P. O. Box 126, Richmond, Surrey tw9 2UD, uk
Yüklə 9,74 Kb. Pdf görüntüsü
|
335 Elə isə Sünnənin bir şeyin haram və ya vacib olmağının isbatında kafi sayılmadığını iddia edən şəxs, əslində, alimlərin ixtilafa düşdükləri şeyi inkar etmişdir. Odur ki, kafir sayıla bilməz...” 1 . Biz bu fitvanı ona görə dərc etdik ki, Allahın cisim ol- mağı ehtimalını yaradan əqidə mövzulu bəzi hədislərə mü- nasibət bildirək. Alimlərimiz əqidə mövzularında dəlil seçi- ləcək hədislərin “mütəvatir” olmağını şərt qoymuşlar. Belə hədislərdən bir-iki misal gətirək: “Bir insan miniyində necə oturursa, Allah da taxtında (ər- şində) o cür oturur. Taxt bu zaman Onun ağırlığı və əzə- mətindən səs çıxarır” 2 ; Başqa bir hədisdə isə “Allahın taxtını daşıyan səkkiz dağ keçisi...” sözləri işlədilib 3 . Bütün bunlar “ahad” hədislərdir. Alimlər bu cür hədisləri bir kənara qoymuş, onlara əsasən heç bir dini hökm çıxarmamışlar... 1 Fitvanı 01.02.1990-cı il tarixində Əzhəri-Şərif Fitva Komitəsinin sədri Şeyx Abdullah əl-Müşidd vermişdir. 2 Hədisi İmam Əhməd və Darimi rəvayət etmişlər. 3 Hədisi Əbu Davud və İbn Macə rəvayət etmişlər. 336 Qəbir əzabı haqda bir-neçə söz Bəzilərinin bu cür hədislərə (“ahad” hədislərə) münasibəti haqda danışaq: Həzrəti Aişəyə (Allah ondan razı qalsın!) istinadən İmam Əhməd “Müsnəd” kitabında belə rəvayət edib: “Bir yəhudi qadın Həzrəti Aişəyə xadiməlik edirmiş. Həz- rəti Aişədən hər dəfə yaxşılıq gördükdə qadın ona: “Allah səni qəbir əzabından qorusun!” – deyirmiş. (Aişə deyir:) “(Bir dəfə) Peyğəmbər (Ona Allahın xeyir-duası və salamı olsun!) yanıma gəl- mişdi. Soruşdum: “Ey Allahın rəsulu, qiyamətdən qabaq qəbirdə əzab vardırmı?” Peyğəmbər: (Ona Allahın xeyir-duası və salamı olsun!) “Xeyr, yoxdur, – dedi və soruşdu – Bunu kim iddia edir?” Dedim: “Bu yəhudi qadın. Hər dəfəsində ona yax- şılıq etdikdə mənə: “Allah səni qəbir əzabından qorusun!” – söyləyir.” Peyğəmbər (Ona Allahın xeyir-duası və salamı olsun!) dedi: “Yə- hudilər yalan söyləyirlər. Onlar Allah barədə ən çox yalan danışanlardır. Əzab təkcə Qiyamət günündə vardır.” (Həz- rəti Aişə deyir:) “O (Peyğəmbər – mütərcim), Allahın is- tədiyi müddət keçdikdən sonra, bir dəfəsində, günorta vaxtı paltarına bürünmüş və gözləri qızarmış halda evindən çıxıb, uca səslə dedi: “Qəbir zülmət qaranlığın bir parçasıdır. Ey insanlar, əgər bildiyimi bilsəydiniz, çox ağlayar, az gülərdiniz. 337 Ey insanlar, qəbir əzabından Allaha sığının. Doğrudan da, qəbir əzabı bir həqiqətdir” 1 . Hədisin istinadı Buxari və Müslimin səhihlik şərtlərinə görə səhihdir. Amma onlar bu hədisi rəvayət etməyiblər. Bu hədis barədə bəzi qeydlərimiz vardır. Belə ki, hədis Quranın üç ayəsinə ziddir: 1. “Allaha iftira yaxan, özünə heç bir vəhy olunmadığı halda: “Mənə də vəhy olunmuşdur, mən də Allahın nazil etdiyi (Quran) kimi bir kitab endirəcəyəm”, – deyən şəxsdən daha zalım kim ola bilər? Kaş sən zalımları ölüm əzabı içində çapalayan, mələklərin də (bu zaman) əllərini uzadıb: “Çı- xarın canlarınızı! Siz bu gün Allaha qarşı nahaq sözlər da- nışdığınıza və Onun ayələrinə təkəbbür göstərdiyinizə görə alçaldıcı bir əzabla cəzalandırılacaqsınız!” – dediklərini gö- rəydin!” (əl-Ənam, 93); 2. “Onlar (ölən gündən qiyamətə qədər qəbir evində) səhər-axşam (gündə iki dəfə) odda yandırılarlar. Qiyamət qopduğu gün isə (deyiləcəkdir): “Firon əhlini ən şiddətli əzaba salın!” (Ğafir, 46); 3. “(Ya Rəsulum!) Kaş sən kafirləri mələklər onların üzü- nə və yanlarına vura-vura: “Dadın atəşin əzabını!” – deyib canlarını alanda görəydin! Bu (əzab) sizin öz əllərinizlə qazandığınız (əllərinizin törətdiyi) günahlara görədir. Yoxsa Allah bəndələrinə əsla zülm edən deyildir!” (əl-Ənfal, 50-51). 1 Əhməd ibn Hənbəl. Müsnəd, 6/81. 338 Habelə sözügedən hədis qəbirdə əzab və mükafatın ol- duğunu isbatlayan digər hədislərlə ziddiyyət təşkil edir. Bədr döyüşündən sonra meyitləri eyniadlı quyuya atılmış kafirlərə xitabən Peyğəmbərin (Ona Allahın xeyir-duası və salamı olsun!) “Rəbbinizin vədinin haqlı olduğunu gördünüzmü? Biz də rəbbimizin bizə verdiyi vədin haqq olduğunu gördük...” deməsi; Buxa- rinin də rəvayət etdiyi kimi, iki qəbrin yanından keçərkən Peyğəmbərin “Bu qəbirlərdə yaranlara əzab olunur...” – söyləməsi 1 və s. Bu mövzuya dair dəlillər hədsiz çoxdur. Elə isə necə iddia oluna bilər ki, Peyğəmbər qəbir əzabı nədir bilmirmiş? Bu bir yana qalsın, görün nə vəziyyət yaranıb ki, bir yəhu- di qadın gəlib, müsəlmanlara qəbir əzabı haqda xəbər ve- rir! Qurani-Kərim Peyğəmbərə hey təlqin edirdi ki, insan hə- yatı ölümdən qabaq və sonrakı mərhələlərdən ibarətdir; in- sanlar dünyadan köçən kimi, ya mükafatlandırılır, ya da cəza görürlər. Necə ola bilər ki, Peyğəmbər bunu inkar etsin?! İbn Kəsir bu “qərib” hədisi müdafiə etmək üçün ayələri yozmuşdur. O iddia edirdi ki, ayələrdə söhbət mənəvi əzab- dan gedir, həqiqi (hiss olunan) qəbir əzabından deyil! Bu ki səhvdir! Məgər mənəvi əzab zamanı insanın yanı və üzünə vur- maq mümkündür?! Əgər əzab mənəvidirsə, qəbrin sıxılması zamanı sümüklərin bir-birinə girməsi baş verərmi?! 1 Hədisi İmam Buxari, İmam Müslim, Əbu Davud, Tirmizi, Nəsai, İbn Macə, Darimi və Əhməd ibn Hənbəl rəvayət etmişlər. Yüklə 9,74 Kb. Dostları ilə paylaş:
|