Eramızın VIII-XI əsrləri. Böyük Qırğız dövləti epoxasıdövrü
Xalqımızın tarixində dövlətçiliyin rolunun güclənməsi
və onun yaradılmasının əsas məqamları nəzər-diqqəti cəlb
edir. “Səma eli” – ilahi dövlət, bu, bir çox müəlliflərin qırğız
xaqanlığına ithaf etdiyi epitafiyadır. Məs., “Mənim adım
Əl Tutan Tutukdur. Mən ilahi dövlətin elçisiyəm”, – deyə
Uyuk-Tarlık yazısının müəllifi yazır. Qızıl-Çira yazısının
müəllifi isə belə öyünür: “İlahi dövlətə mənim xeyrim budur
ki, doqquz yağı ömrünü yarımçıq kəsdim”.
VII-IX əsrlərə aid tapılmış Orxon-Yenisey runa yazılı
abidələr özündə əsasən qırğız aristokratiyasına həsr olunmuş
qəbirüstü yazılardır. Qədim qırğız dövlətinin abidələri,
Tonyukuk, Orxon-Yenisey daş kitabələrindəki Gültəkin runa
yazıları. İkinci Türk xaqanlığının əsas başçılarından biri olan
Tonyukuk qırğızları belə təsvir edirdi: “Tabqaç (çinli) xaqan
bizim düşmənimiz idi. Türgəş xaqan bizim düşmənimiz idi.
Amma bizim ən böyük düşmənimiz güclü qırğız xaqanı idi”.
Beləliklə, bizim ulularımızın qüdrətinə hətta düşmənləri də
hörmət edirdilər.
722-ci ildə qırğız səfiri İsobo Şeyuçje Bişinin oğlu
Tegin xaqan Tan imperiyasının başçısı tərəfindən qəbul
edildi. 723-cü ildə isə çinli səfir Tszuyli Pin Xaç Jun Yenisey
qırğızları tərəfindən qəbul edildi. Yenisey namələrində
Tibet dövlətinə səfir Ərən Uluğun yazıları saxlanılmışdır:
“Rəşadət göstərdiyimə görə məni Tibet çariçasına səfir kimi
təqdim etdilər”. İndiki Tuva ərazisində aparılan qazıntılar
zamanı 26 yaşlı gənc Əzgənə adlı gəncin artıq Türgəşdə
səfir olmasını sübut edən əşyalar tapılmışdır. Yenisey
qırğızlarının Çin imperiyası ilə siyasi ittifaqı yüz ildən artıq
mövcud oldu – 758-ci ilə qədər. Bu tarixi ittifaq dövründə
əkinçilik geniş vüsət aldı, ticarət və din sürətlə inkişaf etdi,
qızıl və gümüz mənbələri mənimsənildi. Paralel olaraq, 37-
38 işarəsi olan runa yazısı geniş vüsət aldı. Həmin dövrdə
kağızı Çindən idxal edirdilər. Qədim Çin yazılı mənbələri
(“Tan imperiyasının yeni salnaməsi”, “Qırğızların şəcərəsi”)
göstərir ki, Yenisey qırğızlarında türkdilli tayfalar arasında
ilk dəfə olaraq stasionar təqvim olmuşdur. Qırğızlar ilin
əvvəlini “baş ay” adlandırmışdılar. İli bərabər olaraq dörd
fəslə bölürdülər: yaz, yay, payız, qış. Hər il 12 heyvandan
birinin adı ilə başlayırdı.
Çin yazılı abidələri Koşo Tsaydam və Qarabalqasuna
görə, Qırğız dövlətinin nəsibinə qüdrətli olmaq yazılmışdır.
Guya bu dövlət, başında xaqanın dayandığı 400 minlik orduya
malik olmuşdur. Eləcə də bu tarixi mənbələrin məzmununa
görə, qırğızlar o dövrdə varlı hesab edilirdilər. Hətta ərəb
194
Alakunov A.A. “Barsbəy” (Sunqa üzərində döyüş) B., 2011-ci il, kətan, yağlı boya, 152 x 342
Düşməninə dost gözü ilə baxma –
Haçansa pislik edəcək;
Qurdla dostluq et,
195
tacirləri qırğız xaqanlığının var-dövlətinə heyran
olurdular.
840-cı ildə qırğız xaqanı Xyun-Vu Çen Min
(təəssüf ki, əsil adı bizə qədər gəlib çatmamışdır,
o, tarixə çinli Tan sülaləsinin imperatoru tərəfindən
əta edilən taxt-tac ismi ilə daxil olmuşdu)
yüzminlik ordu ilə uyğur ordusunu darmadağın
etdi, onların paytaxtını – Ordu-Balıq – şəhərini isə
talan edib yandırdı. Mərkəzi Asiyanın çöllərində
qırğız xaqanlığı hökmfərma idi. Uyğurlar tam
məğlubiyyətə uğradılar. Məğlub döyüşçülər
təşviş içində müxtəlif istiqamətlərdə qaçdılar.
Hissələrə parçalanmış dəstələr Baykalətrafı
yerlərə, Cənubi Mançjuriyaya, İrtışyanı səmtinə,
Daxili Monqolustana doğru getdilər. Uyğurların
iri, potensialını saxlamış dəstələri cənub-şərqə,
Çin Tan imperiyasının sərhədlərinə sarı istiqamət
götürdülər ki, bu da Pekində böyük narahatlığa
səbəb oldu. Bu barədə Lev Qumilyov görün, nə
yazır: "818-ci ildə qırğız knyazı Ajo özünü xan
elan etdi və Uyğurustana qarşı üsyana qalxdı.
Uyğur xanı Baom xanın üsyanı yatırtmaq cəhdləri
uğur qazanmadı. Ajo qeyd-şərtsiz təslimat tələb
edirdi. “Taleyinin sonu çatmışdır” – deyə o, uyğur
xanına müraciət etdi, – “tezliklə mən sənin Qızıl
Ordanı zəbt edəcəyəm, öz atımı onun qarşısına
çıxaracağam və bayrağımı yerə sancacağam.
Hərgah yarışmaq istəyirsənsə, gəl. Bacarmazsansa,
vaxt itirmədən çıx get”. Yenisey qırğızları
uyğurların təqibinə çıxıb karlukların indiki Şərqi
Türküstan ərazisindəki torpaqlarına qədər gəlib
çıxdılar və karlukların Beytin (Beşbalıq) və Ansi
(Kuça) şəhərlərini ələ keçirdilər. Qırğızlar 840-cı
ildə Uyğurustanın paytaxtı – Qaraquum şəhərini
götürdülər. Bu minvalla yeni qüdrətli qırğız dövləti
yarandı. Bizə çatmış məlumatlara görə, qırğız
xaqanı özü 847-ci ildə həlak olubmuş.
Çin yazılı məxəzlərində Tan dövləti
imperatorunun qırğız xaqanına qırğız səfiri Çjuu-
Xesu vasitəsilə göndərilmiş məktubu saxlanılmışdır,
məktubda deyilir: “İmperator syatszyas (qırğız)
xanına hörmətlə müraciət edir. İndi bahar gəlmişdir
və düşünürəm, güman ki, Sizin (bütün) işləriniz
rəvan gedir. Çjuu-Xesu və başqaları gəlmişlər.
(Mən) (Sizin) məktubunuzu oxudum və atların
təqdimat işi ilə bağlı hər şeylə tanış oldum. Siz
İnınanda (İnşan - Xuanxenin döngəsindən şimala
dağlar), qüvvənizlə şöhrətlənmişsiniz və şimalın
qəhrəmanısınız. (Siz) bütün varlığınızla müdrik
planlar tökürsünüz, səmimi hərəkət edirsiniz və
xalq (Sizinlədir). (Sizin) Şöhrətiniz vəhşi tayfalarda
artmışdır, qüvvənizə isə xarici sərhədlərdə hörmət
edilir. (Siz) səfirinizi qəsdən yollamışsınız
və uzaqlardan bəxşiş kimi məşhur atları
göndərmişsiniz. (Sizin) göstərdiyiniz səmimiyyət
böyükdür və (Sizin) sədaqətinizin nümayişi üçün
cəhdlər (bizə) yaxşı bəllidir”.
Beləliklə, Yu.Xudyakovun yazdığı kimi, IX
əsrin 40-cı illərində qırğız imperiyasının sərhədləri
qərbdə Mərkəzi Qazaxıstana və Qərbi Sibirə, cənub-
qərbdə İssık-Kula və Mərkəzi Tyan-Şana, Kaşğara,
Tarim hövzəsinə və Tibetin şimal rayonlarına qədər
uzanaraq nəhəng miqyaslarda genişləndi. Orta
əsrlər tarixində ilk dəfə dağlıq-düzənlik Asiyanın
geniş intəhasızlıqları balaca cənubi-sibirli xaqlın
– qırğızların hakimiyyəti altına keçdi. Qırğızlar
əkinçiliyin yüskək inkişafı sayəsində Mərkəzi
Asiyanın və Sibirin digər xalqlarından seçilirdilər.
Qırğızıstan Böyük Dövləti dövründə Xaqyasa
Cənubi Sibir, Monqolustan, Baykalətrafının bir
hissəsi, İrtışyanı tərəflər, Şərqi Qazaxıstan, Yeddisu
aid idi. Bu həm də Tan Şudakı informasiyalarla
təsdiqlənir: "Xaqyas güclü dövlət idi, sahəsinə
görə ona Quliqani (Baykal), cənubdan Tibet
(Şərqi
Türküstana
qədər),
cənub-qərbdə
karlukların Qelolusu (Yeddisuya qədər) daxildir”.
Ye.S.Malovun fikrinə görə, qırğızlar güclü Yenisey
dövləti idilər. VIII əsrdə qırğızlar Böyük İpək yolu
hərəkatının aktiv iştirakçılarına çevrildilər. Onlar
Çin və Tibetə ən yaxşı qaçağanları və başqa nadir
heyvanların xəzini ixrac edir, oralardan isə ipək,
çini qab-qacaq və bəzək-düzək idxal edirdilər.
Böyük İpək yolu Avrasiya xalqlarının həyatında
şah damarı kimi mühüm rol oynamışdır. Nəticədə,
mənəvi və maddi dəyərlərin təbii mübadilə prosesi
gedirdi. Qırğızıstan öz coğrafi mövqeyinə görə
İpək yolunda münasib, əlverişli yer tuturdu. Əsas
yollardan birini elə belə də adlandırırdılar: “qırğız
yolu”. Bu yolda aktiv ticarət gedirdi və əhalinin
miqrasiyası baş tuturdu ki, bu da qırğız xalqının
başqa xalqlarla inteqrasiyasına nəzərəçarpacaq
dərəcədə təsir göstərirdi. Qırğızlar Tan imperiyası
ilə diplomatik və ticarət əlaqələri qurmağa can
atırdılar. Tibetlə, karluklarla və qonşu müsəlman
dövlətləri ilə ticarət aparırdılar. V.V.Bartoldun
sözlərinə görə, qırğızlar həmişə müxtəlif ölkə
tacirləri üçün böyük maraq kəsb etmişlər. Qırğızlar
gəlmə tacirlərə xəz malları, müşk, mamont xiləsi
və tozağacı oduncağı təklif edərdilər, atları Çinə
sarı sürüb aparardılar.
VII əsrin sonu-VIII əsrin əvvəllərində özündə
Qərb və Şərqin çalarlarını əks etdirən yerli sikkələrin
buraxılışı başlandı. Xalqlar bütün Böyük İpək yolu
– beynəlxalq ticarət istiqaməti boyu təkcə mallarla
deyil, ideyalar üzrə də mübadilə işləri aparırdılar.
Onlar müxtəlif inanca malik insanlar idilər:
müsəlmanlar, isəvilər, buddistlər, zərdüştlər. Təbii
ki, bu həm də bütöv dövlət və xalqların mədəni-
196
Dostları ilə paylaş: |