81
tayfa elementləri və ya Bayandurlar, Tripolidə, Hələbdə və Sivasın cənubunda qal-
maqda davam ediblər” [Roemer, 2003:181].
Bu haqda tarixçi Əhməd Toksoy “Kitab-i Diyarbəkriyyədə bayındırlılar (Qara
Yuluq Osman Bəyə qədər)” adlı məqaləsində belə yazır: “Qaraqoyunlu kimi, Şərqi
Anadolunun dağında, daşında, vadisində və çay kənarlarında özünəməxsus izlər
qoymuş Ağqoyunlular, 24 Oğuz boyundan biri olan Bayandurlara mənsubdur. Buna
görə onlara “Bayandır xanın oğulları” və ya “Bayanduriyyə” olaraq adlandırılsalar
da, bir müddət “Tur Əlilər” də çağrılmışdılar. Bayandurun daima “nemətlə dolu”
(bol məhsullu) yer olması haqqında məlumatlar vardır” [Toksoy, 2008:807, 810].
Elə həmin məqalədə Ağqoyunluların mənşəyi haqda da məlumat mövcuddur. “Ki-
tabı Diyarbəkriyyədə” göstərilir ki, Ağqoyunluların 54-cü babası Oğuz xaqandır.
Onun hakimiyyəti illərində İran, Suriya, Turan, Misir, Dəşti-Qıpçaq, Hind, Kəşmir
və Türkistan dövlətin ərazisinə daxil idi. “Kitabi Dədə Qorqud”da adı çəkilən Ba-
yandur xan Oğuz xaqanın nəvəsi Ağqoyunluların ulu babasıdır”[Toksoy, 2008:806].
Ağqoyunlu tayfasının mənşəyi haqqındakı oxşar fikirlər T. Nəcəflinin “Qaraqoyunlu
və Ağqoyunlu dövlətlərinin tarixi müasir türk tarixşünasliğinda” əsərində də möv-
cuddur: “Ağqoyunlu tayfalarının mənşəyi ilə bağlı ən mühüm məlumatı Ağqoyunlu
tarixçisi Əbu Bəkr Tehrani "Kitabi-Diyarbəkriyyə" əsərində verir. Müəllif "Uzun
Həsənin ulu babası Ağqoyunlu dövlətinin qurucusu olmuş Qara Yuluq Osmanı bir-
bir adlarını saymaqla, Bayandur xan vasitəsilə 52-ci arxa dönənindən Oğuz xana
çıxararaq Ağqoyunluların Oğuz, yəni türkman elinin Bayandur boyundan bir sülalə
olduğunu göstərir” [Nəcəcfli, 2000:16].
H. R. Römer Qaraqoyunluların mənşəyi haqqında yazır: “Qaraqoyunlu adını
daşıdığı Baharlı “bahadur” ilə əlaqələndirilir. Bu ad güclü türkman ailələrinin yerləş-
diyi Ərbil, Marağa, Hilatda da rast gəlinən, Urmiya gölündən Van gölünə qədər olan
ərazidən cənubda və şimalda, həmçinin Həmədandan şimala uzanan Bahar yaşayış
məntəqəsi ilə eyniləşdirilirdi. Monqol hücumu nəticəsində onlar Van gölündən şi-
mala çəkilməli olur və burda Qaraqoyunlu dövləti yaradılır. Bu ad həmçinin İva və
ya Yiva adının dəyişilmiş formalarındandır, güman olunur ki, qədim Oğuz tayfala-
rından birinə məxsusdur. Qaraqoyunlu və Yivanın əlaqəsi onu göstərir ki, Qara-
qoyunlu Yivadan gəlmədir” [Roemer, 2003:182].
M. Şəkər öz məqaləsində Yiva tayfaları haqqında məlumat verərək yazır: “24
oğuz boyundan biri olan Yıvələr “dərəcəsi üstün” deməkdir, günümüzdə hər nə
qədər Yıvə adına rast gəlinməsə də, Osmanlı hakimiyyəti illərində bu adda türkman
tayfa birliklərinin olduğu məlumdur” [Şeker, 2009:448].
Qəribədir ki, Yıvə tayfalarının Qaraqoyunlularla əlaqəsinin olması haqqında
məlumata T. Nəcəfli də təsdiq edir. O, yazır: “Şükrullahın bu qeydinə əsasən Qara-
qoyunlular Oğuz nəslindən Dəniz xanın oğulları olan İğdir, Büğduz, Yıvə və Kınık
boylarından birinə mənsub olmuşdur. Bunlardan Yıvə boyu ilə Qaraqoyunlular ara-
sında nəsli qohumluq əlaqələrinin ola biləcəyinə dair bəzi izlər görünür. F. Sümer
Yıvə türklərinin Səlcuq yürüşləri dövründən etibarən Azərbaycanda məskunlaşdıq-
larını və XII əsrin II yarısında Həmədan bölgəsində öz bəyliklərini yaradaraq onu
Monqol yürüşlərinə qədər qoruyub saxladıqlarını qeyd edir. Monqol istilasından
əvvəl Bərçəm adlı bir bəyin rəhbərliyi altında olan Yıvələrin yaşadığı Həmədan
82
ətrafında Qaraqoyunlu dövlətinin dayağı olan və hökmdar ailəsi ilə qohumlaşmış
Baharlu tayfası yurd salmışdı” [Nəcəcfli, 2000:11].
H. R. Römer araşdırmalarından aydın olur ki, Qaraqoyunlu və Ağqoyunlu
tayfalarının mənşəyi və Azərbaycanda məskunlaşması ilə bağlı məsələlər alman
tarixşünaslığında müəyyən mənada öz əksini tapmışdır. H. R. Römer öz əsərində bu
tayfaların Oğuz mənşəli olmasını qeyd etsə də, heç bir əsas olmadan Qaraqoyun-
luların və Ağqoyunluların yaratmış olduğu dövlətləri İran dövləti kimi təqdim edir.
Düzdür, Qaraqoyunlu və Ağqoyunlu dövlətlərinin sərhədləri İranın əksər ərazilərini
əhatə etmişdi. Lakin bu dövlət Azərbaycanda yaranmış və Təbriz paytaxt şəhəri
olmuşdur. Azərbaycan Qaraqoyunlu və Ağqoyunlu dövlətləri XV əsrdə Yaxın və
Orta Şərqin ən güclü imperiyaları kimi İranı əksər ərazilərini öz sərhədləri daxildə
birləşdirsə də, onların İran dövləti kimi təqdim olunması elmi cəhətdən əsassızdır.
Ədəbiyyat
1.
Ahmet Toksoy. “Kitab-i Diyarbekriyye’de bayındırlılar. (Kara Yuluk Osman bey’e
kadar)”. Turkish Studies International Periodical For the Languages, Literature and
History of Turkish or Turkic. Volume 3/4 Summer 2008 12s (806 -817)
2.
Azərbaycan tarixi, Yeddi cilddə, III cild. Bakı, 2007. 561 s.
3.
Barbara von Palombini. Bündniswerben abendländischer Mächte um Persien: 1453 –
1600. Wiesbaden 1968, 153 s
4.
Bilal Dedeyev. “Azerbaycan - Osmanli ekonomik ilişkileri (1450
‐1520)”. Journal of
Qafqaz University. Number 18, 2006, s. 105 -112.
5.
H. R. Roemer. “Persien auf dem Weg in die Neuzeit. Iranische Geschichte von 1350
-1750”. Beirut, 2003, 525 s.
6.
https://www. uni-goettingen. de/de/349075. html
7.
Mehmet Şeker. Anadolu'nun türkleşmesi ve islamlaşmasi sürecinde Maraş bölgesi ve
bölgeye yerleşen türk boylari. Kahramanmaraş sempozyumu. 2009, s. 437 -450.
8.
Remzi Kiliç. Fatih devri (1451-1481) Osmanli-Akkoyunlu ilişkileri. Sosyal Bilimler
Enstitüsü Dergisi Sayı : 14 Yıl : 2003/1, s. 95-118.
9.
Tofiq Nəcəcfli. Qaraqoyunlu və Ağqoyunlu dövlətlərinin tarixi müasir türk
tarixşünasliğinda. Bakı, 2000. 197 s.
Summary
QARAQOYUNLU VƏ AĞQOYUNLU TAYFALARININ ETNİK KİMLİYİ
MƏSƏLƏSİ ALMAN TARİXŞÜNASLIĞINDA
Qaragoyunlu and Aggoyunlu tribes which were one of the Turkish tribes also
participated in formation of Azerbaijani nation. The origin of these tribes, their participation
in development and their role in enrichment of Azerbaijani culture and generally issues
connected with their presence in the processes occurred in Western and South-western Asia
are still rouse scientific interest.
The ethnic origin of above mentioned tribes also attracted the attention of some
European researchers. From this point the works of H. R. Romer, G. Dorferin, B. fon
Palombin, V. Hins, V. Popper, R. fon. Shtrommer are deserving attention. In his work
“Persians in a way of new period. The History of Iran between 1350-1750” the German