21
qlükozid, şəkər, efir yağı, saponin, yarpaqlarında isə 13,7-14,4 mq% karotin vardır. Cavan
yarpaqları qidada istifadə olunur. Balverən bitkidir. Azərbaycan florasında 5 növünə rast gəlinir.
Danaayağı(Kəcəb)- Danaayağıkimilər fəsiləsinə aid olub, çoxillik bitkidir. Bitki latın
dilində «Arum», rus dilində «Aroynik» adlanır. Yeraltı kökyumruları dananın ayağına oxşadığına
görə ona danaayağı adı verilmişdir. Bitkinin bütün hissələrində zəhərli maddələr vardır. Kök
yumruları nişasta ilə zəngindir, bişirildikdən və qurudulduqdan sonra zəhərlilik xüsusiyyətini
itirir və qidada istifadə olunur. Ondan un və nişasta alınır. Qurudulmuş kök yumrularından alınan
toz xalq arasında yara sağaldıcı kimi istifadə olunur. Azərbaycan florasında 2 növü bitir. Həmin
növlər AMEA-nın Mərkəzə Nəbatat Bağında kolleksiyada saxlanılır.
Danaqıran- Melentakimilər (Zambaqkimilər) fəsiləsinə aid olub, dekorativ bitki cinsidir.
Bitki latın dilində «Merendera», rus dilində «Merendera» adlanır. Çoxillik, 5-12 sm
hündürlüyündə soğanaqlı yumrulu bitkidir. Qumsal və şoran düzən ərazilərdə, dağlarda isə subalp
çəmənlərinə qədər yayılmışdır. İlk yazda çiçək açan bu bitkinin çiçəklərini danalar yedikdə
zəhərlənib öldüyündən ona bu ad verilmişdir. Qış otlaqlarında yaşayan heyvanlar üçün zərərli
bitki hesab olunur. Azərbaycan florasında 5 növü yayılmışdır. 5 növü MNB-da becərilir.
Danaya- Bigəvərkimilər fəsiləsinə aid olub, həmişəyaşıl budaqlı yarımkoldur. Bitki latın
dilində «Danae», rus dilində «Danaə» adlanır. Dekorativ bitkidir. Yaraşıqlı yarpaqları və gözəl
qırmızı rəngli giləmeyvələrindən gül dəstəsi düzəltdikdə çox yaraşıqlı görünür. Xalq təbabətində
yarpaqlarından işlətmə dərmanı kimi istifadə olunur. Yarpaqlarından alınan cövhər isə
soyuqdəyməyə qarşı yaxşı vasitədir.
Darı- Qırtıckimilər (Taxıllar) fəsiləsinə aiddir. Bitki latınca «Panicum», rus dilində
«Proso» adlanır. Panicum-darının qədim roma adıdır. Bu cinsə daxil olan növlərin əksəriyyəti
qida və yem bitkisi kimi becərilir. Toxumlarından nişasta alınmasında istifadə olunur. Tərkibində
yağ vardır. Darıdan hazırlanmış undan darı çadı (çörəyi) bişirilir. Qını çıxarılmış darı
yarmasından südlü sıyıq çox dadlı olur. Kağız istehsalında istifadə olunur. Azərbaycan florasında
2 növü vardır.
Darıotu- Kələmkimilər (Xaççiçəkkimilər) fəsiləsinə aid olub, birillik bitkidir. Bitki latın
dilində «Drabopsis», rus dilində «Krupkovnik» adlanır. Xırda meyvələri olduğuna və darıya
oxşadığına görə ona darıotu deyilir. Toxumları qidalı olduğundan ev və çöl quşları tərəfindən
həvəslə yeyilir. Azərbaycan florasında Yaz darıotu növü bitir.
Daşdələn (Qayaotu)- Daşdələnkimilər fəsiləsinə aid olub, birillik və çoxillik bitkidir.
Latın dilində «Saxifraga» adlanır. Lüğəti mənası saxum-qaya, frango-qırmaq deməkdir Rus
dilində «Kamnelomka» adlanır. Daşlı təpəciklərin yaşıllaşdırılmasında istifadə olunur. El
arasında qayaotu kimi tanınır. Bu bitkinin kökləri daşları dəlməklə qayada bitdiyindən daşdələn
adlanır. Üçbarmaqcıxlı daşdələnin yarpaqları qidada istifadə olunur. Azərbaycan florasında 15
növü vardır.
Daşmeyvə- Kələmkimilər (Xaççiçəkkimilər) fəsiləsinə aid olub, birillik bitkidir. Bitki
latın dilində «Euclidium» adlanır. Lüğəti mənası yunan dilində eu-yaxşı, kleyo isə bağlamaq
deməkdir. Rus dilində isə «Krepkoplodnik» adlanır. Qayalarda və daşlıqda bitən bitki yaxşı
inkişaf etdiyinə görə ətrafda olan sahəni örtərək gözəl görkəm yaradır. Dekorativ bitkidir.
Daş sarmaşığı- Sarmaşıqkimilər fəsiləsinə aiddir. Kol bitkisidir. Latınca «Hedera», rus
dilində «Plöh» adlanır. Lüğəti mənası yunan dilində hedein-oturmaq deməkdir, bitkinin divara və
ya substrata möhkəm oturması ilə bağlıdır. Sarıgilə daş sarmaşığından ürəkbulanma və işlətməyə
qarşı istifadə olunur. Meyvələri acı olsa da quşlar tərəfindən yaxşı yeyilir. Meyvələrinin
tərkibində hederin, aşı maddələri: hederosaponin, boyayıcı piqment və linolev turşusu vardır.
Bəzək-bağçılıqda binaların şaquli və üfüqi yaşıllaşdırıl-masında, divarların, söhbətkeşlərin,
hasarların bəzədilməsində istifadə olunur. Azərbaycan florasında 4 növü vardır, onlardan 1-i
mədəni şəraitdə becərilir.
Dazı – (
Solmazçiçək,
qaxot, qoyunqıran) Dazıkimilər fəsiləsinə aid olub, çoxillik
bitkidir. Bitki latın dilində «Hypericum», rus dilində «Zveroboy» adlanır. Dərman bitkisidir.
22
Dazının yarpaqlarından tənəffüs yolları xəstəlik-lərinin müalicəsində, ishala qarşı və yaraların
sağalmasında istifadə olunur. Bitkinin bütün hissələri aşı maddəsi ilə zəngindir. Dazının yarpaq-
larında 135,5 mq% C vitamini vardır. Azərbaycan florasında 15 növü bitir. Onlar-dan ən
əhəmiyyətlisi Zəyif dazıdır. MNB-nın kolleksiya sahəsində vardır.
Dəfnə (Lavr)- Dəfnəkimilər fəsiləsindən olan həmişəyaşıl ağac və ya kol cinsidir. Bitki
latın dilində «Laurus» adlanır. Lüğəti mənası lavare-yumaq və ya laus-fəxr deməkdir. Rus
dilində «Lavr» adlanır. Yunanlar Olimpiya yarışlarında qalib çıxan idmançıları dəfnədən
hörülmüş çələnglə mükafat-landırırdılar. Yəqin ki, fəxri sözü buradan qaynaqlanır. Yarpaqları
ədviyyə kimi kulinariyada işlədilir. Meyvəsindən tibbdə, baytarlıqda və sabun-bişirmədə istifadə
olunan təbii-efirli yağ alınır. Azərbaycan florasında Əsl lavr (Nəcib dəfnə) növü vardır ki, bu da
mədəni şəraitdə becərilir. MNB-da kolleksiyası vardır.
Dəfnəgilənar- Gülçiçəklilər fəsiləsinə aiddir. Bitki latın dilində «Laurocerasus», rus
dilində «Lavrovişnə» adlanır. Yarpaqları dəfnəyə oxşa-dığına görə bu adla adlandırılır.
Dekorativdir, meyvələri iridir, şirintəhərdir və yeməlidir. Dərman bitkisidir. Azərbaycan
florasında mədəni şəraitdə becərilən Aptek dəfnəgilənarı növü vardır.
Dəlibəng (Tatla)- Badımcançiçəklilər fəsiləsinə aid olub, birillik bitkidir. Bitki latın
dilində «Datura», rus dilində «Durman» adlanır. Dəlibəngin bəzi növləri olduqca zəhərli, bəziləri
isə dərman bitkisi kimi tanınmışdır. Tər-kibində giostsiamin, atropin, skopolamin və s. zəhərli
alkaloidlər vardır. Dəlibəngin yarpaqları əsəb sistemini sakitləşdirmək xüsusiyyətinə malikdir.
Yarpağından hazırlanmış preparat qıcolmaya, sinir sistemi xəstəliklərində və revmatizmə qarşı
istifadə olunur. Bronxial astmaya qarşı işlədilən astmatin və astmatolun preparatlarının
hazırlanmasında dəlibəngin qurudulmuş yarpağından istifadə edilir. Bəzək-bağçılıqda geniş
istifadə olunur. Azərbaycan florasında Adi dəlibəng növü vardır.
Dəliçətənə- Dəliçətənə fəsiləsinə aid olub, çoxillik ot bitkisidir. Bitki latın dilində
«Datisca» adlanır. Lüğəti mənası yunan dilində datesai-şəfa verən, iskeiv-eyni hesab etmək
deməkdir. Rus dilində «Datiska» adlanır. Gövdəsindən kobud tel alınır ki, bundan da çətənə
lifinin alınmasında istifadə olunur. Yarpağından, kökündən bərk boya alınır. Xalçaçılıqda qırmızı
boya almaq üçün istifadə olunur. Cavan zoğları salatlara qatılır. Balverən bitkidir. Azərbaycan
florasında Kənaf dəliçətənə növü bitir.
Dəmirağacı- Dəmirağacıkimilər fəsiləsinə aiddir. Bitki latın dilində «Parrotia», rus
dilində «Parrotiə», «Jeleznoe derevo» adlanır. Oduncağı çox möhkəm, ağır və davamlı, azacıq
elastik olduğu üçün ondan bəzi maşın hissələri, bədii məmulatlar və dekorativ faner hazırlanır.
Dəmirağacının toxumlarının tərkibində yağ vardır ki, bu da qidada istifadə olunur. Oduncağı
möhkəm olduğuna görə suda batır. Möhkəmliyinə və uzunömürlüyünə görə xalq onu dəmirağacı
adlandırıb. Vaxtilə toxuculuq sənayesində dəzgahlar üçün ondan məkik hazırlanırdı. Nadir və
nəsli kəsilməkdə olan bitki kimi Azərbaycanın «Qırmızı Kitab»ına daxil edilmişdir. MNB-da
kolleksiyada becərilir. Yerə tökülmüş toxumları öz-özünə bərpa olunur.
Dəmirqara (Vələs, ulas)- Tozağacıkimilər fəsiləsinə aiddir. Bitki latın dilində
«Carpinus», rus dilində «Qrabinnik» adlanır. Azərbaycanın bir çox bölgələrində vələs, ulas adı
ilə adlandırılır. Vələsin Azərbaycan florasında 6 növü vardır ki, onlardan biri də dəmirqaradır.
Bitkiyə bəzən Şərq vələsi də deyirlər. Dəmirqaranın kök və yarpaqlarında aşı maddəsi vardır.
Möhkəm oduncağının közü istiliyini 24 saat saxlayır.
Dəmir səhləbi- Səhləbkimilər fəsiləsinə aid olub, çoxillik bitkidir. Bitki latın dilində
«Gymnadaenia» adlanır. Lüğəti mənası yunan dilində qimnos-çılpaq, aden isə dəmir deməkdir.
Rus dilində «Kokuşnik» adlanır. Dəmir səhləbinin kök yumrusu selikli qişa ilə zəngin olub,
tərkibində «salep» adlı maddə vardır ki, bundan xalq təbabətində mədə-bağırsaq xəstəliklərinin
müalicəsində istifadə olunur. Kök yumrusunu qurudub, əzib və süddə dəmləyib içdikdə boğaz
ağrılarının qarşısını alır. Nadir bitki kimi Azərbaycanın «Qırmızı Kitab»ına daxil edilmişdir.
Azərbaycan florasında Çılpaq dəmir səhləbi növü vardır.