______________________________________________________ Poetika.izm
92
Buddhism, modern jazz, free sexuality, and recreational drugs. Among
writers associated with the movement were Jack Kerouac and Allen
Ginsberg) adlanan nəslin ideologiya və estetikasının əsasında dayanırdı.
Keçən əsrin 50-ci illərində San-Fransiskoda özlərini “məğlub edilmiş
nəsil” adlandıran gənc ziyalılardan ibarət qrup formalaşmışdı. Bu nəslin
nümayəndələri, yəni “məğlublar” müharibədən sonrakı depressiyanı, “so-
yuq müharibəni”, atom faciəsini tənqid edirdilər. Onlar insan şəxsiyyəti-
nin özgələşməsi vəziyyətini əsərlərində təsvir edirdilər. Bu gənc hərəkatın
nümayəndələri belə bir fikri təkrarlayırdılar ki, müasir amerikanlılar
müxtəlif sivilizasiyalarda yaşayırlar [4, s.300]. Məğlub yazıçılar arasında
ən çox tanınan yazıçı Cek Keruak (1922-1969) idi. Onun yaradıcılıq kre-
dosu birbaşa bədii mətnlərdə ifadə edilirdi. Keruak on roman yazmışdı.
Onun “Qəsəbə və şəhər” romanı bu nəslin manifesti sayıla bilərdi. Keruak
özünün bütün nəsr yaradıcılığını Prustun “İtmiş zamanın sorağında” epo-
peyası ilə müqayisə edirdi. Prust kimi Keruak da məxsusi, yalnız onun
özünə xas olan metodla işləyirdi, “spontan” adlanan bu metodun mahiy-
yəti bundan ibarət idi ki, yazıçı ağlına nə gəldisə, dərhal yazmalıdır.
Keruakın qəhrəmanı cəmiyyətdən qaçır, onun içində yaşaya bilmir. Ke-
ruak üçün tənhalıq insanı cəmiyyətdən qovan yeganə və əsaslı səbəbdir.
Məhz içində yaşadığın tənhalığın dərinliyindəki hisslər əsasında ətraf
dünyanı qiymətləndirmək olar.
Keruakın əsərlərində əhəmiyyətli dərəcədə, yəni süjet anlamında
heç nə baş verməsə də qəhrəmanlar daimi hərəkətdədirlər. Təhkiyəçi qəh-
rəman müəllifin özüdür. Ancaq Keruakın əsərlərində həmişə bir ikinci
təhkiyəçi
də var ki, onun fikirləri mətn altından təsir edir.
60-cı illər nəsli üçün əlamətdar əsər kimi “Amerikan arzusu” ro-
manı sayıla bilər (1965). Əsas qəhrəman Stiven Rodjek prezident Ken-
nedinin sinif yoldaşıdır, müharibə qəhrəmanıdır. O, gözəl psixoloq və TV
aparıcısıdır. Ancaq Stivenin həyatı heç cürə alınmır. Ailə həyatı ona se-
vinc gətirmir, çünki arvadının pul ehtirası sərhəd tanımır.
“Amerikan arzusu” romanının əsas motivi qəhrəmanın daxili zəv-
varlığıdır, o, şüuraltının ən gizlin nöqtələrinə nüfuz etməyə çalışır. Bu
məqsədlə qəhrəman Nyu-Yorkun lap dibinə çökür. Ancaq onun instinkt-
lərin qadağa zonasına girməsi daxili parçalanmaya səbəb olur. Qəhrəman
qətl, intihar, orgiya və orqazm kimi hisslərin ən
dib hissəsinə enib, onların
mənasını mənimsəməyə çalışır. Beləliklə, aydın olur ki, qəhrəmanın bü-
tün kitab və fəlsəfi təcrübəsi ona psixoloji planda kömək edə bilmir.
Qəhrəmanın öz daxilinə səfərinin dinamikası yazıçıda yuxugörmənin
nəbz kimi döyünən dinamikasını yaradır [4, s.301].
Burada fəlsəfə, ədəbiyyat... ümumən düşüncə tərzi ilə həyatın digər
aspektləri arasında əlaqələrdən bəhs edildi, müxtəlif zamanlarda ayrı-ayrı
elm və sənət adamlarının Amerika haqqında təəssüratlarının xülasəsi ve-
______________________________________________________ Poetika.izm
93
rildi. Bütün bu faktların tədqiqat kontekstində daha uyarlı şəkildə əsaslan-
dırıla bilməsi üçün praqmatizm fəlsəfəsinin mühüm nüanslarından bəhs
etmək yerinə düşərdi.
Praqmatizm fəlsəfəsi ABŞ-da ümumi mədəni prosesin ayrılmaz tər-
kib hissəsidir. Praqmatizm fəlsəfəsi ilə memarlıq praktikası arasında əla-
qələr hələ XIX əsrin sonlarından etibarən qərarlaşmağa başlamışdı. Bu
dövrdə ictimai həyat normaları, münasibətlər və mədəni kanonlar dəyişi-
lirdi. Bununla eyni zamanda gözəllik haqqında Avropada qərarlaşdığın-
dan fərqli və yeni təsəvvürlər formalaşırdı. Baxılan aspektdə praqmatizm
ideyaları amerikan memarlığına və digər düşüncə sahələrinə Avropanın
klassisizm ənənələrindən xilas olmaqda yardım etdi. Məhz amerikan var-
lığını sübuta yetirmək üçün yeni tendensiyalar ziddiyyətli idi və bir çox
təsadüflərdə eklektik xarakter daşıyırdı. Onlar amerikan ədəbiyyatında,
eyni zamanda memarlığında yeni əlamətlərin meydana gəlməsinə təkan
verdi, bütün bunların özülündə 1870-ci illərdə Çikaqoda yaranan və “Çi-
kaqo məktəbi” ilə tanınmış yeni istiqamət dayanırdı.
Bu şəxslər 1870-1890-cı illərdə 1871-ci ildə Çikaqoda baş vermiş
yanğından sonra onun bərpası üstündə əlləşən bir qrup memar və mühən-
dislərdən ibarət idi. Bu məktəbin təmsilçiləri arasında bir sıra çox tanın-
mış amerikan memarları, o cümlədən Luis Salliven, Uilyam le Baron
Cenni, Uilyam Holaberd, Martin Roş, Con Rut, Corc Etvud, Deniel
Bernem var idi.
Bu dövrün ictimai şüuru üçün çox səciyyəvi olan nizamlılıq və
rasionalizmə cəhd etməklə arxitektura estetikasının yeni təmayüllərinin
axtarışı davam edirdi. Bu estetik kontekstdə əsas cəhət məqsədyönlülüyün
zahirən meydana gəlməsi idi. Çikaqo memarlarının işgüzar praqmatizmi
ruhuna proqres və demokratiya ideyasının hopduğu cəsarətli novatorluq
sayılırdı. Rus tarixçisi və memarlıq nəzəriyyəçisi A.V.İkonnikov
bu dövrü
üslub kontekstində protofunksionalizm adlandırırdı.
Tədqiqatçıların yekdilliklə təsdiq etdiklərinə görə, postmodernizm
və onun nəzəri baxımdan qavranılması mövcud dünyagörüşü konsepsiya-
larında müvafiq “epistemoloji partlayışın” təsiri altında formalaşmışdır.
Postmodernizm nəzəriyyəçilərinin hamısı J.F.Liotarın “Postmodern və-
ziyyət” adlı əsərinin böyük əhəmiyyətindən bəhs edirlər (1979), burada
“postmodernizm” anlayışı metatəhkiyəyə inamsızlığı bildirir. Fransız nə-
zəriyyəçisi üçün müasirlik bütövlükdə “böyük metatəhkiyəyə” inamın
eroziyaya uğraması deməkdir. Postmodern erasının mədəniyyətinin əsas
əlaməti eklektizmdir və bu da öz növbəsində “mədəniyyətin sıfır dərəcə-
sidir”.
Məsələn, Pol Osterin “İllüziyalar kitabı” romanının süjetini nəzər-
dən keçirək. Professor Devid Zimmer təyyarə qəzasında arvadını və iki
uşağını itirir. Yarım il ərzində cəhənnəmin bütün künc-bucaqlarını gəzib