______________________________________________________ Poetika.izm
81
dəyərləndirilir. 20-30-cu illərin kəskin və mürəkkəb ədəbi-siyasi mübarizələri və çarpış-
maları mühitində ənənəvi və milli lirik “mən”in poetik “biz”ə çevrilməsi prosesini
müəllif parlaq bədii nümunələr əsasında ümumiləşdirməyə çalışır.
Yashar Gasımbaylı
LYRICS AND POETIC "WE" CULT
SUMMARY
The article “Lyrics and poetic "we" cult” is denoted to the research of the change
process of lyric characters in Azerbaijan poetry in the XX century.In the research the
anlysis of changing process of the aesthetic contents and expression means that are
widespread in the poetry of Azerbaijan and the former Soviet Union since the middle of
20th years are realized in the research of investigation of the lyric characters features.
For this purpose, the initial phase of creative of the most prominent represantatives of
poetic generation that is in the 30
th
years are reviewed in the light of comparable
research. In particularly, famous works towards the poetic program artistic manifesto of
Samad Vurgun, Suleyman Rustam, Mikayil Mushfig, Gaphur Gulam and Rasul Rza are
considered in the theoretical context.The author tries to generalize the changing process
of traditional and national lyrics "I" to the poetic "WE" in the conditions of acute and
complex literary-political struggles and fights of 20-30
th
years in the different bases of
interesting artistic samples.
______________________________________________________ Poetika.izm
82
Elnarə QARAGÖZOVA
Nizami adına Ədəbiyyat İnstitutu
KAMAL ABDULLANIN VƏ LİON FEYXTVANGERİN
YARADICILIĞINDA “KÖLGƏ” ARXETİPİ
Açar sözlər: oxşar, arxetip, kölgə, hökmdar, tarix
Key words: similar, archetype, shadow, ruler, history
İnsan özünü dərk etdiyi qədim zamanlardan bəri öz oxşarının möv-
cudluğuna inanmışdır. Bir çox mədəniyyətlərdə insan və heyvanların
oxşarlarının mövcudluğuna inam özünü göstərir. Oxşar obrazın yaranması
qədim mifoloji köklərə dayanır. Lakin oxşar obrazı çox zaman insanın
mənfi səciyyəli əkizi, faciəli mövzusu ilə bağlıdır. Məsələn, alman folk-
lorunda belə bir obraz doppelganger (hərfi tərcüməsi phantom əkiz) ad-
lanır. Bəzi inanclara görə, doppelganger xəstəlik və ya təhlükə ehtimalı
olduqda insanın dostlarına və ya qohumlarına görünür. Şotlandiya folk-
lorunda da oxşar doppelganger kimi təzahür edir. Norveç mifologiyasında
bu «vardøger» adlı sirli kabus kimi meydana çıxır.
Ədəbiyyatda bu motiv xüsusilə XIX-XX əsrlərdə inkişaf etmişdi.
Bir çox bədii nümunələrdə oxşar əsasən şeytani əkiz kimi meydana çıxır.
Onun görünməsi bəzən qəhrəmanın tezliklə öləcəyini xəbər verir. Oxşar
çox zaman insanın «qaranlıq tərəfi», alter ego, düşmən kimi səciyyələnir.
Doppelgangerlərə Hofmanın əsərlərində, Puşkinin “Vasilyevski
adasında tənha ev”, Odoyevskinin “Silfida”, Qoqolun “Şinel”, Dosto-
yevskinin “Oxşar”, C.Hoqqun “Bağışlanmış günahkarın tövbəsi”, Edqar
Ponun “Vilyam Vilson”, “Qara pişik”, R.L.Stivensonun “Sahibkar Bal-
latre” əsərlərində rast gəlinir.
“Dualist mifologiyada Dünyanın ən arxaik strukturu bir-birinə qarşı
duran cüt kosmik simvol və ya əlamətlər (günəş – ay, kişi – qadın, sağ –
sol) vasitəsilə təsvir olunur. Demək olar ki, bütün folklor və mifoloji
sistemlərdə, əkizlərin, ikiliyin olması aydın görünür. İnkişafın erkən mər-
hələlərində olan cəmiyyətlərdə oxşar motivi çox zaman ölümdən sonra
həyat fikirləri və dəfn ritualları ilə bağlı olur” [1, s. 141].
İnsanın qeyri-maddi oxşarı olan "Ka" haqqında Misir konsepsiyası
da maraqlıdır. “Lakin Avropalı həmkarından fərqli olaraq misirli Ka
qeyri-adi, çox yönlü bir fenomen deyil, kifayət qədər təbii qəbul edilir və
heç bir mistik dəhşəti özündə ehtiva etmir” [2, s. 213].
Maraqlıdır ki, Kafkanın “Qəsr” romanında da baş qəhrəmanın adı K
(Ka) kimi qeyd olunur. Bir çox tədqiqatçıların fikrincə, K məhz Kafkanın
______________________________________________________ Poetika.izm
83
özünün prototipidir.
Fikrimizcə, «oxşar» arxetipi Yunqun kölgə arxetipinin
təzahür
formasıdır. Kölgə insan həyatının qaranlıq tərəfi ilə eyniləşdirilir
və buna görə də Freydin orta cins – "o" ilə ifadə etdiyi anlayışa uyğun
gəlir. Kölgə arxetipi bir tərəfdən fərdi, digər tərəfdən də kollektiv
şüursuzluğa söykənir. Yunqun fikrincə, “Şeytan Kölgə arxetipinin
variantıdır, yəni insanın etiraf edilməyən, qaranlıq, təhlükəli yarısıdır” [3,
s. 101].
Kölgə daim azadlığa can atır. Lakin persona arxetipi – insanın so-
sial maskası onun qarşısını alır. Kölgə və persona daim tarazlıqda ol-
malıdır. Kölgəni sıxışdırmaq, personanın daha kəskin formada təzahürünə
yol vermək olmaz. Əks halda bu antaqonizmə və nevroza gətirib çıxara
bilər.
Fikrimizcə, Azərbaycan və dünya ədəbiyyatında rast gəlinən kölgə
arxetipinin təzahür formalarından biri olan siyasi oxşarların ədəbiyyatda
əksinin araşdırılması olduqca maraqlı məqamların üzə çıxmasına kömək
edəcəkdir.
Hesab edilir ki, qədim dövrlərdən başlayaraq hakimiyyətdə olan
şəxslərin daima gizli saxlanılan oxşarları olmuşdur. Bu oxşarlar çox za-
man müxtəlif mərasimlərdə, görüşlərdə, yaxud siyasi liderin həyatına
təhlükə yarana biləcək məqamlarda onu əvəz edirdilər. Hətta Napoleonun
bir deyil, bir neçə oxşarının olduğu haqqında versiyalar mövcuddur. “Bəzi
əfsanələrə görə, Müqəddəs Yelena adasında 1821-ci ilin 5 mayında vəfat
edən Napoleon deyil, onun oxşarı olan Napoleon ordusunun kapralı Robo
olmuşdur. İmperatorun özü isə ömrünün qalan hissəsini İtaliyada keçir-
mişdir” [4].
Siyasi oxşarlar dünya ədəbiyyatında da geniş şəkildə əksini tapmış-
dır. B.Prusun “Firon” əsərində XIII Ramses öz oxşarı olan yunan Likon
ilə qarşılaşır. Kahinlər Ramsesin yerinə Likonu hakimiyyətə gətirmək
istəyirlər. Lakin Likon Ramsesə sui-qəsd edərkən Ramses onu boğaraq
öldürür, Likon son nəfəsdə Ramsesi qarnından yaralayır. Ramses əsgər-
lərin qollarında keçinir.
Robert Xaynlaynın “Oxşar” adlı romanında istedadlı aktyor Loren-
so Smitə keçici müddətə müxalif partiya tərəfindən oğurlanmış siyasətçi
Con Cozef Bonfordun yerinə keçməyi təklif edirlər. Lorenso məxfi
şəkildə Bonfordun yerinə mərasimlərdə iştirak edir, mətbuat konfransı
keçirir, rəsmi mərasimlərdə çıxış edir. Lorenso öz rolunu çox məharətlə
ifa etdiyindən imperatordan başqa heç kəs onun Bonford olmadığını hiss
etmir. Lorenso Bonfordun yerinə çıxışlar hazırlayarkən, onun üslubunda
nitq yazmağı mükəmməl şəkildə öyrənir, hətta onu üstələyir. Nəhayət,
Dostları ilə paylaş: |