiçəkləyir. Alpinarilərin yaradılması zamanı günəşli,
quru yerlərin daş çatlarında əkilir. Toxum vasitəsilə yazda, qələmlə yayın sonunda çoxaldılır.
Azərbaycan florasında 8 növü bitir.
Dağnovruzu(Meşənovruzu,meşəbənövşəsi)-
Novruzçiçəyikimilər
fəsiləsinə aiddir.
Respublikamızın bir sıra rayonlarında bitkiyə bəzən «meşə bənövşəsi» də deyilir. Bitki latın
dilində «Cyclamen», rus dilində «Drəkva» adlanır. Çoxillik kökyumrulu ot bitkisidir. Dekorativ
bağçılıqda geniş istifadə olunur. Ancaq toxumla çoxaldılır. İşıqlı və sərin yerlərdə daha yaxşı
inkişaf edir. Bütün növləri zəhərlidir. Tərkiblərində saponin-siklamiretin qlükozidi vardır. Xalq
təbabətində kök yumrusunun suyundan 1-2 damcı burun, alının və qulaq boşluğunun selikli
iltihabı xəstəliklərinə qarşı istifadə olunur. Azərbaycanda 2 növü vardır. Bir çox növləri nadir və
nəsli kəsilməkdə olan bitki kimi Azərbaycanın «Qırmızı Kitab»ına daxil edilmişdir. MNB-da 3
növü kolleksiyada vardır.
Dağtərxunu- Kəpənəkçiçəkkimilər(Mürəkkəbçiçəkkimilər) fəsiləsindən olan çoxillik
bitkidir. Latın dilində «Tanacetum», rus dilində «Pijma» adlanır. Yarpaq və çiçəklərində efir
yağı, flavonoidlər, aşı maddələri və alkaloidlər vardır. Tibbdə bağırsaq qurdlarına qarşı işlədilir
Qaramal üçün zəhərlidir. Dağtərxunundan insektisid kimi istifadə olunan toz alınır. Ətirli iyinə
görə xalq təbabətində baş ağrısı, soyuqdəymə və s. xəstəliklərin müalicəsində istifadə olunur. Çiy
halda yeyilir. Müxtəlif xörəklərin məs: buğlama, sıyıq, kətə və s. hazırlanmasında istifadə olunur.
Azərbaycan florasında 4 növü yayılmışdır.
Dalamaz (Gicitkən)- Lamiasiyakimilər (Dodaqçiçəklilər) fəsiləsindən olub, birillik və
çoxillik bitkidir. Bitki latın dilində «Lamium», rus dilində «Əsnotka», «Qluxaə krapiva» adlanır.
Dalamazın çiçəkləri dərman məqsədilə istifadə olunur. Çiçəklərinin tərkibində aşı maddəsi,