veb-sayt: www.tilvaadabiyot.uz
39
Tadqiqotlar
Jahon va o‘zbek adabiyotshunosligida mayning po
-
etik obraz sifatidagi xususiyatlarini yoritishga doir sal-
moqli tadqiqotlar olib borilgan. Chunki may qadimdan
Sharq xalqlarining hayotida ham,
badiiy adabiyotida
ham keng o‘rin tutgan. Shoirlar ilohiy ishq va ma’rifat
g‘oyalari hamda insonning ruhiy-estetik holati bilan
bog‘liq hayotsevarlik, shodlik, visol va hijron, g‘am va
qayg‘u kabi ko‘plab tushunchalarni may poetik obrazi
orqali ifoda etganlar.
Aytish mumkinki,
may qadimgi fors, arab, turkiy, hind,
yunon xalqlari madaniy va ma’naviy hayoti ning ajralmas
qismi bo‘lgan. Shu bois ushbu xalqlar o‘tmishidan da-
rak beruvchi tarixiy manbalarda may bilan bog‘liq qator
ma’lumotlarga duch kelamiz. Ma’lumotlarning aksariya-
ti dunyo xalqlarining diniy dunyoqarashi bilan bog‘liq.
Jumladan, bundan salkam uch ming yil ilgari yaratilgan
“Avesto”ning ikkinchi daftari – Yasnada 9–11-hotlar
“Havm yasht” deb nomlanadi va unda havm o‘simli
-
gi qayta-qayta tilga olinadi. Havm otashparastlarning
marosimlari uchun maxsus o‘stirilgan, tutuni o‘tkir hid
taratuvchi, insonni sarxush qiluvchi o‘simlik sanalgan.
Undan haoma sharbati tayyorlangan, uni tayyorlovchi
kishi esa
hovanan
deb yuritilgan. Bu sharbat ibodat
chog‘lari iste’mol qilingan hamda o‘lik oq
havm shar-
batidan tatib, abadiyatga erishadi, deb hisoblangan.
“Avesto”ning ko‘p o‘rinlarida uchraydigan
“sut iylangan
havm”, “sut iylangan haoma”, “sut qo‘shilgan haoma”
iboralaridan haoma sharbati havm o‘simligi suviga sut
aralashtirilib tayyorlangani ayon bo‘ladi. Otashparastlik-
da ushbu sharbatni ichgan kishi ilohiy haqiqatlarni ham
anglay oladi, deb ishonilgan.
Yunon mifologiyasida esa Dionis uzumchilik va may
ma’budi, shuningdek, qanotlar homiysi sanaladi. Qush-
lar qanotlari yordamida osmonga ko‘tarilgani kabi inson
Dostları ilə paylaş: